فجاءه طلع الدكتور ووجه بشوش
الدكتور:الحمدالله علي سلامته انقضناه في اخر لحضه درناله اللازم وتوا بيقعد عندنا لصبح تحت الملاحظه ولو اموره تمام يقدر يطلع ولازم يدير باله
نور:شنو صارله فجاءه اغمى عليه😭شنو السبب
الدكتور:عنده ثقب فالقلب معقوله ماتدروش🤨
نور:😭😭😭لا شنو الحل
الدكتور:متخافيش فيه هلبا ناس عايشه بيه الثقب الايام هادي لازمه راحه وياخد علاجه بأنتضام لو مستقرتش حالته انديروله عمليه
مصعب:شكرا يادكتور بارك الله فيك
الدكتور:وفيك بارك الله حمدالله علي سلامته مره تانيه
نور كانت منهاره عالاخر وتبكي واجعها بوها يلي كان همه ان يسعدها هي وامها ومفكرش في صحته💔
ومصعب بعد كمل الاوراق المطلوبه فالاستعلامات لقي نور عالارض وتبكي
مصعب:كيف جي بيكلمها جت حضناته وبدت تتكلم بحرقه
نور:تعرف والله ماليا حد غيرهم لو يصيرلهم شي نموت في جرتهم هما سندي ماليش حد غيرهم
مصعب:قعمزها عالكرسي خلاص اهدي ان شاء الله مايصيرلهم شي
توا تعالي للغرفه هادي جنب امك وتوا بتجيك الممرضه بتعطيك دواء يلي وصفهولك الدكتور (كدب علاها طلب من الممرضه تعطيها مهدئ باش ترقد وترتاح)
بعد اتاكد انها رقدت روح للحوش حكي القصه لاهله وجعهم حالهم
امي:وليدي مش حانخلوهم بروحهم غدوي ماشيه معاك
انا:حتي انا ماشيه
مصعب:وين ماشيه قعمزي واهفتي مش عندك كليه
امي:اي سلم بنتي بري لكليتك وبعدين روحي عند عمتك سالمه كلمتني اسراء وتبيك تباتي عندهم
انا:حاظر😔😔 ومشيت خشي لدراي وقلبي واجعني علي جيرانا صح منعرفهمش لكن مهما يكون هما في مصيبه ربي يعينهم وحطيت روحي في مكان البنت💔 ودعيت ربي يحفظلي عيلتي صليت ركعتين ورقدت
عند مصعب دوش وبدل حوايجه وقعد ساهر يستني فالشمس امتي تطلع باش يرجع للمشفي لكن قلبه وعقله قعدو عند نور
.
.
.
طلع الصبح ويوم جديد
ناض مصعب من الصبح بكري طلع هو وامي تعارك فيه😅
امي:خيرك العفو ياولدي الناس قاعده راقده حتي المستشفي قاعده مسكره
مصعب:اما مسكره حتي انتي يام ديما مفتوحه وهما ماليهم حد نساوين بروحهم والراجل مريض ربي يشفيه
امي:تنفست بهدوء محبتش تناقش اكتر من هكي عارفه تخرف عالفاضي😅
.
.
.
عندي انا نضت كالعاده دوشت وصليت الصبح ولبست ونزلت لقيت بوي يفطر بروحه
انا: صباح الخير😘
بابا:صباح الورد بنيتي
انا:وين باقي العيله؟
بابا:خوك رفع امك من صباحات ربي للمشفي ماشي يطمن عليهم علي اساس
انا:😂😂😂 بالك ماشي بيفتح المستشفي
بابا:توقعي هههه
لكن اول مره نشوف خوك هكي حاس بالمسؤليه ومهتم بناس غيره
انا:اي عندك حق متغير هلبا الفتره هادي ربي هداه شكله 😅😅
بابا:عقبالك يابنتي ههههه
انا:درت روحي زعلان حرام عليك انا
بابا:هههه انبصر عليك انتي العقل والرزانه كلها ربي يحفظك يابنتي
انا:ربي يخليك لينا ونضت بست راسه
كملنا فطورنا ووصلني بابا للكليه خشيت لاول محاظره طبعا كانت نفخ الا نصي الثاني تسنيم غايبه بصراحه هلبا عليا هكي اليوم منوضتش علي هزايب امي وتوا صاحبتي ام لسانين غايبه فامكسسده الحكايه.......💔😴
.
.
.
.
يتبع.....😘
أنت تقرأ
قسوة النصيب🔇
General Fictionتحكي القصه عن بنت ليبيه عاديه من طبقه متوسطه قلبها طيب بس الدنيا والنصيب ماكانوش جنبها ابدا فالبدايه وبعدين الامور حاتتصلح........مع الحلقات حاتفهمو اكتر ان شاء الله طبعا هادي اول روايه ليا وان شاء الله تعجبكم
