#ولد_خالتي (الجزء الرابع من سلسلة اقرباء ولكن )
الفصل الثالث عشر
الصافي .. كنهن امهاتك تقول هنا اللي يحكن
رحيق وحضنت الصافي .. مش قصة امهاتي لكن انت عارف زين وغلاته للعيلة والله لما يعلمو ان ليك يد في الموضوع حينقمو عليك
الصافي .. يتربى وبعدها ساهل
يتعلم ان آسيا متربية وعارفين كيف متربية رغم ان لبسها كان منحل لكن اخلاقها عمرهن ماكنن زي لبسها خليه يتعلم انه لازم يثق فلي قدامه وكان لازم يسئل ويواجه مش يهرب ويضعف ويدير زي مادرت نا
رحيق .. انا معاك لكن قدام امهاتي انت بتكون درعي
الصافي وحط ايده على بطنها .. هضا اللي بيكون درعك لما بيعاتبوك او بيعاركوك مافيش من احسن انك اديري روحك دختي
رحيق بضحكة .. وهذي السبلة لقيتها ليا وبه وانت
الصافي بضحكة اكبر .. اندير روحي تعصبت ونخبط الباب ونطلع
رحيق وباساته على خذه .. مجهز لكل شئ
الصافي .. عشان الحسرة اللي مازالت مابردت في قلبي مانبيهاش تصيرله ياحبي
رحيق .. معقولة حتى مع السنين هذين كلهن مبتش تحول
الصافي .. صعب عليا يا قلبي
رحيق .. الوقت احسن من ينسي
الصافي .. ان شاءالله ... هي وتي روحك بيش نرفعك لاسيا شكلها متأثر بكل
رحيق .. هي بس روح نحطوها عند وتين
الصافي .. عليش
رحيق .. عشان روح تو تخبر كان شافت آسيا
الصافي .. صح صح والحمدلله ان عبدو حول لشقة بروحه كان قاعد فوق هله راه معاش لقينا وين نحطو روح
رحيق .. الحمدلله
وطلع الصافي ورحيق شور آسيا بعد ماحطو روح عند عبدو وقالوله ان رحيق عندها مراجعة طبعا الصافي حط آسيا في شقة صاحبه فوق شقة خاله رواد عشان كان شافهم حد يقول كان عند خاله وفي نفس الوقت حكى لخاله الحكاية كلها وبيش يدير باله من آسيا بدون ماتعلم كيان واول ماخشت رحيق حضنتها آسيا وقعدت تبكي ورحيق تهدي فيها وبعدها سيبتها مع الصافي وخشت تجهز في الوكال اللي جابوه ليها لانها واضح انها ماكلت شئ وبالغصب من الصافي ورحيق قدرت تاكل شوي وحكى ليها الصافي ان زين اتصل بيه وبكرة في الليل طيارته وهو يحكي معاها اتصل زين
زين .. وينك يا الصافي معاش رديت عليا نا قاعد على نار
الصافي .. لهيت شوي رحيق عندها مراجعة
زين .. به شنو صار
الصافي .. مشيت شور حوش خالتي صباح ودرت روحي نزور عادي لكن مالقيتش آسيا ولا حتى شكلهم يعلمو بانها روحت لان خالتي سئلتني عليكم
زين بخوف وصوت متوتر .. به وين بتعدي قلبي نار يا الصافي والله كان نلقى نجيها على رجليا من النار اللي جواي كيف نصبر نا لبكرة ترا قولي
الصافي .. مش عارف الحق هي حتى صاحبات ماعندهاش الا رحيق وجيهان ووتين وتو وتين حطينا روح عندها قبل مانمشو شور العيادة ومافيش اي حاجة ادل انها عندهم وخالي رواد عند وتين بيش نقول عندهم وخليت حتى رحيق اطقس من بعيد البعيد على خوالي لكن مافيش اي اثر ليها لان كلهم يسئلو امتى بتروحو
زين بعيطة وصوت عالي .. باهي وين عدت كيف اندير نا قريب نطلع من عقلي يا خوي كيف اندير
الصافي .. هدي بالك حاجة شينة اكيد مش صايرة ليها لان كنا اكيد سمعنا بيها لكن مالينا الا الصبر
زين .. ربي يصبرني يا خوي وغير بكرة انجي لو كان اندور عليها بنغازي حوش حوش
الصافي .. ربي يصبرك يا خوي ونا تو نزيد نسئل رحيق بالك عندها صاحبة نحن مانعرفوهاش
زين .. حتى هو راي
أنت تقرأ
(سلسلة أقرباء ولكن) الجزء الرابع و الاخير بعنوان ولد خالتي
Short Storyسلسلة أقرباء ولكن هي سلسلة متصلة ببعض وعشان تفهم الجزء الرابع لازم تقرا كل الاجزاء السابقة.. حياة التنزيل يومي باذن الله
