معتصم:يام خلاص نويت نتزوج ونستقر والبنت يلي ناوي نطلبها هي بتول
سالمه:من فرحتها زغرطت ونست روحها
بتول:ان شاء الله خير
اسراء:بيولي عندنا عرس
بتول:باستعباط عرس منو🤔
اسراء:حدفتها بالمخده عرسك ياغبو ومع حبيب القلب😏
بتول:😳😳😳☺
اسراء:😂😂😂خيره وجهك هكي ولى
بتول:اقرصيني
اسراء:يامختشه تعالي جاي الف مبروك ياعروس والله صبرتي ونلتي😘
بتول:الله يبارك فيك بس غريبه قبل شوي ماكانش عاجبك الموضوع😁
اسراء:كنت نخوف بيك ياغبو نلعب بعداد عمرك😂😂
بتول:خزوووه عليك باهي قريب جبتيلي الجلطه
اسراء:😂😂المهم صدقتي وباش تعرفي مكاني في هوليوود مش اهنا😎
بتول:😂غر بشويه علينا
وقعدو يهدرزو لنص الليل
عند مصعب بعد تعشى رقد علي سريره ويفكر في مستقبله وهل يمكن توافق عليه نور او لا ووووو.....لين رقد
عند مازن طاح فاها نوم طول كان تعبان من السفر
عند نور متكيه في سريرها وتفكر كيف تقدر تساعد اهلها وكيف تقدر تبني مستقبلها وتفكر انها توقف قيدها باش تشتغل رغم انها كانت شاطره بس الحاجه هي يلي خلتها تفكر هكي
وطبعا متعرفش شنو القدر مخبيلها😍
عند معتصم متكي والنوم طاير ويفكر طبعا في بتول 😍 يلي سيطرت علي تفكيره؛ وقرر ان يخلي نوران في عقله وانها تكون دكرى حلوى وان يدعيلها ديما
ومع كل هادي الافكار طار منه النوم ونزل للمطبخ يشرب ويدور علي حاجه ياكلها
عندي انا مقعمزه نرسم يلي في قلبي باش نعبر علي فرحتي وهادي ديما هكي طريقتي حسيت روحي عطشانه نوضت اسراء تقول ميته من امس😅
انا:اسراء ارزيني فيك نوضي
اسراء:ها خيرك خلي الواحده ترقد خيرلك
انا:نوضي جيبيلي ميه عطشانه
اسراء:نخدم عندك تسحابيني الحوش وتعرفيه اقلبي وجهك بروحك
انا:خزووو😒
اسراء:وانتي جايه جيبيلي معاك حليب رسوله من المطبخ
انا:به😒😤
نزلت للمطبخ وانا داخله نلقي عصومتي😘😍
طبعا لاعب فهديكا الكوجينه علي اساس بيدير شكشوكه دحي
انا دخلت منغير صوت كيف وصلت في حكه الحليب😅فجاءه......
.
.
.
يتبع....😘
أنت تقرأ
قسوة النصيب🔇
General Fictionتحكي القصه عن بنت ليبيه عاديه من طبقه متوسطه قلبها طيب بس الدنيا والنصيب ماكانوش جنبها ابدا فالبدايه وبعدين الامور حاتتصلح........مع الحلقات حاتفهمو اكتر ان شاء الله طبعا هادي اول روايه ليا وان شاء الله تعجبكم
