12
غزوان هديتها ام فضة ديربالج تلعبين معاي هاللعبة البنت الي كانت كاعدة وراج تخصني واريدها هسة حية او ميتة
ام فضة،،،زاد الخوف عندي صدكني يالنشمي ماعرف عن شنهي تتكلم البنات الي جانن موجودات كومة ومااميزهن واذا عرفت طلبك صدكني مااكصر
غزوان،،،بنت كانت لابسة اسود وبرجلها اليسرى شامة
ام فضة،،،استغربت من كلامة كتلة والله ماميزة هالشي بيهن بس راح ادور وارجعلك خبر
غزوان،،،راح انتظرج هنا بس ديري بالج تلعبين وياي صدكيني احرك خيمكم بالي بيها وميرمشلي جفن اصلا انتن موتكم حلال وسلاحي بي كاتم يعني اذا اكومج بكاعج ماحد يحس بيج ولا ينقذج مني فلتضيعين نفسج مع وحدة مطلوبة ثار جيبيلياها بهدوء ومن غير هوسة
ام فضة ،،،كتلة ياشيخ انت تريد تذبحها لو شنهو غرضك البنية امانة يمي
غزوان،،،بالبداية جيبيها وسويلنا سهرة معدلة على كيف كيوفج ولتفكرين بشي
ام فضة ،،،طلعت من الخيمة اركض وابجي واضرب على وجهي وطبيت مختضة على زهراء
زهراء،،،وكفت على حيلي وكلبي كام يوجعني من منظر ام فضة شبيج يمة شجرالج!!!
ام فضة،،،رفعت ثوب زهراء وشفت الشامة وكعدت ابجي
زهراء،،،شكو يمة الله عليج خوفتيني
ام فضة،،،غزوان هنا جاي مسلح وخنجرة على خصرة وعيونة تنكط شر عرفج من الشامة الي برجلج وطالبج بالاسم ويهددني يكتلني ويحرك الخيم بالي بيها اذا ماطلعتج الة
زهراء،،،كمت ابجي يمة طلعيني الة اني انتظر هاللحظة من زمان الموت اهون عليه من العذاب الي دأعيشة فما بالج اذا جان جتالي حبيبي وابن عمي اخذيني يمة ولتبجين انتي ماكصرتي وياي وطلعتي من خطاي كون ربي يجازيج ويهنيج بشوفة بنتج
غزوان ،،،انتظرت ربع ساعة بس جنت كاعد على جمر وانتظر دخلت ام فضة ولمحت اكو وحدة بظهرها دتمشي غمضت ودنكت
ام فضة،،،كان متربع والمشروب كدامة وجان الظاهر ديشرب والسلاح كدامة اشرلي اطلع ترددت اطلع بس خفت وطلعت
غزوان،،،جان صوت الموسيقى والاغاني عالي يوصل الى يمي استغربت من البنت اخذت راحتها وماخافت مني ولا تلبكت من شافتني واخذت راحتها وانطلقت بالرقص ذهلني الموقف جانت لابسة نفس الكلابية السودة واباوع لرجلها نفس الشامة ووجهة مغطى وبس عيونها مكشوفة جنت اباوعلها بغضب ومابطلت شرب
ام فضة،،،رحت للخيمة الي بيها زهراء دخلت عليها
زهراء،،،وكفت ها يمة شصار
ام فضة،،،دخلت البنت الي لبسناها لبسج وخلينالها نفس شامتج بس مااعرف شصار اشرلي اطلع وطلعت
زهراء،،يايمة انتي عندتي وطلعتي هالفكرة حرام البنت لاتروح بيها ويقتلها وتصير خطاتها بركبتي
ام فضة،،،ماراح يقتلها غزوان شايل سلاحة بس ماراح يضرب بي الا كبريائة الي ديكابر بي على حبة وشوقة الج عيونة مليانة حنين وشوق ولهفة مستحيل يتجرأ يأذي الي يحبها
زهراء،،،لعد ليش ما خليتيني اطلعلة يمة
ام فضة،،،مااجازف بيج اذا ماكتلج فراح ياخذج من هني وميخليج لحظة يمي ومااعرف شنو راح يطلع منة ساعتها اريدة يكطع نفس من هني وميخطينا بعد
زهراء،،،دنكت وكلامها اذاني
غزوان،،،كانت البنت جريئة ورقصها جريئ زادت النار بية وخلتني اعصب اكثر كمت وجريتها من شعرها خافت وكامت تصرخ شمرتها بالكاع وخليت السلاح على راسها كانت تتكلم بلهجة بدوية جريت الي كانت حاطتة على وجهة وانصدمت كانت ترجف وخايفة كعدت على رجلي مصدوم ودمعي بدء يصب على خدي تمنيت تكون هية واشوفها وابرد نار قلبي المتلهف لشوفتها
زهراء،،،دخلت البنية ترجف وخايفة وتصرخ على ام فضة شلون دخلوني على واحد مجنون حط سلاحة براسي شمرت الكلابية علينة وطلعت
زهراء،،،كتلها يمة الله عليج طمنيني عنة روحي شوفي شحالة هسة غزوان
