وصلت للكليه كلمت تسنيم ودخلنا لمحاظرتنا وطبعا كان الاستاد يلي قولنا عليه طرف ودوته هلبا😅 وكان اسمه مراد
طبعا انا وتسنيم نسينا بكل الموقف يلي صار يومها بس هو مسموم منساشي😂
استاد احمد:السلام عليكم
الطلاب:وعليكم السلام
الاستاد:انتي وياها اطلعو للمسرح 😏وكان يشوفلنا
انا وتسنيم:درنا روحنا طرش ومنندروش علاها منين زارقه
الاستاد:تسنيم ال... وبتول ال... ياريت تتفضلو عالمسرح نبيكم تشرحو شن فهمتو من المحاظره يلي فاتت
انا وتسنيم وجوهنا متتفسرش
انا:قلتيلي ينسى صار
تسنيم:منسحاباش مسموم😂
انا:طيح سعدك وخلاص عام ضحك
الاستاد:شنو توشوشو سمعونا
انا:نراجعو في معلوماتنا بس
تسنيم: بصوت واطي سكري فمك انا مش عارفه حتى شنو العنوان
.
.
.
.
عند بابا وماما
بابا:لازم نطمن على الاولاد قبل ماربي ياخد امانته
ماما:بعد الشر عليك بعد عمر طويل
بابا:ونعم بالله لكن المرض خدي فينا حصه ومعاش فيا حيل زي قبل ولازم نزوجهم ونهني عليهم
ماما:مضايقش روحك احنا خلينا نهتمو بصحتك ومعالجه وان شاء الله خير
بابا :ان شاء الله
.
بابا كان مريض بالقلب ومره مره يتعب ونرفعو فيه للمشفى واخر مره طلبو منا ان نرفعوه ل المانيا
.
.
.
عند مصعب...
هو طالع من المحاظره ومش مركز عالطريق كان يساوي في شيتاته خبطت فيه بنت وطاحو شيتاته وهي شنطتها طاحت منها
مازن:ديري عيون سبحان الله
البنت:اسفه خوي والله ماقصدي كنت مستعجله عالمحاظره
مازن:كان يلم في الاوراق ويتمتم وفجاءه قام عيونه بيفصل فيها قعد في لحظات صمت😂
في خاطره هدا كله جمال والا ملاك نازل من الارض
.
كانت البنت تهبل بكل معني الكلمه بيضاء بيضاء زى الشمعه وعيونها ازرق سماوي😍وجسمها تقول عارضات ازياء بس كانت حالتهم الماديه علي قد حالهم مش اغنياء ومش فقراء يعني كان واضح من لبسها والبنت وحيده اهلها
.
البنت:احم معليشي خوي
مصعب:وهو دايب فاها انتي متأكده مش ملاك ولاحاجه نتخايل فاها
البنت:هههه لالا حقيقه و اسمي نور
مصعب:زاد هبل لما ضحت عاشت الاسامي وانا اسمي مصعب
شكلك جديده
نور:تسلم.اي الحق انا سنه اولى اقتصاد و قاعده مش متعوده على الكليه
مصعب:ولايهمك معايا انا حاتتعودي علاها
نور:لالا شكرا معليشي مدلي شيتاتي تأخرت على اول محاظره
مصعب:انصدم من رده فعلها،اه تفضلي
نور:خدت شيتاتها شكرا واسفه مره تانيه وشت مستعجله
مصعب:في خاطره ياربي شنو هالشعور يلي حسيت بيه
صح هو يكلم في بنات ومهتم بنفسه ولبسه وشاطر وفي نفس الوقت قلبه طيب بس كان مفكر ان البنات زي بعضهم بس يدورو عالمظاهر ومفكرش انت يحب من قلبه كلهم مجرد علاقات عابره وكانو البنات حتى هما يعرفو بهدا الشي يعني مكدبش على حد او عيشهم بالاوهام
مصعب:بعد ساعات من الصمت ومحاوله فهم شعوره موصلش لحل طبعا رن عليه تلفونه بس الصدمه مكانش تلفونه كان تلفون نور😂
.
.
.
.يتبع....
لازم من التشويق😅
أنت تقرأ
قسوة النصيب🔇
Ficção Geralتحكي القصه عن بنت ليبيه عاديه من طبقه متوسطه قلبها طيب بس الدنيا والنصيب ماكانوش جنبها ابدا فالبدايه وبعدين الامور حاتتصلح........مع الحلقات حاتفهمو اكتر ان شاء الله طبعا هادي اول روايه ليا وان شاء الله تعجبكم
