(سلسلة أقرباء ولكن) الجزء الرابع و الاخير بعنوان ولد خالتي

الفصل الثاني عشر

#ولد_خالتي (الجزء الرابع من سلسلة اقرباء ولكن )

الفصل الثاني عشر

وطلعت آسيا برمت على روحها وجت الساعة واحد لبست آسيا روب حلو وبسيط وفوقه طرف ثقيل فمكانش اللي باين تحت شنو لابسة وخش زين وهو حاسس بروحه مش تمام وقال انه بيدوش
وخذا دبشه وانتبه لآسيا انها مش لابسة بيجامة او قفطان قطني محير للنوم بس الشعور اللي حاسس بيه ماخلاشي يدقق او يعلق على حاجة او حتى يفكر ليش لابسة هكي وخش الحمام وعبى البانيو ورقد فيه يبرد في روحه لانه حاسس بحاجة مش تمام صايرة ليه ويحاول يهدا وفطن بي آسيا خشت عليه بدون حتى ما ادق واستغرب تصرفها لكن النار اللي حاسس بيها بسبب الحبة شتتاته شوي

آسيا بتوتر وخدود وردية وجت قريبة منه  وقمعزت بحذا راسه بيش ماتشوف شئ ثاني رغم ان الرغوة معبية البانيو ودخلت ايديها في شعر زين .. كنك زين تحس في حاجة ليك وقت في الدوش شغلتني ومش بالعادة اطول هكي مريض والله عندك حرارة 
زين بتوتر من لمسة ايدها تزيد في النار اللي فيه بدل ماتبردها المية وهو مغمض عيونه  .. مافيا شئ اطلعي وتو نطلع وراك
آسيا .. ماتعطلش تشغلني عليك
زين .. هيا على طول حنصبي
آسيا .. به 

حولت آسيا الطرف الثقيل للروب وبخت من عطرها وعدلت شعرها وطلع زين ولما شافها هكي معاش عرف يسيطر على روحه بالذات ان آسيا ماتساعدتش فيه ومعاها بلي لابساته ومعاش قدر يقاوم لما قربت منه وشم ريحة عطرها اللي دوخاته واستغرب قربها منه لكن جبدها شوره وحضنها ولما حس بي آسيا مش امانعة وحضناته حتى هيا وخذاها في بوسة حلوة وهادية ولما حس بتجاوب آسيا معاه رفعها للسرير وبي رومانسية حلوة بعد فترة كانت آسيا زوجته فعليا ولان زين قاعد تحت تأثير الحبة وتفكيره في تبريد النار اللي فيه  ونسى ان آسيا كانت لغيره قبله وكان ضام آسيا ليه كويس مش مصدق  وبعدها بشوي هدأ وحست آسيا بنفسه اللي انتظم  وبشوي اسحبت طلعت من حضنه وشافت دليل عفتها وانها عمرها ماكانت لراجل الا ليه وبحركة بسيطة خشت دوشت وطلعت لبست دبشها وركبت بحذا زين وبدمعة على خذها

آسيا .. مكنتش نتمنى نكون ليك بالطريقة هذي يا حبيبي

وباساته على راسه وغطاته كويس وطلعت لقت غادة وسراج يستنو فيها وبدون كلام ضمتها غادة وقعدت تبكي نين هدت وطلعو بيها للمطار وبعد ساعات طويلة من السفر وصلت اخيرا لبنغازي اللي لقت الصافي يستنى فيها وجاته تجري وحضنها الصافي وقعدت تبكي في حضنه على وجعها وعلى حبها اللي ابصر وين يوصل وخذاها الصافي لمكان ماحد يعرف وين الا خاله رواد ورحيق لانها لازم تساعده وبعد ما اطمن عليها الصافي روح وخلى روحه عادي وماحد يعلم باي شئ

اما عند زين وعى من نومه قريب الظهر وحس راسه بينقسم من الصداع ولما جاء بيصبي فطن لروحه انه عاري تماما واستغرب روحه وفطن بدبشه اللي كان لابسه المعزوق في كل تركينة ومافهم شئ ولما حول الغطاء شاف اللي مش متوقع انه يشوفه وبسرعة خذا شورته وقعد يلبس في دبشه قبل ماتفطن آسيا وبمجرد ماخطرت عليه رفع راسه وماشفهاش على الكنبة ومكانها ملوم ونزل بسرعة للمطبخ ملقهاش ولا الحمام وتوقع انها عند غادة وتوقع انها تكون محرجة او زعلانة بسبب اللي صار بينهم فخش للحمام دوش وهو يفكر كيف صار هكي وكيف آسيا سلمت روحها ليه لكن بسمة ارتسمت على وجهه لما تأكد ان آسيا بنت وانه اول راجل لمسها