قلت في خاطري نقعمز فالجردينه خير وفكني من دوشت الكفتيريا لبين مابدت المحاظره التانيه طلعت دفتري متع الرسم وقعمزت عالارض واتكيت عالشجره وبديت نرسم وعاد كان بديت نرسم وانسجمت ننسي العالم😅 المهم وانا في عز انسجامي يجيني.....
.
.
.
.
عند معتصم...
كان في مكتبه يشتغل عاللابتوب فجاءه شرين تلفونه شاف تلفونه لقي صالح اب بتول
معتصم:الو السلام عليكم
صالح:وعليكم السلام كيف حالك كويس
معتصم:بخير حمدالله وانت عمي
صالح:بخير حمدالله نبي نقولك لو فاضي تروح ببتول انا مش حانقدر نروح باها عندي اجتماع وخوها مش فاضي توا
معتصم:حاظر ياعمي امتي تروح هي
صالح:توا وقت مرواحه عندها زوز محاظرات قالت
معتصم:ان شاءالله
صالح:صحيت ياوليدي سلام
معتصم:ولو احنا عيله وحده سلام
طلع معتصم من الشركه ومستعجل حس ان فرحان ومتلهف يبي يشوفها ومش عارف علاش لدرجه سلم في شغله وماشيلها😅
.
.
.
عندي انا مقعمزه نرسم ويجي استاد مراد...
كان ماشي للكفتيريا لقاني مقعمزه بروحي ونرسم ومنسجمه
مراد:احممم
انا:ولا علي بالي
مراد:قعد يضحك وجبد الدفتر من يدي
انا:كيف تتجرا.... قامت راسها لقاته مراد وهو يضحك علاها
مراد:ساعه باش تسمعي😂وكان مدرتلكش هكي راهو بنقعد ساعه تانيه انادي😂😂
انا:تحشمت اااأسفه والله مكنت منتبه انسجمت مع الرسم😅😅
مراد:تر انشوفو شن كنتي ترسمي
انا:تحشمت لا استاد هات بلاهي عليك
مراد:مش تقولي انا دوتي هلبا وطرف ومسموم وتوا زيدي عليهم فضولي وبشده😎
انا:😳😳تفاجئت شنو😅
مراد:مات من الضحك علي منظرها وجها احمر من الحشم وواضح تفاجئت من جرأئتي لكن تستاهل ههههه😎
بينما كانو واقفين جي معتصم يدور في بتول سأل وحده من الطالبات قالوله فالجردينه وطبعا ماشي بكل ثقه والبنات قريب هبلو فيه لابس بدله رسميه بأعتبار طبيعه شغله وكانت تجلط لونها اسود
ولما قريب يوصل لجردينه شاف بتول وواقفه مع واحده كأن يعرفه ولما وصل فيهم كان مراد يضحك وبتول وجها احمر معتصم :بتول
بتول:😳😳وفي خاطرها كملت
ومراد تلفت:اووو عصوم
معتصم كان مركز في بتول لما سمع مراد تلفتله
معتصم:ببرود نعرفك انا
مراد:😂😂ترا احلف متخلنيش نفرغ الشكاره ايام الاعدادي
معتصم:كان مشبه عليه بس بعد حكي تفكر وقعد يضحك اوو مراد وانقول الخليقه وين شايفها انا😂😂
مراد:طول عمرك نذل وين مختفي
معتصم:مشاغل الحياه والله..شن ادير انت اهنا
مراد: ههه نقري اهنا انت يلي شن ادير اهنا
مصعب:جاي بنروح ببتول
وانا هدا كله سارحه ووجهي احمر من الموقف وكيف طلعو يعرفو بعضم وعلي الرسمه يلي في يد الاستاد ونضت من سرحاني علي صوت معتصم
معتصم:الو بتول
انا:ااا شن قلت
معتصم:هيا بنروح بيك
انا:وين بوي😒
معتصم:بوك مشغول وطلب مني نروح بيك
انا:تأففت ومشيت سبقته
معتصم:استغرب من رده فعلها
مراد:كان يراقب فيهم ومبتسم
معتصم:سلم علي مراد ولحق بتول لسياره وهو متعصب من حركاتها ولع السيار وتحرك وهو يفكر كان تحبني ليش تتصرف معاي هكي لازم نتأكد والليله وبعدين شاف لبتول
معتصم:احم شن رايك نشرو كريب بالعسل وشكلاته والموز عارفاتك تحبيه😍
انا:شكر مخاطري في شي😒وفي خاطرها🤤🤤😅
معتصم:براحتك ننزل نجيب لروحي ولاختي بتجينا هي ورسوله😘😍
انا:عندي علم😒😒وتلفتت فتحت الروشن ماتبيش تضعف قدام حركاته
معتصم:شافلها بحنيه ونزل للقهوه ونسي الباب مفتوح
وانا خلاص قريب بنبكي حطيت ايديا علي وجهي ونحكي مع روحي
معقوله غبي لدرجه هادي ومفهمش اني نحبه وتصرفاتي كلها لانه جرحني بس مستحيل نضعف قدامه بعدين فاحت عليها ريحه الكريب وتسحابه جايه من القهوه وهو معتصم كان جايبها وحطها جنبها وطبعا سمع كل كلامها😉
بتول:قاعده تكلم في روحها الله عالريحه تهبل حسني جعت خاطري فيه الكريب
معتصم:وهو يضحك اصلا حتى انا حاسبك عارفك متقاوميش
بتول:تسحاب روحها تتخايل شن جيب صوتك في راسي انا مش قلت خلاص بننساك خزوو عديم المشاعر
معتصم:خلاص بيموت من الضحك
معتصم احم: كان كملتي هدرزه ياريت تشبحيلي توا وخودي مني الكريب ايدي طاحت وانا ماد يدي
انا:قمت راسي😳😳😳😳في خاطري ياحشمتي ياربي نكون نحلم وماسمع شي
معتصم:هوو عارف روحي حلو سادك تكحيل يالا
انا:فقت علي روحي ااحمم باهي متصدقت روحك 😒😒😒
وقبلت قدام ومزدتش حتي حرف وندعي ياربي مايكون سمع شي......
يتبع.....💙💙💙💙
تفاعلكم غوالي حرام عليكم قدرو مجهودي😭😭 صوابعي لين يشكلو باش نكمل الحلقه 😅 والا الشخصيات وربط الاحداث هدا كله تبيله تخطيت ورسم وتلوين😂😂
اسفه انفعلت غوالي بس جديات تفاعلو قصدي شن بتخسرو كان ضغطتو عالنجمه يلي جايه اخر اليمين شوفو حتي شكلها يهبل ولونها يولي برتقالي لما تضغط عليها جربو وشوفو برواحكم😂😂
عموما شكرا للعيون الحلوى يلي تقرا في روايتي وشكرا لكل حد صوتلي💙💙
انبصر عليكم متاخدوش بخاطركم مني😁😅 ربي يحفظكم😘
ويهديكم تصوتولي وتعلقولي😍😁😄
أنت تقرأ
قسوة النصيب🔇
Fiksi Umumتحكي القصه عن بنت ليبيه عاديه من طبقه متوسطه قلبها طيب بس الدنيا والنصيب ماكانوش جنبها ابدا فالبدايه وبعدين الامور حاتتصلح........مع الحلقات حاتفهمو اكتر ان شاء الله طبعا هادي اول روايه ليا وان شاء الله تعجبكم
