(سلسلة أقرباء ولكن) الجزء الرابع و الاخير بعنوان ولد خالتي

الفصل السابع

#ولد_خالتي (الجزء الرابع من سلسلة اقرباء ولكن )

الفصل السابع

زين بهدوء لانه عارف العصبية مش حدير راي مع واحد زيه .. نحن جايين نحلو القصة بهدوء وبدون اي مشاكل ولو حتى تبي المشاكل نحن برضو معندناش مشكلة فالحل اللي تبيه نحن فيه

عصام وخاف من اشكالهم لان زين ماشاءالله طويل واجد وكرم زيه ومعاها اخرى كرم عضلات ضخمة بحكم يلعب في الصالة عكس زين اللي عضلات وجسم متناسق لكن مش فخم فوسع لهم وخلاهم يخشو

زين .. نحن جايين نحكـ
عصام قص عليه .. انتم بيش تقربو ليها قبل
زين .. نا راجلها وهذا رفيقي ( وهو يشير على كرم )
عصام بصدمة .. كيف راجلها
زين .. زي ماسمعت والله تبي نوريك نسخة من عقد الزواج
عصام بتوتر .. بس آسيا نعرفها مشـ
كرم قص عليه .. تزوجت ليها اربع ايام
زين .. وبما ان نحن نحكو بعقل فخلينا نتفاهمو شنو تبي تو بعد ماعرفت اني نا راجلها وعارف بالصور وعلى فكرة راه مايهمنيش حتى لو نشرتهن لكن اهو قلت نوفر على روحي وجيعت راس بس
عصام .. ممكن نحكي معاك بروحك
زين .. انا ماندسش في شئ على رفيقي
عصام .. اسمع مني قبل وبعدها قرر انت تحكي ليه او لا
كرم .. نا نطلع زين ونصبي قدام باب الشقة وانتم احكو
عصام .. مايستحقش تطلع خليك انت هنا وصبي معاي انت للصالة جوا

وطلع زين مع عصام اللي خلاص بما ان خربت عليه آسيا بلي دارته الجو اللي موتيه فقرر يخرب حياتها صح مش حينشر الصور لكن كان موتي ليها قصة اخرى

وكم من نفس يصور لها الشيطان انها على حق حتى ولو كانت تسرق او تكذب

زين وبدا يفقد هدوئه .. ها شنو في احكي
عصام .. نا نبي نقولك شكلك طلعت مضحكة
زين باستغراب .. كيف
عصام بمكر .. شكل آسيا ماحكتش لك غير ع الصور بس ماحكتش ليك حاجة اخرى
زين .. زي شنو مثلا
عصام .. على نوع العلاقة اللي بينا
زين وفقد اعصابه وشد عصام من رقبة سوريته .. علاقة شنو اللي بينك وبينها آسيا عمرها مكان عندها علاقة مع حد
عصام فك ايدين زين .. اهدء اهدء بس
انت ماسئلتش روحك كيف وصلوني الصور
زين سكت لانه فعلا ماهماش يسئل ولافكر كيف
عصام .. الصور بعتتهن لي آسيا لما كانت معاي في علاقة وهددتها بيهن عشان نهت العلاقة معاي ونا راغبها رغم اني بعد اللي درته معاها عرضت عليها الزواج بس هي رفضت ومعرفتش السبب ومعرفتش ليش وافقت تتزوج غيري وكيف بدرق عملتها اللي دارتها معاي
زين بعصبية واضحة .. انت في شنو تقول شنو تهترس انت
عصام وعرف روحه انه صاب الهدف .. استنى تو نوريك المحادثات بينا على الواتس

وصبي عصام جاب فونه وعطاه لزين وقعد زين يقرا بتركيز واولهن ركز ان اللي يبعث في الرسائل رقم آسيا وخلاص زين معاش عرف شنو يقول او شنو يدير

عصام وزاد ضغط على زين .. وبما انك قلت راجلها معناها قراية فاتحة بس لانك لو تزوجتها فعلي كنت اكتشفت حقيقة زوجتك
زين حاول يكون هادي وطلع من جيبه فون ومده لعصام والفون اللي في ايده فك منه الشفرة وعطاها له .. هذا فون جديد واحدث من اللي عندك واغلى اخرى بدل الفون هضا نا تو حكيت معاك بعقل لكن اقسم بالله ان حاوالت اضايق مرتي (وحس زين بغصة وهو يقول فيها ) ليكون اخر يوم في عمرك تتنفس فيه
عصام وهو يمثل في البراءة .. كون هاني بعد ما بريت ذمتي قدامك وريحت ضميري من انك ماتكونش المضحكة الجديدة ليها ماعندي ماندير بيها