قسوة النصيب🔇

قسوة النصيب🔇11

بعد كملنا حوسه العشاء قعد عالتسخين بس ادن علينا المغرب
مشيت انا دوشت وكيف نجفف في شعري اتصلت بيا اسراء❤اخت معتصم
انا:الو سروو😍كيف حالك
اسراء:والله بخير الحمدالله
انا:دومات ياغزالتي شن اخر اخبارك
اسراء:دومك ليا ،والله ماشيه نعاني في بنتي مشيبتني 😅
انا:😂😂😂غزالتي هي معاش تقولي علاها هكي يالا
اسراء:ههههه حاظر ياواعره...
بنقولك غدوى جايه عند اهلي تعالي نكسدو وبتباتي مدخليش فيك
انا:انجيك اوكي لكن بيتان الله يعلم ياودي😅
اسراء:حيوانه مش قبل كنتي تباتي والا خلاص كان تزوجت معاش يباتو معانا ودارت روحها زعلت
انا:خلاص وانتي قلبتاها درامه انقول لامي ..... وقبل مانكمل كلامي
اسراء:عمتي انا تو نقوللها شخصيا المهم انتي ديري حسابك بتباتي
انا:أمري لله.. ربي يصبر راجلك وشيابينك معندي مانقول غير هكي😂😂😅
اسراء:حيوانه😂😂😂خزوو
هي وجهك رسولتي ناضت
انا:ياحليلي العسل❤ بوسيهالي😘.سلام
اسراء :حاظر سلامات😘
.
.
سكرت التلفون ولبست توته عباره عن سروال رصاصى وبدي ابيض مكتوب عليه( ديداس) وفوقها جاكيت رصاصي وقمت شعري فوق ولقيت جوي حلو درت شوي ميكأب😅 ونزلت نعاون في مامتي
.
.
.
مع الساعه8:30جت عمتي سالمه هدرزنا وبعدها مشيت حطيتلهم العشاء وتعشينا انا خشيت نغسل فالماعين وهما قعمزو فالصاله يهدرزو
عمتي سالمه:بقولك شن صار في موضوعنا
امي:باستغراب اي موضوع
عمتي:موضوع معتصم وبتول
امي:معتصم مشاء الله عليه علم واخلاق ومتربي معانا ونعم الشباب
عمتي:سلمك وحتى بتول مشاء الله علاها اخلاق واداب وعلى قولتك متربين مع بعض
امي:اكيد ومش حانلقو خير منكم بس الشور الاول والاخير للبنت وبوها
عمتي:اكيد عموما نستني في ردكم والله خاطري نفرح بيه هالولد قبل ماربي ياخد امانته
امي:بعد الشر ربي يحفظك ياوخيتي معاش تقولي هكي ان شاء الله تفرحي بيه وتشوفي احفاده
عمتي: ان شاء الله

عندي انا فالمطبخ نغسل وحاطه سمعات عالاغاني ونغني معاها بعد كملت خديت كيس الكناسه (يكرمكم الله) بنلوحه فالمكب وكان جنب الباب البراني  وماشيه بكل ثقه بلا وشاح ومنسمع في شي غير الاغاني😅
ومعتصم كيف طلع من المربوعه بعد تعشى طلع يدخن وقعد يشبحلي ويضحك علي شكلي وبعدين جاني وقعد ينادي عليا وطبعا انا منسمعش فيه
معتصم :ياهو وين ماشيه
انا:نغني انا لا حبيبي وحبيبي إلي❤
معتصم:هههه يامجنونه
انا :ولا عبالي حطيت كيس الكناسه بسرعه الاني كنت بلا وشاح وكيف سكرت الباب وبنخش نلقى معتصم واقف وراي وميت بالضحك😂
انا:😳😳😳
معتصم:يامختشه ساعه انادي عليك وين عقلك😂😂😂
انا:كنت حاطه سماعات sory☺
معتصم:قريب مات من الضحك علي حركتي وقالى وربي نكلم في بيبي
انا:غصرتني العبره ودمعتي في خدي وقلتها بصوت واطي البيبي هادي تحبك
معتصم:شبه سمعني بس ماحبش يبينلها شنو قلتي
انا:سلامتك انا بنخش توا
معتصم:تمام لكن اخر مره اللقطه هادي تصير😒
انا:شنو🤔اي لقطه
معتصم:الطلعه بلا وشاح 😡
انا:الدنيا ليل منو بيشوفني
معتصم:كلمه هي خيرلك
انا:اي اوامر تانيه😒
معتصم:اي صوتك حلو يامشفشفه
انا:😳😳تحشمت وطلعت جري خشيت
.....
يتبع......😍😍