All For You

Pwede Ba

Mahalin mo siya ng walang pag aalinlangan
Mahalin mo siya kahit alam mong walang kasiguraduhan
Mahalin mo siya kahit alam mo walang patutunguhan
Mahalin mo siya kahit alam mo nasasaktan ka na

Mga katagang gusto mong gawin at paniwalaan. Dahil ito daw ang mukha ng tunay na pagmamahal

Pero hindi ba puro sakit lang ang aaabutin sa pagsugal at pagtaya sa walang kasiguraduhan

Hahayaan na lang ba na muling mabiyak ang pusong matagal ding inaruga sa pag asang itong muling maghilom

Mahalin mo siya kahit walang kapalit
Mahalin mo siya yung hindi pilit
Mahalin mo siya hangga't nabubuhay ka
Mahalin mo siya hangga't di nawawala ang ngiti sa iyong mga labi

Pagmamahal na minimithi ng mga taong minsang umibig at nasawi

Dinarasal sa Poong Maykapal na matagpuan ang tunay na pagibig.

Inaasam na sa muli'y, may magpapangiti sa mga labi at magpapatibok sa natutulog na puso sa dibdib.

Pwde bang magkunwari
Magkunwaring hindi nasasaktan
Nasasaktan dahil sa pagmamahal
Pagmamahal na hindi kayang suklian
Panawagang suklian mo ng pagmamahal, kahit kunwari lamang

Sanhi ng pagdurugo ng pusong walang ibang ginawa kundi ang umibig

Iniinda ang mga palo ng realidad na kaakibat ng pagmamahal

Walang kasiguraduhan kung ito' y magdudulot ng lungkot o saya

Umaasang ang nadarama ay di kathang isip lamang bagkus ay tunay at di gawa gawa lamang.