قسوة النصيب🔇

قسوه النصيب🔇16

عند مصعب فالمستشفي
بعد وصل مصعب هو وامه للمشفي وكانو جابين معاهم حاجات خفيفه تتاكل خشت ام مصعب للغرفه يلي راقده فيها نور وامها لقتهم نايضين وواضح عليهم التعب والارهاق
مريم:السلام عليكم
نور وامها بأستغراب:وعليكم السلام
مريم:عارفتكم مستغربين فيا ياستي انا جارتكم يلي لاصقه فيكم واسمي مريم وولدي البارح جابكم اهنا ولما قالي ولدي ماحبيت نخليكم فالمحنه بروحكم
ام نور:بارك الله فيك ياوخيتي
مريم: وفيك بارك الله احنا جيران ياوخيتي والرسول وصى علي سابع جار لابال انتم لاصقين فينا وكنت ناويه نزورك انا وبنتي ونتعرفو عليكم لكن قلنا نخليكم علي راحتكم الاسبوع الاول بأعتبار كيف محولين وهكي
ام نور:الله غالب ياوخيتي هدا نصيبنا والحمدالله وربي قدر ان نتعرفو فالمشفي💔
مريم:متزعليش روحك ياوخيتي ان شاء الله ينوض راجلك بخير وسلامه وتردو لحوشكم وان شاء كل يومين عند وحده هديكا العشيه نشربو قهوتنا ونهدرزو وقعدت هكي عمتك مريم تغيرلها في جوها...
اما نور مقعمزه تتفرج وساكته وتقول في نفسها معقوله قاعده في ناس ادير فالخير وبدون مقابل وقعد تدعي في قلبها ان ربي يكون معاهم
.
.
اما مصعب مشي لدكتور وسأله علي اب نور وقاله حالته استقرت وان شاء الله يقدر يطلع وهادي وصفه طبيه فيها العلاج يلي لازم ياخده
مصعب:شكر دكتور بارك الله فيك
الدكتور:وفيك بارك الله ولو من غير جميل
ومشي الدكتور ومشي مصعب كمل ورق الخروج ومشي يبشر نور وامها وقلبه قريب بيطير وخصوصا ان لقاها  وكان مستاحشها😍
طق طق طق
مريم: اتفضل
مصعب:فتح الباب وخش. وعيونه علي نور😍 السلام عليكم
نور وامها وامه:وعليكم السلام
ام نور:ها ياولدي شن قالك الدكتور
مصعب:انتبه علي روحه اه اي كلمت الدكتور وقال يقدر يطلع وهادي ورقه خروجه
ام نور :فرحت وقعدت تبكي وتهدي فيها مريم وتحمدلها علي سلامته
نور كانت فرحانه حتى هيا وتبكي وتشوف لمصعب وهو محولش عيونه من عليها
مريم كانت زابطه نظرات ولدها وحتي هي عجبتها نور شكلها واحترامها وخصوصا انها ماسمعت صوتها بكل من الحشمه؛ بدت تفنص في مصعب وهو ولا علي باله دايب الراجل😅
مريم:احم سلم ولدي شوف الراجل بالك يبي حاجه واحنا شوي ونطلعو
مصعب :( في خاطره لازم تفسدي عليا يام انا ماصدقت لقيتها)
مصعب:حاظر تلقونا فالسياره سابقينكم
ومتعطلوش نمشو ونخلوكم راه😁😂
ام نورهههه صحيت ياولدي والله ماننسي جميلك ووقفتك معانا وكيف بتبدي تبكي
مصعب:شافلها عمتي مافيهاش جميل احنا جيران وان شاء الله تردوهولي فالافراح😅وشاف لنور وغمزلها😉وطلع
مريم:😅😅😅 مش عارفه لمنو طالع هالولد شي مايتحشمش بكل
ام نور:عادي ماقال شي غلط ومشاء الله عليه ربي يحفظه
وعمتك نور وجها احمر من غمزه قريب اغمي عليها😂...
.
.
.
.
عند مراد فالكليه بعد كمل محاضراته يلم في اوراقه وشنطه لقي دفتر بتول يلي خداه منها وضربه الفضول وقعد يتفرج ويضحك معقول تحب معتصم ولا تعرف ترسم وعندها مستقبل البنت
.
.
الدفتر كانت راسما فيه معتصم وكلام حب وقلوب كانت تعبر علي مشاعرها بالرسم

مراد:وانقول خيرها تترجى فيا وتبيني انردهولها هههه والله كانت عاجبتني بس خساره قلبها مع واحد تاني والاكبر من هكي صاحبي الغبي
وقعد يفكر ان يخليه عندي ونهددها بيه تجاها الجلطه بعدين😂 والا نعطيه لمعتصم الغبي باش يفهم ان الحب قدام عيونه😏
(انتم شن رايكم😂)....
.
.
.
.
يتبع.....😍😘