عذرا على التاخير الخارج عن اردتنا
انقطاع الكهرباء والنت وحالة وفاة
#ولد_خالتي ( الجزء الرابع من سلسلة اقرباء ولكن )
الفصل التاسع
زين .. اختاري اي دار منهن لكن الحمام للاسف مشترك مالقيتش جناح بحمامين
آسيا حاوالت تبان عادية .. مافيش مشكلة زين
وخشت آسيا اول باب على يمينها وفتحاته والجناح كان عبارة صالة كبيرة فيها شاشة وصالون كنبات وثلاث بيبان واحد يمين و اثنين يسار وبمجرد ماشفاته عرفت طول انه جناح بدارين وخش وراها زين حط شنطتها وطلع وسكر الباب وراه
آسيا
يعني شنو كنت متوقعة انه بياخذ جناح بدار نوم وحدة وهو معترف بلسانه انه يحب وحدة ثانية به ليش كمل الزواج ليش ليش مخلاهاش فاتحة وقدر يحميني حتى بالفاتحة بس لان اسمي مرته يارب ودعيت لربي يوريني وين الحل
وتعوذت من الشيطان خشت توضت وصلت وغيرت دبشها لبست قفطان قطني محير كمامه ورديات وهو لونه ابيض عليه كتيبة بسيطة من عند الصدر ولمت شعرها وطلعت لقت زين مغير دبشه ومقمعز يتفرج على الشاشة وحس بيها مصبية
زين .. كنك مصبية آسيا
آسيا جت قمعزت على الكنبة اللي مقابلة
زين .. كنك آسيا حاسة روحك تاعبة
آسيا بهزة راس .. لا
زين .. به امنا طلبت فطور اكيد جعانة لان في الطيارة حسيتك ماكليتي
آسيا .. به شكرا
زين
مش عارف كيف نصرف وتميت نندم على كل خطوة درتها زي السفر كنت لغيته او اجلته شوي حاسس روحي متلبك وملخبط مش عارف شنو اندير
آسيا .. زين نبي نحكي ممكن تسمعني
زين .. احكي نسمع
آسيا .. شنو اللي غيرك عليا
زين .. بالعكس نا مش متغير في شئ عادي
آسيا .. لا يا زين انت كنت تتعامل معاي براحة اكثر من هكي نشوف في عيونك حكي واجد تبي تقوله لكن مش عارفة ليش ماقلتاش لتو
زين سكت شوي وبعدها قال
زين .. اسمعي آسيا نحن جايين بندهورو ممكن نعتبرو اروحانا اصدقاء ونقضو الايام هذي بجو سمح وبعدها تو نقولك الكلام اللي ماقلتاش لتو
آسيا وحست بامل .. تمام متفقين بس توعدني ايش مايكون الكلام تقوله لي
زين .. وعد
زين
بعد مافكرت نا دافع فلوس وزايدني عليهن الصافي من تعبه وشقاه بيش ندهور هنا ونطول في الدهوير لان الفلوس اللي معاي كانت حتقضيني اسبوعين بس وبعد مانجي بنقعد متنكد اكيد لا وبعد تفكير قلت خليني اندير هدنة بين قلبي اللي يبي يموت عشان حضن بس من آسيا وعقلي اللي كان يلقى يخنقها بيديه لعند مايريح اخر نفس عندها وقلت نمشي هالايام هذي ونا متناسي اللي عرفته وبعد مانروحو نحكي ليها ونقوللها اللي نعرفه ونخليها فترة بعدها ونطلقو وخلاص
لان اللي دارته آسيا معاه برادتها مش غصب عنها بيش نسامحها والله لو اغتصبها اغتصاب كنت خذيتها وفرحت اخرى انها مرتي لكن بالطريقة اللي سلمت نفسها ليه بيها معاش تلزمني وقلبي زي ماحبها يحب غيرها
أنت تقرأ
(سلسلة أقرباء ولكن) الجزء الرابع و الاخير بعنوان ولد خالتي
Short Storyسلسلة أقرباء ولكن هي سلسلة متصلة ببعض وعشان تفهم الجزء الرابع لازم تقرا كل الاجزاء السابقة.. حياة التنزيل يومي باذن الله
