عند معتصم.....
كان يشطب فالجناح الفوقي متع الحوش ومعاش مزال هلبا والمشروع يلي كانو يشتغلو عليه فالشهرين يلي فاتو قريب بيتم يعني معاش عنده شن يشغل باله وبيفضي روحه للعرس يلي مخطط يديره بعد تلات شهور ومسكر دماغه
عمتي سالمه:ياولدي البنت مستحيل ترضي في تلاته شهور ادير العرس ناسي قرايتها ومزال بتوتي بتاتها
معتصم:القرايه ساهله تكملها وغصبا عنها مهما كانت الضروف وانا حانشرف عليه الموضوع والبتات يلي تحكي عليه ساهل فاسبوعين يتمو كل شي
عمتي سالمه:ربي يهديك ياولدي لمن طالع بس دماغك كاسح
معتصم:هههه ربي يحفظك ياميمتي يقول المثل اطول الخيط تريح اليبره وحتى احنا كان بنطولو معاش بيصير منه الموضوع
عمتي سالمه:عجزتني الحق انا نقوللهم ونتفاهمو وان شاء الله خير
معتصم:ان شاء الله باس راسها ورقي فوق لداره اتصل ببتول
معتصم:الو بالحب
انى:اهلين بقلبي
معتصم:الحلو شن يدير
اني:الحلو زعلان منك وخاطره يعطيك طريحه
معتصم:هههه له له شن فيه
اني:عارف اهلك جاين اليوم خيره مقتليش البارح
معتصم:راحت من بالي الحق وبعدين شن بديرو حوشكم حافضينه بالميترو وانتي نفس الشي فامتعبيش روحك😂😂
انى:خيركم معاي انتم اليوم
معتصم:منو انتم🤨
انى:مصعب نفس الكلام قالهولي
معتصم:هههه انا محفظهوله
اني:هاهاها مبردك هي وجهك حتى انا فاضيه راده عليك
وتسنيم تندب جنبي من اسلوبي😂
معتصم:حي عليها شن تقول هادي في وحده تقول لراجلها هكي عموما حسابك بعدين سيورك تحصلي بين ايديا توا كلمتك باش بنقولك العرس بعد تلاته شهور
وسكر الخط....
انى:خزوووه سكر في وجهي
تسنيم:ان شاء كنتي تكلمي في خطيبك بالاسلوب هدا
انى:يستاهل مسمعتيشي شن كان يقول
تسنيم:ارزيني فيك يانكبتي لامتى نقعد نعلم فيك انا
عند نور.....
كانت توتي في روحها وبتمشي عند بتول تساعدها وامها متقدرش تمشي علي خاطر راجلها
نور:انا بنطلع ماشيه لبتول
ناجيه:به يابنيتي وحاولي تروحي بكري
نور:حاظر
وهي طالعه جت عينها في مصعب يلي كان نازل من السياره وبيدخل للحوش قلبها قعد ينبض بسرعه ومعرفتش ليش
طبست راسها وخشت بدون اي كلمه
واما مصعب معاها باللقطه لين دخلت للحوش وقلبه بيطلع من مكانه
نور:السلام عليكم
مريم:وعليكم السلام كيف حالك يابنتي
نور:بخير الحمدالله ؛ بتول وين
مريم:كالعاده في دارها ومعاها صاحبتها جتها
نور:حزت في نفسها ليش مكلمتها وقالتلها اتجي ومشت ركبت وكيف بتخبط سمعتهم يهدرزو
بتول:الساعه كم
تسنيم:الساعه3:30وعلاش
بتول:غريبه نور مجتش لتوا
تسنيم:بالك تستنى في عزومه
بتول:عزومه شنو حتى انتي نور زي اختي وبين الاخوات مافيش عزومات😒
تسنيم:حي عالخيانه وانا شنو طلعت برانيه توا😤
بتول:يخيتي نجاها يلي تغار الزوز خواتي ومستحيل نفرق بيناتكم
نور:كانت واقفه وتبتسم وتمسح في دموعها الان عرفت قداش بتول تحبها ومش مجرد مصلحه
خبطت عالباب وخشت
نور:السلام عليكم
بتول:وعليكم السلام.فعلا قالوها تدكر القط يجيك ينط😂
نور:ياحيوانه انا هكي😂 شن كنتو تقولو عليا
تسنيم:كانت تقرم فيك راه انا مدخلي في شي😂
بتول:ريتي البيوع ولاه 😂😂
نور وتسنيم:😂😂😂
وقعدو يهدرزو ويضحكو كأنهم ليهم سنين يعرفو بعض وحتى تسنيم يلي اول مره تشوف نور انسجمو مع بعض
فات الوقت جو اهل معتصم ونزلت بتول توتي هي ونور فالمطبخ و تسنيم كاسره ودانها لصاله تسمع شن يقولو😅
بتول:ارزيني فيك بتفضحينا يافرخه
تسنيم:سكري فمك توا خلي نسمع شن يقولو بالك وحده منهم يطلع عندها ولد عزابي😂😂
نور😂😂😂
بتول:هدا يلي فالحه فيه😂
يتبع😘
أنت تقرأ
قسوة النصيب🔇
General Fictionتحكي القصه عن بنت ليبيه عاديه من طبقه متوسطه قلبها طيب بس الدنيا والنصيب ماكانوش جنبها ابدا فالبدايه وبعدين الامور حاتتصلح........مع الحلقات حاتفهمو اكتر ان شاء الله طبعا هادي اول روايه ليا وان شاء الله تعجبكم
