اللي بتسأل عن المايوه الاسلامي الشرعي؟ 😡😠😡
اكتر حاجه بتستفزني من اول ما ابتدعتوه المايوه ال ايه ....شرعي
لا يوجد شئ اسمه المايوه الشرعي !؟
نفسك تغيري جو وتبلبطي براحتك وأنت محجبة ؟!
والحل الوحيد هو المايوه ال ... شرعي ! ال ... إسلامي !
اللي مغرق المحلات والجروبات النسائية وسعره تحفة ؟؟؟
وماله يا ستي هاتي اللي يعجبك
بس ده يتلبس ...
-مع النساء فقط في حمام السباحة في يوم المخصص للسيدات
-أو مع أسرتك في رحلة خلوية خاصة
-أو مع صحباتك في مكان آمن مغلق عليكم
غير كده يبقى اسمه : تحايل على الدين !
أصل الشرع مفيهوش مايوهات للنساء وسط خلق الله كلهم مع بعض سوا سوا ×
ومش معنى إن جلدك متغطي بقماش يبقى حجاب
لأن من شروطه : لا يصف ولا يشف
والمايوه ده بيصف وبيلزق وبيشف وبيظروط الدنيا خالص !
ده غير إننا في زمن فتن كقطع الليل المظلم مينفعش تنزلي بجسمك في مسبح كله رجال وشباب ، حتى لو مش لوحدك بردو
والإسم مايوه شرعي !
أي شرع ده اللي بيسمح بإختلاط بظرميط كده؟
والمصيبة كمان لو منتقبة وتلبس بوركيني وتطلع تتزحلق على الزحليقة والشباب يوسعوا للكتلة اللي نازلة تغطس وتطرطش عليهم مية !
إيه العك ده؟! ها ؟!
ما الحلول غيرها موجودة !
المايوه الشرعي = إستقطاب المسلمات إلى التخلي التدريجي عن الحجاب وبصورة شيطانية بحجة أسماء إسلامية !
يا ستي الحجاب لغة معناه : الستر
وإصطلاحا معناه : كل ما ستر المطلوب
أو منع من الوصول إليه ومشاهدته.
وبالتالي المايوه الشرعي ده منافي لما سبق!
الشرع اللي لزقوا فيه كلمة مايوه وهو منه براء
هو اللي أمر النساء بعدم التبرج وإظهار الزينة إلا للزوج والمحارم
وبالمشي على جانب الطريق خشية الإيذاء
وإدناء ملابسها لعدم معرفتها
اللهم اهد نساء المسلمين
أنت تقرأ
قصص دينيه وعبره (1)
Spiritualصل على محمد وال محمد كما صليت على ابراهيم وعلى ال ابراهيم انك حميد مجيد ❤❤❤ لمحبي القصص الدينيه للاستفاده
