(سلسلة أقرباء ولكن) الجزء الرابع و الاخير بعنوان ولد خالتي

الفصل الثاني

#ولد_خالتي ( الجزء الرابع من سلسلة اقرباء ولكن )

الفصل الثاني

رحيق .. والله ماقال وكل ما نسئله يقولي نروح وتعرفيها
جيهان .. اه هو كمل صح
رحيق .. اه كمل امتحاناته والنتيجة قال عارفها ناجح وبمجموع عالي لان ماشاءالله كل سنة ياخذ فيها بتقدير عالي رغم قرايته في مصر وكلنا نعرفو قديش مصر قرايتها صعبة
آسيا .. وماقالش امتى يروح
رحيق .. قال بمجرد مايشحن دار النوم يسقد طول بعد مايضم شقة عمي معتز ويسكرها
وتين .. ونحن نمشو ليها ان شاءالله
رحيق .. كنكم عليش عندكم حاجة والله دهواري
وتين .. شهيرة مرات قسم جابت بيبي ولد فبنعدو نباركو ونغيرو جو
رحيق .. الف مبارك ليه
وتين .. الله يبارك فيك 
رحيق .. خطرها سوسو بالله صاحبتك اللي ضايفتيها على الفيس تقريبا اسمها حلوة ورافعة خشمي اضني
آسيا .. كنها
رحيق .. عقلك وين لما قبلتي صداقتها تي واضح البنت مش تمام
آسيا .. انا عادتا لما نقبل في طلبات صداقة طالما عندي معاها اصدقاء مشتركين نقبله بدون مانشوف الحساب بتاعها بس كيف عرفتي انها مش تمام
رحيق .. لان اصدقائها الشباب عرم بشكل مش طبيعي
جيهان .. وهذا سبب يخليك تقولي على البنت مش تمام
رحيق .. اسمعني زين وفكيني من الفلسفة الزايدة نحن في مجتمع ليبي ويعتبر محافظ برغم تغير عادات واجد واطباع واجد لكن اهو مازالنا نخافو من ربي ومافيش تقريبا بنت يكون عندها القروب هضا من الشباب الا ان في حاجة مش تمام
آسيا .. ممـــ.....
رحيق .. استني نكمل كلامي بالذات ان البنت ماهيش مثلا تاجرة ونقولو الشباب هذوم يتعاملو معاها او عندها حساب مثلا لكتابة الخواطر او الروايات بيش نقول انهم يتابعو فيها فهمتو عليا واللي قصدته اكيد مش كل بنت ضايفة شباب معناها مش تمام مرات مدرسة والشباب طلبتها ومرات مهندسة او محاضرة في الجامعة يعني في اسباب واجد و صديقتك اللي ضايفتيها مافيش ولا واحد من هالاسباب خلي غير منشوراتها فيهن حاجة مش تمام
جيهان .. خشي ياسوسو على حسابها اللي واضح ان رحيق مفصصاته زين وكنهدا فكك منها ومن المشاكل
آسيا .. حاضر تو نشوفه بس شنو اللي خلاك تشوفيه رورو
رحيق .. لقيتها باعتة ليا طلب اضافة ولما خشيت على حسابها بنشوفه لقيتك من اصدقائها ففتشت كويس في حسابها
وتين .. به وتو شنو مخطاطتكم بما ان القراية قريب تكمل
جيهان .. بناخذ فترة راحة وبعدها اكيد بنوتي لفرحي
آسيا .. حددتوه
جيهان .. لا لما نكمل بتاتي نحددوه وقتها
وتين .. صار مربوط بيك الموضوع
جيهان .. تو على من تستعبطي كان مش قايلك عبدو
وتين .. لا والله ماحكيت معاه ولا حكى معاي لان هذين خصوصيات صاحبه حاجة مش شوري
جيهان .. صح في هذي عندك حق
وتين .. خطرها بنقوللكم محمد خطب ريفال وسلومي خطب يارا
آسيا بفرحة .. والله الف مبارك عليهم يارب
رحيق .. وريسال زعمك ما تأثرتش
وتين .. عليش
رحيق .. لان اختها انخطبت وهنا متعلقات ببعض واجد
وتين بضحكة .. قصدك مش فاطنة انتي والله معاش تشوفي في شئ غير الصافي
رحيق بحب .. حبيب قلبي ربي يحفظه معبي عيني وقلبي
آسيا بضحكة .. قالتها اللي تشوف في غير عبدو
رحيق .. بس شنو اللي ماشفتاش
وتين .. موسى وريسو يحبو بعض ورغم انهم دايرين روحهم مش مبينين لان موسى مايبيش ايدير حاجة رسمية نين يتخرج من الجامعة لكن تقريبا كلنا عارفين انهم يحبو بعض
رحيق .. ربي يبارك فيهم ويحفظهم لبعض
جيهان .. بديرو خطوبة كبيرة
وتين .. اكيد لان العرس مازال ماهمش دايرنه تو فيبو يقرو فاتحة
جيهان .. ربي يكملهم على خير وحتى زين اكيد امهاتك يجهزن ليه ليه
رحيق .. اكيد
آسيا .. حتى عمامي  حتى هما اكيد
جيهان .. ليش ماتقوليش خوالي بدل عمامي
آسيا .. عادي اذا قلت عمامي لانهم ضنا عم بابا واذا قلت خوالي لانهم ضنا عم ماما لكن عمامي اسهل
وتين .. ياعليك لخبطة اما عيلتنا نحن
جيهان .. فعلا بالذات انتي يا وتين اهناك وحدة تقول لشيبانيها وعزوزتها حنينة وجدو
وتين بضحكة وحب .. ربي يحفظهم لي بيش تعرفي عيلتنا خاشة بعضها هذا عم هذا وخال هذا وخالة هذي وعمة هذي ومع ذلك ربي مايفرق بينا يارب
آسيا .. قالتها اللي على اساس عيلتها احسن من عيلتنا
جيهان .. فعلا والله نحن عندنا نفس اللخبطة شنو بنديرو اذا من جد الجد البنت لولد عمها واذا كملن بنات العمام ياخذو من بنات الخوال او الخالات اللي هما اصلا بنات عم لينا يعني مايطلعوش من نطاق العيلة ومع اني نتمنى حد يتحرك ويطلعنا من القصة هذي
آسيا .. عليش تقولي هكي
جيهان بحزن .. عشان مايكونش مصيرها زيي يعني فاطمة كانت محظوظة انها تزوجت صقر لانه يحبها وتحبه وخاتون اسد كان ماخذاها راه نبتت في راسه نخلة وهيا زيه وحتى عائشة مايلة لحيدر زي ماهو واضح انه يبيها لكن نا شوفي وضعي
آسيا .. ربي يهدي بالك
جيهان .. يارب   
رحيق .. ربي يدوم علينا ويحفظنا على الاقل نحن يا جوجو ماعندناش حد مسموم في عيلتنا كانت حني سامية لكن تو الحمدلله تحسي بعد قصة خالو رواد ردت لعقلها وربي هداها 
جيهان بتنهيدة .. فعلا يا رورو نحن  ربيعة مرت عمي ياسين الله يرحمه ورغم انها منا وفينا لكن مسمومة بشكل ربي يحفظنا من شرها وخلاص 
رحيق .. لكن للاسف الضحية كانت خاتون
جيهان .. ربي يفرج عليها

