اني:نور حبيبتي بنبعتك لغرفه مصعب نبيك تجيبيلي نمادج كروت العرس نسيتهم غادي
نور:ترددت وبعدين وافقت الانها خاطرها تشوف غرفته
ركبت لغرفه مصعب خبطت ولما مارد حد ارتاحت وعرفت ان الغرفه فاضيه وخشت وكانت تتفقد الغرفه بعيونها وكيف وصلت لدرج متع العطور سمعت الباب اتسكر خافت وقعدت ساكته ومتشنجه جي مصعب جنب ودنها وقاللها انحبك
نور قلبها قريب وقف بعد سمعت صوت مصعب ردت فعلها انها ضماته بكل قوتها وقعدت تبكي
طبعا مصعب قعد يهدي فاها
مصعب:خلاص حبيبتي مش قصدي نخوفك ياقلبي
نور:تبكي وبعد من عليه هكي تخوفني
مصعب:كنت نبي نصالحك الاني استاحشتك واستاحشت صوتك وضحكتك
نور:معاش عرفت شن تقول ووجها احمر بدى
مصعب:هههه محلاك وحلا خدودك الحمر
نور:كيف كانت بتطلع حاوطها بأيديه وقرب منها لين بدت نور تحس بأنفاسه وريحه بارفانه يلي مخدرتها معاش خلتها ادير اي حركه الا انها تغمض عيونها وتستنى يلي جايها
مصعب:قرب عند ودنها متخافيش مني انا مستحيل اندير شي يغضب ربي او شي غصب عنك بس نبيك قبل تقوللي انحبك باش نخليك تطلعي
نور:حست بالفرح في قلبها وحست انها اختارت الشخص الصح يلي يخاف عليها اكتر من روحها
نور:قعدت تشوفله وعيونها يلمعو وتبتسم بكل جراءه قربت لودنه قالتله ا ن ح ب ك وباساته علي خده
مصعب قعد مستاكه وكأنه مستوعبش دماغه يلي دراته نور
وهي استغلت الفرصه وفتحت الباب وطلعت نازله من الدرج وهي فرحانه قريب اطير ووجها احمر
بتول:الله الله شن صار تهنيتي والا مزال
نور:تحشمت وبعدين فاقت علي كلامها
نور:كنتم متفاهمين من وراي خزووو خايفه تقوليلي قريب قلبي طاح
بتول:كنتم متعاركين كان قتلك مكنتيش حاتركبي ومكنتوش تصالحتو يالفالحه
تسنيم:مشاء الله طلع سلفي رومنسي خيره حظي انا انا الهم😂
بتول:خويا ايواه لو سمحتي 😂
تسنيم:ماديرليش دوره الحمات الواعره ايواه
نور:😂😂😂
اسراء:وربي مهابيل ،بتعويجه انا بنوض خلي نكلم راجلي يروح بيا استاحشته
بتول وتسنيم ونور:حتي راجلي😂😂😂
اسراء:ههههه خزو قبل نفشك عليكم توا حتى انتم بتتزوجو😂😂
بتول:😂😂تستاهلي
تسنيم:كانت ماشيه للمطبخ وتكلم في بتول
وين حاطين طواسيكم
بتول:دوري عليهم بروحك حوش عزوزتك هدا تعلمي بروحك
تسنيم:خزووو عليك حمات غبره جتني😂
مازن:جي من وراها وخو حماتك شن رايك فيه
تسنيم:😳😳😳 تجمدت في مكانها ولسانها ارتبط
مازن:قام يده لدولاب الفوقي خدي طاسه وعباها ميه وشربهالها وهي ساكته وشورها عاجبها الجو😂
مازن:خيرك ساكته والا لسانك كلاه القط
تسنيم:تشوفله وتبتسم
مازن:عندك علم من اول مره شفتك فيها حبيتها
تسنيم:عندك علم لو ماكنتش خاطبني راهو قلت عليك تكدب😁
مازن:بدينا عاد بطوله اللسان😒😒
تسنيم:ههههه نحبك
مازن:مسمعتش شن قلتي
تسنيم:قربت علي ودنه ا ن ح ب ك انحبك
مازن:هي كملت ويعطيها بوسه من شفايفها جرحلها شفايفها
تسنيم:وخرت عليه وهي كيف بتطلع قاللها عندك علم لو قاري عليك الفاتحه راني قمتك للغرفه فوق😏
تسنيم:هههه مجنون
وطلعت تجري وخشت للحمام قبل مايشوفها حد وقعدت تشوف لشفايفها كيف مجروحه😅
.
.
.
.
تسريع الاحداث......
فالعرس وكان تلاته ايام يوم الحنه ويوم الكسوه والفاتحه ويوم الحفله
وكان الجو خيال ودربوكه يلي موقفتش والاغاني والناس الفرحانه
يوم الحنه
بتول:بكت لين شبعت الانها بتفارق اهلها صح مش بعيد علاها لكن مهما يكون فالنهايه حوش العيله مايتعوض
تسنيم:تكره حاجه اسمها حنه ومقعمزينها بالسيف وحتي هي قعدت تبكي ومره تضحك ماتفهموهاش كيف مشاعر مختلطه😂😅
نور:بأعتبار شبه معندهم حد مكانتش حادير عرس بس احنا محبيناش نكسرو بخاطرها فابعد كملو وحنوني مشت العيله لحوش نور حنوها
يوم الكسوه..
فالنهار قرت الفاتحه وكل من بتول وتسنيم ونور فرحان قريب بيطيرو ومعتصم ومصعب ومازن ياحليلي منهم يجلطو بالعربي😍 واسقبلوهم اصحابهم بالنوبه والالعاب الناريه والنسون الداخل بالدرابيك ودموع الفرح
أنت تقرأ
قسوة النصيب🔇
General Fictionتحكي القصه عن بنت ليبيه عاديه من طبقه متوسطه قلبها طيب بس الدنيا والنصيب ماكانوش جنبها ابدا فالبدايه وبعدين الامور حاتتصلح........مع الحلقات حاتفهمو اكتر ان شاء الله طبعا هادي اول روايه ليا وان شاء الله تعجبكم
