عمتي سالمه:والله مش عارفه كيف نتصرف يامريم ولدي شي مسكر علي موضوع الزواج😢
امي:طولي بالك ياوخيتي وحتى انا زيك مازن شي كل منفتحله موضوع الزواج يايغير الموضوع يايتسبل باي حاجه ومدامهم اصحاب اكيدا نفس التفكير
عمتي سالمه:والله بكل كلمته الصبح قالي مزال نبي نكون روحي
انا :نسمع وساكته ودمعتي في عيني😢مش عارفه شنو الشعور يلي حسيت بيه بالزبط بس حسيت روحي مضايقه
انا :نستأدن منكم بنمشي نقرا
امي:قبل ماتمشي جيبينا حاجه مسقعه نشربوها
انا:حاظر ومشيت
عمتي سالمه:ماشاءالله علاها بتول تعرفي يا مريم كان توافقي نبي بتول لولدي
انا:كنت جايه:ورنت الكلمه الاخيره في ودني😲
امي:والله شن بنقولك انا مش حانلقي خير منكم وبعدين لهديكا الساعه يصير خير فيما ولدك جهز روحه تكون بتول كملت قرايتها
عمتي سالمه:ربي يقدم يلي فيه الخير
انا:قعدت خمسه دقايق وبعدين طلعت حطيتلهم العصير وانا وجهي اصفر علي احمر وطلعت جري لداري وارتميت عالسرير معقوله يصير ونولي مرت هداكا عديم المشاعر صح هو حب طفولتي وشبه بنيت احلامي وهو موجود فيها بس مش عارفه علاش حاسه بالخوف والارتباك وكيف كنت نبي ننساه جت عمتي سالمه تكلمت عالموضوع وووو..... وقعدت افكار ترفعني وافكار تجيبني لين معاش تحملت هوووب رقدت
مشي بقيه اليوم عادي.....
يوم جديد نضت الصبح علي غير العاده قبل المنبه دخلت للحمام(يكرمكم الله)توضيت وصليت ودعيت ربي ان يريح قلبي و ونزلت لقيت امي كيف متوتيتلي باش بترقى تنوضني😅😂😂
انا:صباح الانوار
امي:حمار اندرا من بيموت اليوم
مصعب:😂😂😂
انا:خلاص تعودو عالوضع من اليوم بنبدا انوض بكري
مصعب:زي الحق سبحان الله😂😂
انا:بابا شوفه شن يقول عليا ودرت روحي نبكي
بابا:مصعب معاش تناشب اختك خيرلك😂
مصعب:حاظر🤭
انا:قعمزت نفطر وانا نشوف لمصعب😒
مازن:صباح الخير جميعا
احنا:صباح النور
تسريع الاحداث فطرنا كلنا وكل واحد مشي في حاله انا ومصعب للكليه بس مش نفس الكليه ومازن عالشركه وبوي عنده شغل وماما قعدت تحوس فالحوش
عندي انا وصلني مازن للكليه وصلت كلمت ....
يتبع.....
أنت تقرأ
قسوة النصيب🔇
General Fictionتحكي القصه عن بنت ليبيه عاديه من طبقه متوسطه قلبها طيب بس الدنيا والنصيب ماكانوش جنبها ابدا فالبدايه وبعدين الامور حاتتصلح........مع الحلقات حاتفهمو اكتر ان شاء الله طبعا هادي اول روايه ليا وان شاء الله تعجبكم
