واحنا طالعين لقينا معتصم طبعا انا عيوني ولو زي هكي👈😍😍
هدا معتصم صاحب مازن يلي حكيتلكم عليه في البدايه هو وياه روح بالروح ديما مع بعض من ايام الابتدائي ويسكن بحدانا
عيلتهم متكونه من الام اسمها سالمه واخته اسمها اسراء مواليد95 متزوجه وعندها بنيه اسمها رسيل😍عسسل..وطبعا بوهم متوفي من هما صغار ومسؤليه الحوش كلها علي معتصم من هو وصغير بس مع هدا كمل قرايته وتوا فاتح شركه هو وخوي مازن
نرجعو لروايتنا
مازن:اوو كيف حالك عصوم
معتصم:والله تمام يابرو كيف حالك انت
مازن:بخير الحمدالله.مبكر اليوم علي غير العاده
معتصم:حبينا نغيرو الروتين😂 المهم توا ماشي لشركه انا نتلاقو غادي
انا:احم احم
معتصم: هو انتي اهنا تصدقي مركزتش
انا:بصوت واطي دير نظارات
مازن:😠تحشمي
انا:اكتفيت😒😒
معتصم:خلاها تاخد راحتها قاعده صغيره
انا:طبست راسي وحسيت قلبي👈💔
مازن:يالا توا نوصل بتول للكليه ونتلاقو فالشركه
معتصم:تمام يابرو
.
.
وصلت للكليه ونزلت طول عالقاعه وانا دموعي علي خدي ماحبيت حد يشوفني وقعدت انقول في خاطري ليش حبيته عديم المشاعر هدا انا انحبه وهو حاسبني عيله صغيره خلاص من اليوم معاش بنفكر فيه وحتى لو شفته بنتجاهله قطع افكاري صوت التلفون.....ترن ترن ترن
انا:مسحت دموعي ألو
تسنيم:ياحيوانه وينك من بكري متشحطه نستني فيك
انا:ناقصني تهزيب عالصبح.الناس تقول صباح الخير قبل😒
تسنيم:بعدين التصبيح المقوم لما بنشوفك وينك لتوا
انا:صدعتيلي راسي يافرخه انا واصله ليا ربع ساعه ومقعمزه فالقاعه
تسنيم:اقلبي وجهك هاني جاياتك....
جتني تسنيم سمعتلي موشح مقوم وبعدين جي الاستاد حظرنا المحاظره وطلعنا لساحه
انا:واك ياراسي مصدع
تسنيم:انا احرف منك بكل دوشته هلبا الاستاد هدا
انا:لكن طرف😅
الاستاد من ورانا:احم احم🤨
انا وتسنيم:متلقاش الا غبرتنا😂😂
انا: واك ياحشمتنا سمعنا كيف بنقابلو وجهة مره تانيه
تسنيم:😂😂الطلبه هلبا قداش بيتفكر واحد
انتي اشبحي وجهك كيف ولى زي🍅😂
انا:حيوانه عارفتني نتحشم علاش تزيدي فاها عليا🙈😅
تسنيم:خلاص انا بعد الاكشن هدا انا جعت
انا :يالطيف وانتي تحبي الا بطنك ومع هدا متسمنيش حاسداتك يافرخه😂😁
تسنيم:😂😂حيوانه
.
.
.تسريع الاحداث
بعد كملت جي مازن روح بيا للحوش دخلت نعاون في امي فالغدا تغدينا العيله كلها وبعد الغدا غسلت ماعين ودرت دوره علي الحوش رتبته وبخرته وركبت لداري رقدت طول😴😒
.
.
.
في حوش معتصم
سالمه:تعالي وليدي تغدى
معتصم:من الدار حاظر شوي بس
وتت سالمه الغدي عالطاوله وجي معتصم باس راس امه وقعمز
معتصم:سلم ايدياتك يااحلى ام
سالمه:الله يسلمك ياوليدي
سالمه:.........
معتصم:........😣😤
سالمه.......😢
.
.
.يتبع....
قولولي رائيكم فالحلقه صح قصيره ومافيهاش احداث هلبا بس ان شاء الله تكون عجبتكم
(ملاحظه:الروايه كلها من وحي الخيال)
أنت تقرأ
قسوة النصيب🔇
General Fictionتحكي القصه عن بنت ليبيه عاديه من طبقه متوسطه قلبها طيب بس الدنيا والنصيب ماكانوش جنبها ابدا فالبدايه وبعدين الامور حاتتصلح........مع الحلقات حاتفهمو اكتر ان شاء الله طبعا هادي اول روايه ليا وان شاء الله تعجبكم
