للبنات المحجبات والمنتقبات، محتاج أقولكم إنكم مدعاة للفخر ومصدر للقوة لينا، ووالله ربنا هيكافئكم على ثباتكم في الزمن ده.
زمن اللي بيحاربوا شعائر ربنا اللي في قرءانه وبيحوروا في الآيات الواضحة عشان يثبتوا عكسها. زمن التنازل عن السنن بحجة إنها "مجرد سنة" مش فرض. زمن التهكم على الناس الماسكة على دينها وتصويرهم على إنهم رجعيين ومش "كوول" ومش أحرار – وهما والله الأحرار حقًا. زمن اللي بتقلع النقاب والحجاب وبتفتخر إنها بقت "حرة" وتفتكر إنها قلعته بمزاجها، وتنسى إن الهداية من ربنا، يهدي من يشاء ويضل من يشاء. زمن تشجيع الزوج لزوجته على التنازل عن الفضائل، وتصويره لنفسه على إنه راجل "مودرن" وفاهم نفسيات البنات.
اللي ربنا رزقها، تحمد ربنا كل يوم وتدعيه إنه يثبتها، وتدعي لأختها. واللي ربنا لم يرزقها، تدعي ربنا إنه يلين قلبها ويهديها ويمكنها من نفسها. واللي بتفكر تقلعه، تفتكر إن ربنا سبحانه وتعالى هو اللي هداها عشان تلبسه، ولو قلعته هيبقى ربنا سلبها نعمة، الله أعلم هتعرف تستعيدها ولا لأ.
خليكي البنت اللي واحدة شافتها ثابتة واتحجبت بسببها. ولو ضعفتي واتكسرتي، ماتفتخريش وتعلني وتبقي سبب في وقوع واحده ماسكة على شعره.
اثبتوا واستعينوا بربنا. الحمل مش سهل، بس ده ثمن الجنة.
أنت تقرأ
قصص دينيه وعبره (1)
Espiritualصل على محمد وال محمد كما صليت على ابراهيم وعلى ال ابراهيم انك حميد مجيد ❤❤❤ لمحبي القصص الدينيه للاستفاده
