#ولد_خالتي ( الجزء الرابع من سلسلة اقرباء ولكن )
الفصل الرابع
زين وهو يمد في ايده وبضحكة سلبت عقل وقلب آسيا .. اهلين بنت عمتي (وبغمزة ) شكلي مش نا بس اللي تغيرت
آسيا بحب .. اهلين ولد خالتي حمدلله على سلامتك
زين .. اللي يسلمك يارب كيف حالك
آسيا .. بشوفــ.. بخير الحمدلله نورت بنغازي
زين .. منورة بيك سي
وجت خلود اللي حضناته اخرى وكمل سلامه على الباقي وآسيا مازالت سرحانة بشنو ناداها زين ليه سنين ماناداهاش سي بالذات فترة خطوبته لرحيق على رنة فونها اللي عرفت من متصل بيها وتغير وجهها بخوف وطلعت للجنان الوراني بيش تحكي بدون ماحد يسمعها
زين
كنت نحكي مع الصافي ونبصر مع رامز ومعتصم ومريم وسفيان لكن كانن عيوني على شخص نشتاق ليه لما نكون بعيد وتو قدام عيوني ومتغير تغير حلو اخرى واخذ عقلي من زمان ولتو احساسي بيه ماتغير وفجاءة رن فونها وجهها تغير قلبي نغزني وحسيت بحاجة مش تمام وعقلي قالي طول اطلع وراها وفعلا طلعت بدون ماحد يركز معاي وقعدت بنسمع شنو تحكي اللي مالحقتش نسمع منه حاجة غير انها طايحة على الوطى وتبكي
آسيا
كنت سرحانة وذايبة في زين وفي شكله وفطنت على رنة فوني حسيت بقلبي انقبض لاني عرفته اللي يبعث في الرسايل اللي فيها صوري وطلعت للجنان الوراني نكلم بيش ماحد يسمعني
آسيا بصوت واضح فيه الرجفة .. الو
الشاب .. اهلين واخيرا تنازلتي وكلمتيني
آسيا .. انت من
الشاب .. نا عملك الاسود في الدنيا ان ماكرهتك في حياتك ما نقعد نا عصام
آسيا وماعرفتش من عصام .. نا شنو درت ليك ونا عمري ماشفتك وبعدين كيف حصلت صوري
عصام .. معقولة لهدرجة الناس مش مهمة عندك لدرجة انك تنكريني هكي
آسيا بنفرزة .. انت من وضح والله سكر احسن وقولي شنو تبي مني
عصام .. بشوي عليك يما مازالك على حرقة دمك
آسيا .. نا الصوت كأني سامعته لكن متاكدة اني مانعرفش واحد بالاسم هذا
عصام بضحكة .. لو مش من ايام بسيطة بس ماسحة بكرامتي الوطا في الجامعة نقولو
آسيا واذكراته .. اه اذكرتك بس نا مانعرفكش عشان نعرف اسمك وبعدين انت اللي اعترضت طريقي
عصام .. حتى كان كنتي على الاقل رديتي عليا بادب لاني تكلمت معاك بادب مكانش في داعي تسمعي اللي احذانا كلهم بسببك وقفت قيدي يا فالحة على الاقل ينتسى اللي درتيه فيا
آسيا ببرود .. مش ذنبي والله ان نبرة صوتي عالية وبعدين نا هذي طريقة حكيي مع اللي زيك
عصام بضحكة .. صار اللي زيي
آسيا بنفاذ صبر .. قولي شنو تبي مني وكيف وصلت لصوري
عصام .. كيف وصلت لصورك هذي بسبب غرورك التافه اللي خلاك عمية لكن اللي نبيه منك نبيك تجيني
آسيا بعدم فهم .. نجيك وين
عصام .. لشقتي ناخذ غايتي فيك
آسيا بصدمة .. شن شنو شنو تقول انت اكيد مش بعقلك
عصام ببرود ولاكأنه يساوم في بنت على شرفها .. وبكامل قواي العقلية حنعطيك اسبوع تستوعبي اللي طلبته وبعده صورك في كل مكان تتخيله حتللقيهن فيه وغير هكي بما ان صورك (وبهزوة ) فيهن واجد وانتي وفي دارك ودبش نومك نقدر نركب عليه صور من اللي بالك فيهن
آسيا بدموع .. انت مش طبيعي اكيد
عصام .. طبيعي واكثر من الطبيعي سلام ولينا لقاء بعد اسبوع
أنت تقرأ
(سلسلة أقرباء ولكن) الجزء الرابع و الاخير بعنوان ولد خالتي
Short Storyسلسلة أقرباء ولكن هي سلسلة متصلة ببعض وعشان تفهم الجزء الرابع لازم تقرا كل الاجزاء السابقة.. حياة التنزيل يومي باذن الله
