اسفه عالتأخير غوالي😘
كيف معتصم بيعطاها بوسه فجاءه جت اسراء تخبط عالباب وخشت طول بدون ماتستني الرد وتفاجئت بالمنظر الرومنسي عاد😅
اسراء:شن اديرو ياصايعين😱
انا:من الخلعه نقزت من مكاني وغطيت وجهي بيدي
معتصم:انخلع وبعدين قعد يضحك علي منظري كيف نقزت ووجهي ولا احمر
معتصم:شن جيبك قطعتي علينا اللحظه
اسراء: بجديه وقاعد تقول فاها والله لما نحرش فيا امي وانتي يابتول حي عليك من اهلك وغمزت لمعتصم؛😉
معتصم:فهم علاها انها تبي تخوفها
معتصم:انا مدخليش هي جت تتلصق وقالتلي نحبك ومش عارفه شنو
انا : من الصدمه ارتبط لساني وجيت دايخه عليهم...
.
.
.
عند مصعب
مصعب:وهادي كل القصه
مازن:والله وكبرت وبديت تفكر بجديه في مستقبلك
مصعب:اي الحمدالله هدا من عند ربي وبفضل نور
مازن:بس هدا مش سبب يخليني نطلع من الدار😒وبعدين بنقعد باش نراقبك ونوجهك فالنهايه انا خوك الكبير
مصعب:ترا احلف😒
مازن:وجهي يقول اني نضحك معاك
مصعب:امري لله كلها سنتين واندير حوش بكبره واقعد فاها الدار نقعها واشرب ميتها😝
مازن:في من تكلم انت حي عليك حي ومشي يجري في جرته ومصعب يجري وينقز من مكان لمكان😂
ماعلينا منهم😂😁...
.
.
.
.
عند نور
مقعمزه تتعشي هي وامها بجنب بوها يلي راقد علي السرير ماحبوش يحسسوه بمرضه وعجزه بلعكس كانو قدامه طبيعين ولا كأنه صاير شي سواء وقت الاكل او قهوة العشيه لكن بمجرد مايطلعو من الغرفه الدمعه بروحها تنزل والوجه الحزين يظهر صعب تشوفي قدوتك وسندك طايح وماتقدري اديري شي علي خاطره وماليكش الا ربي اكيد تدعيله ان يشفيه ويطول في عمره
ناضت نور تغسل فالماعين متاعات العشى ودخلت علاها امها يلي خلاص الحزن سيطر علاها
نور:ماما خيرك متخوفينيش عليك حتى انتي
ام نور:الحمدالله مافيا شي بس خايفه علي بوك خايفه نخسره لا سمح الله ونقعدو من غير سند
نور:تفائلي خير ماليناش الا ربي ان شاء يعافيه ويرجعلنا كيف قبل
ام نور:ان شاء الله😭
.
.
.
عند ام بتول
مريم وصالح كيف داخلين للحوش يسمعو في صوت دوشه وضحك وجري استغربو وطلعو مخاوعين من فيه وفوق غير مصعب
صالح:خبط عالباب افتح ياولد خير تضحك بروحك شن جاك
مريم:يا حليلي كما التبس ولدي اعود بالله من الشيطان😱 ينقز ويعيط بروحه
صالح:استهدي بالله وانتي طول طلعتيه ملبوس
وطبعا مصعب ومازن مايسمعو في شي يتعاركو ووصلو حتي لتنتيش الشعر😂 وكان مصعب كل مايضربه مازن يعيط
فتح صالح الباب ولقي المنظر قدامه😁😅
مريم:حليلي شن جاكم تتعاركو وامتي روحت يامازن
صالح:جي حزهم وهما يضاحكو وبعدين جي مازن حضن امه وبوه
صالح:حمدالله علي سلامتك امتى روحت وخيرك متصلتش
مازن:قلت انديرها مفاجئه
مصعب:يكدب راه خايف علي فلوسه يصرفهم فالهدايه😂
مازن:😒شبحله بمعني تو انوريك
مريم:خيرك ضاعف ياوليدي
مازن:والله عادي يمي ديما شادها عالماكله غادي وباس راسها
مصعب:الله علي الاسبوعين يلي ضاعو كنت مدلع فيهم علاش مروح😒
مريم:بتسكر فمك والا الشبشب يتفاهم معاك😒
مصعب:🤐🤐🤐
صالح ومازن:ميتين ضحك😂😂😂
بعدين طلعو من الغرفه وجهزو العشاء وتعشو
مازن:وين بتول غريبه
مريم:مشت حوش عمتك سالمه بنتها اسراء جايه وبايته عندهم
مازن:💔💔اها
مريم:حست بولدها بس محبتش تبين
كانت مريم تعرف ان مازن كان يحب اسراء بس محبتش تدخل الان هو ماباش يحكي بس تصرفاته وعيونه فاضحينه
.
.
.
.
في حوش سالمه
بعد مافيقو بتول وكان وجها اصفر من الخوف😅 نادتهم سالمه للعشي وتعشو
معتصم كان قريب ياكلها بعيونها وبتول مسكينه قريب بتموت معاش عرفت تفرح والا تخاف وبدات ان اسراء كانت ملامحها جديه لدرجه بتول صدقت😅
بعدكملو عشي وغسلو الصحون مشت بتول هي واسراء لغرفت اسراء
قعد معتصم مع امه
معتصم:يام نبي نقولك علي شي
عمتي سالمه:ها ياوليدي شن فيه
معتصم......
.
.....يتبع😘
أنت تقرأ
قسوة النصيب🔇
General Fictionتحكي القصه عن بنت ليبيه عاديه من طبقه متوسطه قلبها طيب بس الدنيا والنصيب ماكانوش جنبها ابدا فالبدايه وبعدين الامور حاتتصلح........مع الحلقات حاتفهمو اكتر ان شاء الله طبعا هادي اول روايه ليا وان شاء الله تعجبكم
