قسوة النصيب🔇

قسوه النصيب🔇4

نضت دخلت للحمام كرمكم الله توضيت وصليت ولبست عبايه عالسريع ووشاح وانا انفكر اني معاش نبي نشوف معتصم مره تانيه بنحاول ننساه عديم المشاعر هدا
نزلت لماما قتلها اني ماشيه لعمتى سالمه طلعت ولما وصلت تلاقيت مع معتصم فالباب
معتصم:اوو دبدوبه كيف حالك
انا:عمتي سالمه موجوده😒
معتصم:اي تلقاها الداخل
انا دخلت قبل مايكمل كلامه
معتصم:خيرها متعصبه🤔
ومشي كمل طريقه لمازن خوي
عندي انا.....
انا:السلام عليكم كيف حالك عمتي سالمه😊
سالمه:بخير يابنيتي كيف حالك انتي باهيه
انا:الحمدالله تمام قتلك ماما تعالي هدرزي وغيري جوك اصلا ليك هلبا عميمه معاش جيتينا
سالمه:والله ماشاغل يابنيتي لكن حاظر هي مدام جيتي بنمشي معاك
انا:يالا
.
.
.
عند مصعب😂
24ساعه نوم ومع هدا ملحق علي كل شي قرايه ولعب وهياجه مع اصحابه وكلام مع البنوت يلي يجارو في جرته حاسداته الفرخ هدا😅
.
.
.
.عند مازن ومعتصم مقعمزين عالشط
معتصم:اخ ياقلبي قداش حاس روحي مضايق ومخنووووق
مازن:متقوليش علي خاطر نوران😤
معتصم:اي😔
مازن:ياراجل البنت ماتت وشبعت موت وانت هكي تعدب فاها الميت مايجوزلاش الا الرحمه ديما ادعيلها هكي تحس روحك درت حاجه علي خاطرها مش انت دافن روحك بالحياه
معتصم:ان شاء الله خير.وقعد سارح فالبحر ويتفكر في ايامه معاها
مازن:ان شاء الله.وحتى هو قعد سااااارح في همومه
خلي نحكيلكم على مازن شوي
مصيبت مازن ماتقلش علي صاحبه معتصم بس الفرق ان البنت يلي حبها وكان ناوي يطلبها بالحلال تزوجت قبل مايطلبها وهدا يلي خلى مازن شبه ميت على قيد الحياه والمشكله مايقدرش يحكي او يفضفض يلي في قلبه الانه يلي حبها تكون اخت معتصم.....
.
.
.القصه باختصار ان  مازن حب بنت جيرانهم ويلي هي تكون اخت معتصم بس مرضاش يكلمها او يقوللها يلي في قلبه علي خاطر صاحبه محبش تصير مشكله بينهم؛ حب يكون روحه قبل ويضمن مستقبله ويجي يطلبها بالحلال بس يلي صار ان النصيب كان اقوى منه وانخطبت (مسره) اخت معتصم لولد عمها وتوا ليها سنتين متجوزه وجايبه بنوته...
ولحد الان قلبه مرضاش يشوف حد غيرها وكل يوم يستغفر لربه ان يفكر في شي محرم عليه ومن يوم تزوجت مسره تغير مازن هلبا بدى بارد وجدي وشغله من اهم اولوياته.

عندي انا مقعمزين امي وعمتي سالمه وانا نشربو في قهوه وحلاوات في الجنان البراني
عمتي سالمه:........😔😢
امي:.......
انا:.......😲😢
يتبع.......🌺❤❤🌺🔇

صوتولي حبايبي😊❤