#ولد_خالتي ( الجزء الرابع من سلسلة اقرباء ولكن )
الفصل الرابع عشر
آسيا .. نبي نطمن على زين مشغولة عليه
رحيق بتنهيدة .. والله حاله يصعب على الكافر يا سوسو
آسيا بخوف .. كنه شنو فيه
الصافي بهمس .. ماتقوليش ليها ان زين مريض
رحيق هزت كتوفها .. قولي شنو اللي مافيه هبوط ضغط وسكر وقلة نوم او بمعنى اصح شكله ليه يومين ما رقد
آسيا بدموع .. هو وين تو
رحيق .. جاء بيقعد في شقتكم ماقدرش يركب ودق علينا وخششه الصافي وجابله عمي احمد وركبله تغذية وتو الثانية راكبة مازالت ماكملت والله حرام عليك يا سوسو نا عرفت ان زين يحبك لكن ماتخيلتش للدرجة هذي
آسيا .. بالله ديرو بالكم عليه رورو
رحيق .. يعني مازالتي مانك مسامحة
آسيا .. مازال قلبي يوجع فيا نين يهدا وجع قلبي ونعرف كيف بنواجه زين بالذات بعد ما الطريقة اللي درتها بيش ثبتت ليه اني بنت
رحيق .. ربي يصبرني عليكم
آسيا .. ردي بالك يا رحيق تضعفي وتقوليله نا وين مش حنسامحك راه
رحيق .. ولايهمك ونشوف آخرتها معاكم لوين توصل
آسيا .. سلام تو وطمنيني عليه لما يوعى
رحيق .. تمام وديري بالك على روحك
وسكرت رحيق من آسيا وهيا مستغربة كيف حست آسيا بان زين فيه حاجة
ومشى اليوم والصافي سهران على خوه نين كملت التغذية ورقد حذاه وناض زين ثاني يوم بعد ما رقد بعمق وفطن للصافي راقد جنبه ونوضه وقاله بنعدي لشقتي لكن الصافي مباش نين خلاه يفطر وبعد الفطور
الصافي .. وبعدين
زين .. بعدين شنو
الصافي .. شنو بدير تو على الاقل انت مطمن ان آسيا بخير
زين .. مطمن اه لكن مرتاح اكيد لا كيف بنرتاح ونا حبيبتي مانعلمش عليها شئ غير انها عند عيلة ماتتخيرش على هلها لكن هل تاكل كويس او لا ترقد كويس او لا مرتاحة مضايقة
الصافي .. انت لازم تلهي روحك على الاقل نين ترتاح آسيا وتطلع من المكان اللي قاعدة فيه
زين .. شنو اندير
الصافي .. ابدا في الشغل اسئل عبدو على المكتب اللي بتشتغل فيه وين مكانه وعدي باشر على الاقل يخف التوتر وتلهي روحك شوي
زين .. يستر الله بس مازال عندي اماكن بنعدي ندور آسيا فيهن وبعدها ساهل
الصافي .. اللي يريحك
زين .. بنوض تو
الصافي .. دير بالك على روحك خطرها زين
زين .. نعم
الصافي .. ليش ماتبعتش رسالة لآسيا تعتذر فيها
زين .. مظنش فونها مفتوح اتصلت بيها طول مانا اندور وهو مسكر
الصافي .. بس هي بعتت رسالة لامها منه وقالت ليها حطمنها عليها بين وقت ووقت يعني اكيد حتفتحه
زين .. صح هذي غابت عن بالي هي سلام
الصافي .. سلام
وطلع زين ركب لشقته وخش رمى روحه على السرير وقعد متمدد بس بدون اي حاجة وجبد فونه بعد وقت وبعث رسالة لآسيا (( حبيبتي الغالية اه انتي حبيبتي ... حبيبتي اللي كنت حنعترف ليك يوم فرحنا ونقولك انك انتي حبيبتي لكن اللي صار قلب كل شئ خلاني فقدت الثقة وحسيت حبي لك انهز وصدقيني اي حد مكاني كان حيصدق صح غلطت اني ماسئلتكش ماواجهتكش اه غلطت لكن والله نحبك وآسف آسف آسف ياعمري على غلطي معاك لكن اللي صار بينا نحمد في ربي اني مذكر كل شئ فيه كل كلمة انقالت كل همسة كل لمسة ورغم اني مش عارف السبب اللي خلاني اندير هكي لكن مش نادم انك صرتي ليا وانك لي وعمرا ماحد لمسك سامحيني وارجعيلي في اقرب وقت )) وسكر فونه وغاص في النوم من جديد
أنت تقرأ
(سلسلة أقرباء ولكن) الجزء الرابع و الاخير بعنوان ولد خالتي
Short Storyسلسلة أقرباء ولكن هي سلسلة متصلة ببعض وعشان تفهم الجزء الرابع لازم تقرا كل الاجزاء السابقة.. حياة التنزيل يومي باذن الله