ومشت السهراية بجو حلو وكل وحدة روحت لحوشها وبدن الامتحانات والشاب مازال يتبع في آسيا بس معاش كلمها وآسيا بسبب استهتارها وعدم توقع عواقب غرورها وماعدلتش على كلام رحيق لما قالت ليها تلغي صداقتها بالبنت لكن آسيا نست واهملت الموضوع زي عادتها ويوم بعتت ليها البنت رسالة وحكت معاها عادي  نست آسيا انها نفس البنت اللي وقضتها عليها رحيق واستمرت المراسلات بينهن ومرة بعتت ليها رابط فيديو قالت ليها لاغنية حلوة وفتحاته آسيا وانسجمت مع الاغنية وحفظتها عندها ومرن الايام وكملت الامتحانات وطلعت تشري في لبسة جديدة لحفلة جية زين فرحانة وخايفة في نفس الوقت ان زين يكون يبي وحدة ثانية كيف بتتحمل بعده عليها وهي يعلم ربي كيف يمرن الشهور لما يكون في قرايته وهيا حاسة بان زين يهتم بيها لكن خايفة تعشم روحها

حياة .. زعمك زين من يبي
آسيا .. ونا شنو عرفني
حياة بمكر .. يعني بتقوليلي انك مش في علاقة مع زين
آسيا بتنهيدة .. ياريت على الاقل بالي ارتاح
حياة باستغراب .. كيف
آسيا .. حب من طرف واحد بمعنى نا بس نحب زين
حياة .. بس زين واضح انه يهتم بيك دوننا علينا كلنا 
آسيا .. ما كان يهتم ومازال يهتم برحيق وطلع مايحبهاش
حياة .. زعمك ...  ربي يجبر بخاطرك يا اختي ويطلع من نصيبك
آسيا .. آمين يارب
حياة .. شوفي الرسائل من بدري وانتي الاشعارات ماوقفتش
آسيا .. عارفة شنو بنلقى فيهن
حياة .. شنو اعلانات
آسيا .. لا واحد يبعث في صوري
حياة بصدمة .. شنوووو شنو تقولي انتي
آسيا بلا مبالة .. واحد يصور فيا يوميا ونا في الجامعة ويبعث في صوري على الواتس
حياة .. وماعرفتيش من وكنك تحكي بلا مبالة هكي كأن الموضوع عادي
آسيا .. جوجو عندها كاشف الارقام وطلع الرقم لشركة كل موظفينها هنود فمش منه فايدة معرفة الرقم ونحكي ببرود عادي لانه مفيش حاجة تخوف صوري ونا لابسة اللي طالعة بيها من حوشنا يعني قدام بابا وماما
حياة .. مش خايفة انه يسببلك مشكلة مرات يوصل لحاجة ثانية
آسيا .. لا مايقدر يدير شئ واهو استني نفتحلك الصور

*وهيا تفتح في الصور بتوريهم لحياة لكن لما فتحت اخر رسالة وصلتها انصدمت *

آسيا بشهقة وخوف .. حي عليا حي
حياة .. كنك شنو في
آسيا ..........
#حياة  
تصحيح اخطاء املائية وحوارية # الصابرة