تسريع الاحداث......
روحو اهل معتصم واتفقو الاسبوع الجاي الفضانيه والفاتحه وبعد تلاته شهور بالكتير بيصير العرس
طبعا منحكيلكمش علي فرحه بتول الان طول عمرها كانت تحلم بهدا الشي
اما معتصم نفس الشي وكأنه حب بتول خلاه يعيش من جديد بعد ماكان عايش في كأبه وحزن علي فراق نوران
اما مصعب يفكر كيف يصارح نور بحبه قبل ماتضيع من يده ويفكر ان يكلم بتول تشوف معاه طريقه
اما مازن يفكر في تسنيم وعلي حراكاتها العفويه وكل مايدكر الموقف يقعد يبتسم بروحه زي المجنون
صباح جديد واشراقة امل
كان يوم جمعه مقعمزه العيله تفطر معادا بوهم طلع الصبح بكري ويهدرزو بخصوص عرس بتول
بتول:شن رايك ماما انديرولهم اعراسهم مع بعض هالمهابيل😂😂😎
مصعب ومازن:😳😳😳
مريم :اي ليش لا
بتول: لكن منو صاحبات التعاسه يلي بيوحلو فيهم اولادك😂😂
مازن:علي اساس معتصم صاحب السعاده توا😒😒
مصعب:اي والله صدقت😂😂
مريم:والله هما لو حاطين في بالهم يقولو من توا الاني حاطه في بالي زوز بنيات مشاء الله عليهم😌😌
مصعب ومازن:😳😳
مصعب:خيرك يمى ناويه تجلطينا عالصبح
مريم:وشن قلت انا العفو لو عندك وحده قول من توا الاني غدوى ناويه بنمشي بنخطبلك انت وخوك نفس اليوم
مازن:شنو تخطبيلنا هكي من دون ماتشاورينا شنو معندناش راي فالموضوع
مريم:انتم غر اعرفو منو قبل بعدين تكلمو😉
بتول:بأستفزاز تبي تحرق اعصابهم اي ماما وين بيلقو زيهم بدات مصعب رح يعجبه دوقك هلبا
مصعب:بتفجر ويتحلف فاها
مريم:مازن وليدي الكبير بنخطبله صاحبتك تسنيم مشاء الله علاها عجبتني وحتى اهلها مشاء الله ناس كويسه واما صعب بنخطبله نور بنت ناجيه حتى هيا مشاء الله علاها جمال واخلاق
طبعا منحكيلكم عالصدمه يلي علي وجوهم ومع احساس الفرح يلي حاس بيه مصعب كأنه ربي استجاب لدعائه وقعد يدعي ان يكملها عليه وتوافق
اما مازن حس بالراحه معرفش ليش بمجرد مقالت امه تسنيم سكت ومقالش حتى حرف
بتول:طبعا انا قلت لامي علي كل شي الاني كنت حاسه علي مصعب وعلي نور نفس الشي ان في نظرات اعجاب بيناتهم
واما مازن من امتى شفته يضحك وهو مع تسنيم حسيت انهم لابقين علي بعضهم وان تسنيم هي يلي رح تسعده
ماحكيتلكمش علي تسنيم هي بنت وحيده اهلها ومدلعه بس مش من النوعيه يلي شايفه روحها
عايشه حياتها بطول والعرض وعصبيه وكلمتها ديما واتيه وماعمرها دارت علاقه الانها مش مقتنعه الا بزواج التقليدي والحب يجي بعد الزواج جوها حلو مواصفاتها بشرتها قمحيه وعيونها كبار لونهم عسلي وشعرها اسود وواصل لنهايه ظهرها يعني بأختصار طرف😍
مافيش داعي انطول القصه عليكم باش ماتملوش يلي صار في الاسبوع هدا
ان مريم مشت خطبت تسنيم ونور والزوز وافقو
تسنيم ماخلت ماقالت لبتول علي خاطر جوها ومقالولهاش😂
لما جوهم علي اساس عايله جايه بتخطب وبتول دارت روحها ماتندري علي شي لين خشت تسنيم شافت بتول وامها وخالتها وعمتها مقعمزات فالصاله😂😂
اما نور طلعت تهبل ببساطتها وجمالها وهي نفس الشي ماكانت تعرف وتفاجئت هلبا
وقررو انهم ايديرو عرسهم مع بعض زي مطلب صالح وبعد العرس يمشي خارج البلاد ويتعالج ويكون مطمن عليهم
وطبعا منحكيلكمش علي فرحه مصعب يلي كان بيطير من الفرحه وخدي رقم نور يبي يهدرز علاها وهي كانت من الحشمه قريب بتخش في حوايجها😅ومصعب بلسينه عاد قدر يخلاها تنسجم معاه😂😎
اما مازن نفس الشي خدي رقم تسنيم وقعد يهدرز علاها وكل ليليه لازم من عركه ولكن بسرعه يتراضو😍
يتبع.....😘
اسفه عالتأخير غوالي بس الظروف حاكمه فيا
احتمال الجايه الاخيره تفاعلو😘😍
أنت تقرأ
قسوة النصيب🔇
General Fictionتحكي القصه عن بنت ليبيه عاديه من طبقه متوسطه قلبها طيب بس الدنيا والنصيب ماكانوش جنبها ابدا فالبدايه وبعدين الامور حاتتصلح........مع الحلقات حاتفهمو اكتر ان شاء الله طبعا هادي اول روايه ليا وان شاء الله تعجبكم
