بارت ثاني
زهراء،،،احس كلبي بدء يدك ونظرات غزوان تفضح اعجابة وحبة رحت وديت الفواكه وجان كاعد مع خالتة وامة وفؤاد جان يلوب وميعرفون شبي يلج
ام فؤاد،،، كالت يمة زهورة هو يحبج ويسمع منج شوفي شنو بي والله تعبت وراسي راح ينفجر من المحنة مالتة
زهراء باوعت لغزوان ورفع حاجبة بمامعنى لا اني خفت وكتلها خالة حاولت ويا بس مديقبل يتجاوب ومااعرف شنو بي اليوم
كالت سودة علية اكيد شي يوجعة وميعرف يحجي
غزوان،،،باوعتلها بأبتسامة خبيثة ابتسمت وبعد متكدر تباوعلي فدوة للي تسمع الكلام
ام فؤاد،،،اي غزوان بعد خالتك شو ماسولفتلنا عن بنات المدينة والي وياك بالجامعة وخلت ايدها على رجلي وكالت ماعجبتك وحدة منا مناك !!! ميار الشمري
غزوان،،،باوعت لزهراء خلت نفسها مامهتمة جاوبت لاوالله ماعجبتني ولا راح تعجبني اي بنية
ام غزوان ،،،لتصدكين بي باجر متشوفين الا وجاي ويكول يمة اخطبيلي فلانة شفتها بالجامعة وعاد بنات المدينة مايخلن عقل
زهراء،،،انقبض كلبي وطلعت حسيت روحي انقبضت رحت ورة البيت اداري بدموعي الي نزلت شلال على وجهي احبة ومااتصور بيوم اشوفة متزوج غيري او يرتبط بغيري جانت دنيا ظلمة فزيت على ايد تخلت على كتفي خفت ورجعت ليورة
غزوان ،،،شبيج يازهراء والله روحي تلوب من اشوف دمعاتج
زهراء،،،خليت ايدي على وجهي مااعرف شنو اكول والي بكلبي تعجز كلمات الكون توصفها
غزوان،،،لفيتها وجريتها على صدري كون البيج بية
زهراء،،،همست ياريت البية بيك جان ارتاحيت
غزوان ،،،رفعت وجهة بوجهي وهمست شنو الي بيج وجان ضوة الكمر عاكس على لمعة عيونها
زهراء،،،ماعرفت شنو احجي بس كلت غزوان اني اذا تزوج مااكعد لحظة بالبيت هذا
غزوان،،،ضحكت غصبا عنج تكعدين هنا اذا ازوج لعد منو يوكفلي بهل يوم
زهراء،،،جنت متجية عليه بعدت عنة واحس كلبي وجعني وزدت بالبجي
غزوان،،،ضحكت وج انتي الوحيدة الي مستحيل يصير عرسي بلاها
زهراء،،،يعني شنو؟؟
غزوان،،،يعني احبج بنت عمي وجنتي وناري وان شاء الله حلالي مريتي وام جهالي
زهراء،،،اضحك وامتزجت دموع الغيرة والحزن بدموع الفرح
غزوان ،،،رجعت جريتها عليه وهمست وج زهورة انتي مشتعلة بنار الغيرة جربتيها وشفتيها ىشكد توجع الغيرة من جنت اصرخ بفؤاد وتلوميني
زهراء،،،راسي على صدرة واهمس الغيرة تكتل الله يلوم الي يلومك
غزوان،،،احببببببج
زهراء،،،بعدت عنة وخفت ردت اروح وجرني من ايدي
غزوان،،،، وين ماتروحين الا دكوليها اريد اسمعها منج
زهراء،،،كمت ارجف وجسمي اقشعر وكلبي يدك بسرعة همست شنو اكول !!
غزوان،،،شاورني كوليلي احبك
زهراء،،،لا مااكدر
غزوان،،،،لا تكدرين وايدج ماافلتها يلا انتظرج
زهراء،،،عفية اتركني هسة امي دورني وتجي علينة وتشوفنة
غزوان،،،مااهدج الا دكوليها يلا انتظرج ميار الشمري
زهراء ،،،كمت اتلفت خايفة همست بخجل احبك ابتسم وهديت ايدي وركضت لغرفتي قفلت الباب وظليت اكمز وهديت شعري وكفت كبال المراية وكمت اشتم بأيدي الي بقت بيها عطرة جنت طايرة من الفرح وماحسيت بروحي الا غافية
ام غزوان ،،،هاي وينها زهور متجي تشيل الصواني وتنظفها وين اختفت
غزوان،،،مبتسم واحس نفسي بغير عالم واكول بكلبي يمة جانت يمي وايدها بأيدي وكالتلي احبك
ام غزوان ،،،رحت لغرفتها فتحت الباب شفتها نايمة كلت يا هاي شبيها نايمة من وكت سديت الباب ورحت
زهراء،،،ظلينة هيج نتبادل النظرات والابتسامات ونلتقي بالبوكة ونحجي كلمتين الى ان خلصت عطلة نص السنة وراح يرجع يداوم جنت اغسلة واكويلة ملابسة وارتبلة اغراضة طبختلة كومة اكل وخبزتلة
وجنت مقهورة على فراكة بالليل قبل لا انام كلي نلتقي بالبستان بكذا ساعة انتظرج لتتأخرين
انتظرت الى ان الكل نام رحت اشوفة وبجيت كتلة غزوان لتتأخر علية صرت روحي من الدنيا ومكدر اعيش بلياك
غزوان لا زهورة النوب اسبوعين 3 بالأكثر اني هنا بس مااريدج تبجين ابد وصيري سباعية وصبورة وان شاء الله بس اخلص هالسنة افاتح اهلي بموضوعنا واصلا ابوية لمحلي اكثر من مرة عليج بس جنت اريد اتأكد من مشاعرج ميار الشمري
زهراء،،،فرحت كلش كتلة راح انتظرك يانور عيوني ترجع بالسلامه يارب
غزوان،،،جريتها عليه ردت ابوسها خلت ايدها على حلكي وهمست اذا تخاف الله بية اني بذمتك وامانة يمكم مدوسني الا ان اصير على ذمتك وحلالك
غزوان،،،حسيت كلامها وعبالك صفعة على وجهي نزلت ايدي وخجلت من نفسي همست اني اسف زهراء اعرف هسة شنو تفكرين بية
زهراء ،،،قاطعتة مافكرت بأي شي والله واعرف انت احرص الناس عليه
غزوان،،،باوعتلها واكول بكلبي لوتعرفين اخاف من نفسي عليج واهرب منج عليج
همست روحي زهراء نامي يلا
زهراء،،،ماشي تصبح على خير ياضي عيوني
غزوان،،،وانتي من اهل الخير،جريت ايدها وبستها عذريني مااصبر على روحي
زهراء،،،ضحكت ورحت اركض واتلفت
صار بوجهي زيد وصاح بية وين جنتي ولج
زهراء،،،فزيت همست جنت مخنوكة وطلعت اتمشى هنا
زيد،،،خنكتهم ولج شطلعج بهالليل والله اذا طلعتي مرة ثانية بهيج وكت لا احش رجلج حش
زهراء ،،،رحت لغرفتي ركض وجنت خايفة كلش بكد ماجنت فرحانة
زيد،،،هاي شغلتها ابد مو نظيفة زهيران هينة
