(سلسلة أقرباء ولكن) الجزء الرابع و الاخير بعنوان ولد خالتي

الفصل الخامس عشر

#ولد_خالتي (الحزء الرابع من سلسلة اقرباء ولكن )

الفصل الخامس عشر

آسيا بدموع .. خطين
رحيق بفرحة .. حامل يعني حامل
آسيا بهزة راس وانهارت تبكي
رحيق بخوف .. كنك آسيا ماتبيش تحملي
آسيا من بين دموعها .. نبي نبي بيبي من زين بس مانبيش نكون بروحي ونا حامل بيه مانبيش نكون بعيدة عليه نبيه يكون معاي
رحيق .. به ردي ليه
آسيا .. مازال قلبي موجوع يا رورو
رحيق .. به انتي هكي مرات تتعبي كيف
بديري وانتي بروحك
آسيا .. عادي يا رورو شنو بيصيرلي وبعدين لو تعبت بكل حنرن على خالو رواد هو تحت مني على طول بس يعني لو رفست برجليا على الارض حيحس بيا
رحيق بتنهيدة .. والله ماني عارفة يباست هالراس وين بتوديك والله زين صح يشتغل وداير روحه لاهي وصابر لكن والله كان تشوفيه كيف ضاعف وذابل تي حتى عضلات بطنه اللي يفتخر ويدلع بيهن راحن من الضعف
آسيا بتنهيدة .. مازال يا رورو جرح قلبي مازال انه كيف قدر يصدق حتى لو صدق كان على الاقل يواجهني يسمع ردي وهو عارفني مش حنكذب عليه
رحيق .. والله ماني عارفة شنو نقولك لاني مش فاهمة القصة بالزبط لكن ربي يهدي سركم يارب
آسيا .. يارب

وجاها الصافي وروحت واكدت ليه رحيق ان آسيا حامل وقالت له على كساحة راس آسيا بانها ماتبيش تطلع ليه والصافي بالذات مع خبر حملها حس ان الموضوع لازم ينحل

كرم .. تي فهمني بس
زين وهو يسوق .. نوصل لشقتي وتو نفهمك

وبعد وقت وصلو وخش زين طول طلع فون عصام وجاء لكرم حكى له القصة كلها وكيف عصام كذب عليه وقاله انها مش بنت وان هو اول من لمسها والدليل الرسائل اللي بينهم وكيف تأكد ان كلام عصام كذب لما شاف طهارتها بعينه

كرم .. انا مانشككش فيك لكن تو غشاء البكارة الصناعي خلى البنات معاش تخاف يعني شوفت الدم مش معناها الاثبات وغير ذلك حتى واجد بنات تلبز بدون ماتفض الغشاء 
زين بتنهيدة .. كلامك صح لكن تعرف نا شاب ونعرف نميز اللي مرت بالشئ هذا او لا آسيا كانت بين ايديا كأنها لا مش كأنها هيا اول مرة ليها نا متأكد
كرم .. اصلا اللي يقدر يحكم على الشئ هذا هو انت وبالذات ان آسيا تعرفها من سنين ممكن كلام الكلب شكك فيها لكن انت ادرى الناس بيها
زين .. تعرف لو جاء حد وقالي ان آسيا مش تمام ممكن ندفنه مش لابال يقولي انها مش بنت لكن الحيوان لعبها معاي صح بس تو فهمت انه ممكن يكون مهكر احسابها لكن عادي يقدر ايدير محادثات من حسابها
كرم .. اه يقدر ايدير اكثر من هكي حتى اتصالات اخرى
زين .. به وكيف البنت تتفادى حاجة زي هكي لان الشاب في الاخير يقدر ايدير راي لعمره لكن البنت شنو بدير هذي آسيا وطاحت بين ايديا لكن لو صار لوحدة ثانية كيف بدير ومن بيصدقها اصلا
كرم .. توا كل شئ يخوف لان الناس بدت بعيدة على ربي واجد واللي تقدر البنت اديره حاجات بس تحمي بيهن روحها لكن اذا حطها حد في راسه يستر الله
مثلا الفون اللي تستخدم فيه للنت تحاول انه مايكونش صور فيه ولو ماعندهاش جهاز ثاني تحاول ان صورها يكونن في ميموري وتفكه اول ماتفتح النت وهذا يعتبر اجراء شكلي لان الاهم انها مهما يجيها رابط ومهما يكون مغري ماتضغطش عليه الا اذا متأكدة من اللي باعته ليها كل الثقة اما اذا باعتته صديقة عادية او معرفة نت بس تفوته احسن
زين .. بس مرات تنحرج اذا سئلتها شنو رايك
كرم .. لو قالت ليها اغنية مثلا تقدر تهرب منها وتقوللها تو نسمعها في وقت ثاني او تو نحملها من برنامج اخر وهكي تاخذ اسم الاغنية او شنو محتوى الرابط بدون ماتضغط عليه
زين .. يعني اكثر التهكير يكون رابط مبعوث
كرم .. لا مرات يقدر يخش عن طريق تحليل كلمة المرور فهذا ليش مثلا في تطبيق زي الفيس بوك يقولك ضاعف من حماية كلمة المرور ماهو في اللي يدير فيها رقم فون وهذا اسهل نوع يقدر يخترقه الهكر لكن المفروض كل بنت تخلي كلمة المرور بتاعها صعبة زي حروف وعلامات وارقام ومعاها لازم كل بنت تحتاط من اي شاب يصبيها وتضرب النقص بيش اتجي هي والحق سوا
زين .. كيف
كرم .. يعني لما يصيبها شاب مهما كان مؤدب او صايع طالما هي في مكان مش بروحها تصبيله وتسمع شنو يبي منها مرات شيت او حاجة شور القراية وهي بسوء ضنها تخش متاهات زي آسيا وفي نفس الوقت ماتصبيش معاه بروحها لازم تتاكد قبل ان المكان فيه ناس غيرهم وتتفادى الرد على المعكسات
زين ..  اه فهمت .... ترا شوف هذا فون الحقير وقولي هكر او لا
كرم .. هاته