سالمه:الله يسلمك
سالمه:وليدي امتى ناوي تفرحني بيك
معتصم:عارفتيني ان الموضوع هدا بذات منحبش ندوي فيه😤
سالمه:ياولدي انا نبي نفرح بيك قبل ماياخد ربي امانته😢
معتصم:ربي يطول في عمرك معاش تقولي هكي بس القصه ومافيها اني توا مش جاهز لزواج قاعد نبي نكون روحي
سالمه:ربي يريح بالك ياوليدي ويهنيك
معتصم:امين....نستأدن بنمشي نريح راسي شوي😣
دخل لداره وحط راسه علي المخده وقلبه محروق ويقول في نفسه
كيف تبيني نتزوج وهي قاعده في قلبي مستحيل تقدر بنت تانيه تخش قلبي بعدها هي صح ماتت وربي يرحمها بس مش قادر ننساها ونعيش حياتي انا عايش علي ذكراها
..
.
.
.
قبل سنه...
معتصم:ألو حبيبتي وينك
نوران:اهلين قلبي انا توا نسوق وماشيه للمستشفى طالبين عليا تحاليل كامراجعه
معتصم: خيرك مقلتيليش راني بعتلك السواق حالتك ماتسمحش انك تسوقي مزال
نوران:حبيبي مافيا شي بس انت شاغل بالك اكتر من اللازم حبيبتك قويه
معتصم:ونبيك تكوني ديما قويه ياروحي ماشي
نوران:ماشي حبيبي قريب نوصل للمشفي انحبك😚
معتصم:وانا نموت فيك؛طمنيني عالنتائج وشنو يقولك الدكتور بالتفصيل ماشي
نوران:حاظر...سلام
معتصم:سلام
.
.
.
دخلت نوران للمستشفي ومشت دارت تحاليلها وطلبو علاها تخطيط عالدماغ وبعد طلعو مشت لدكتوره تشوف نتائج التحاليل
الدكتوره:مع الاسف معاك ورم فالدماغ
نوران وهي تبكي:لا اعتراض علي حكم الله بس قوليلي نقدر نتعالج او لا
الدكتوره:مع الاسف نسبه النجاح مرات تكون ضعيفه بس احنا منفقدوش الايمان بالله واكيد هو علي كل شي قدير
نوران:عيونها يدمعو ونعم بالله.توا شنو المطلوب دكتوره
الدكتوره:حاليا لازم نديرولك عمليه ونبي موافقتك وان شاء الله اليومين هادم تقعدي عندنا فالملاحظه ونهايه الاسبوع انديرولك العمليه
نوران:لالا دكتوره انا منبي حد يعرف بهدا الشي لو ربي كاتبلي انموت راضيه بهدا الشي
الدكتوره:قتلك متفقديش الامل حبيبتي كل شي بيد ربك
نوران: خلاص دكتوره انا خديت قراري مش حاندير العمليه
وبالفعل نوران رفضت العمليه ورفضت حتى انها تتعالج وماخبرت حد علي مرضها وحتي معتصم مارضت تخبره.وهدا الشي خله معتصم يحس بنوع من الذنب انه مهتمش بيها اكتر من اللزوم
في يوم نوران اغمى عليها وهي فالحوش رفعوها لاقرب عياده ودخلوها عالطوارئ وبعد نص ساعه طلع الدكتور
الدكتور:الاعمار بيد الله.عظم الله اجركم
ام نوران:بنيتي نوران😱😭😭😭 كيف هكي يادكتور
الدكتور:كان معاها ورم فالدماغ وهدا كان سبب الوفاء
بوها وخوتها قريب هبلو علاها وماصدقوش
ومعتصم لما وصله الخبر ماصدقش ونزل عليه الخبر زي الصاعق ومشي قدام حوشهم ولقي خيمه العزي منصوبه دخل للخيمه وهو مش مصدق انه قاعد يعزي في اهل حبيبته يلي بني احلامه هو وياها والمفروض هادي الخيمه كانت خيمه فرحهم😢....
.
.
.
ترن ترن ترن ترن
معتصم فاق علي روحه وشاف التلفون لقاه مازن
معتصم:بصوت تاعب ألو
مازن:وينك ياراجل مش على اساس بتلاقو بعد العصر
معتصم والله راح من بالي،نص ساعه وانكون عندك
مازن:وضعك مش عاجبني ياراجل
معتصم:نتلاقو بعدين ساهل
مازن:تمام نستنى فيك سلام
معتصم:سلام
.
.
.
.
عندي انا...
راقده منندري علاها منين زارقه😂 يجي مصعب الحيوان يعيط في ودني
انا:ووووووااااااك شنو هدا شن فيه منو مات🤪
مصعب:😂😂😂اخ يابطني شوفي منظرك كيف ولى
انا:ياحيوان والله لما انردها وراسك خزوووو قريب ركبتلي الجلطه
مصعب:شويه فيك والا ناسيه ميه المسقعه متع اولامس والا زهايمر😒
انا:😅😅لالا منسيتهاش
انا:شنو تبي جاي هاد عليا هكي
مصعب:تصدقي نسيت
انا:واضح الزهايمر عند منو😒
مصعب:كان صبرتي راهو حجيتي.😂 امي تبيك تمشي عند جارتنا عمتك سالمه عرفتيها ولاه😂😂😂
انا:باهي اختصر لو سمحت😒😒
مصعب:نسيت😂😂😊
انا:يارب صبر ايوب😒😤😤
مصعب:قالتلك بريلها شوفاها كان ناقصتها حاجه وقوليلها تجي
انا:واخيرا انطقت هالجوهره😒 بعدين وين امي فالعاده هي يلي تجي تقوللي
مصعب:انا حبيت نوصللك المعلومه بنفسى🤣😂😂
انا:مبردك يالا وجهك
مصعب:سلام يابروو
انا:خزووو وحدفت عليه المخده
هدا مصعب صح كبيدتي بس نبدو زي الفار والقطوس مرات😂😂 ويحب يستفزني عارفني منتحملش
.
.
.انا:.......😒
معتصم:......🤔
.
.
.
يتبع........
أنت تقرأ
قسوة النصيب🔇
General Fictionتحكي القصه عن بنت ليبيه عاديه من طبقه متوسطه قلبها طيب بس الدنيا والنصيب ماكانوش جنبها ابدا فالبدايه وبعدين الامور حاتتصلح........مع الحلقات حاتفهمو اكتر ان شاء الله طبعا هادي اول روايه ليا وان شاء الله تعجبكم
