15
غزوان،،،همست ليش جازيتينة هالمجازاة
زهراء،،،جان كلامة مكطع وكوة ينفهم حضنتة بقوة ونام بحضني كمت اشتم بي وبكل شمة ترجعني سنين ليورة مشيت ايدي على صدرة وزندة وعلى ايدة لزمتها وبوستها وخليتها على خدي حسيت روحي ردتلي غمضت ودنكت على راسة ونمت بلا مااحس بنفسي
ام فضة،،،رحت على خيمة زهراء ومالكتها فزيت ورحت اركض على خيمة الشيخ فتحتها وشكد آلمني منظر زهراء وهية محتظنة راسة وعبالك طفل نايم بحظن امة كعدتها واشرت الها كومي قبل لا يصحى على نفسها ويوعالج
زهراء،،،همست يمة مكدر اتركة اني ماصدكت اكحل عيني بشوفتة مرة ثانية مجنت احلم المسة من جديد واشتمة
ام فضة،،،يمة الله يرضا عنج كومي كلبج راح يجيب منيتج كومي يمة
زهراء،،،،سحبت نفسي من جوة راسة وجرت ايدي ام فضة وطلعنا
غزوان،،،كعدت الصبح وجان راسي راح ينفجر حسيت نفسي حلمت بيها وشفتها جنت مأيس من شوفتها بعد ناديت على ام فضة واتعذرت منها وكتلها حقج علية واني بعد مااعتب صوبكم ولا ازعجكم بعد طلعت غلطان واني اعتذر اذا سويتلكم مشاكل جنت مشبه على بنت اعرفها
ام فضة،،،شنو قصتك يالنشمي سواتك ماهي سواية شيوخ
غزوان،،،ام فضة مو عالساس تقرأئين الكف والفنجان يعني معقولة ماعرفتي علتي وضحكت استهزاء وشلت سلاحي وخليتة بحزامي
ام فضة،،،ماقريت كفك واذا تحب اقرالك كفك واطلع بختك
غزوان،،،مو اليوم تعبان وراسي راح ينفجر شلت غترتي وخليتها على كتفي وطلعت كعدت بالسيارة كمت اشغلها سلمت عليها ومشيت
زهراء،،،جنت اراقبة وكلبي يدك جان شكلة تعبان وشعرة نازل على وجهة حسيت بعد مااكدر على فراكة وماراح اتحمل بعادة اكثر
غزوان ،،،حسيت نفسي اريد اشوف الحجية اتصلت بيها وكتلها يمة تعالي للديوان الي بالمضيف راح ادزلج ليث يجيبج جان الديوان خاص بية انام بي من اكون موجود بالقرية واغير بي ملابسي
غزوان ،،سبحت وجنت اشرب جاي اجتي الحجية بست ايدها كالعادة ضاجت من شافتني وبجت
غزوان،،،اهووو هم راح تبجين يمة كل مرة نفس العادة متبطليها
الحجية ،،،غزوان يمة شوكت ترجع للبيت صار 5 سنين ماطبيتة من وفاة المرحوم والله البيت ماالة اي طعم بلياك انت عامود البيت وبلياك دنضيع وبجت
غزوان،،،تقربت يمها يمة شكو شصاير احجيلي
الحجية ،،،غزوان اخوك ضاع وحيضيعنا وياه واني تعبت وياه
غزوان،،،اووف من زيد وطلاباتة شوكت يعقل ويحافظ على نفسة وينتبه على مستقبلة شمسوي بعد
الحجية،،،هالمرة مصيبتة مصيبة مصادق وحدة عاهرة ويكول حامل منة وراح يتزوجها ويجيبها يمي
غزوان،،،،وكفت شنو!!!! يمة شدتحجين ؟؟؟ ميار الشمري
الحجية،،،كمت ابجي اي والله ياغزوان تعبت وعجزت وياه
غزوان،،،من شوكت هالحجي وليش محجيتيلي
الحجية،،،اوف يمة من زمان بس مجنت اريد اغثك والي بيك كافيك
غزوان،،،وهسة هو وين
الحجية ،،،صار يومين من تلاغينة اني وياه وعافني وطلع وهو يتهدد انه يجيبها ويجي ومبحالي ولا بحال احد
غزوان،،،اووووف اني راسي راح ينفجر واجاني هالخبر شأسوي معاه والله الي بية مكفيني
اتصلت بي وطلعلي واسمع صوت ضحك يمة زيد انت وين وليش هيج مزعل الحجية
زيد ،،،ماعليها شي الحجية تزعللها يومين وترضى
غزوان،،،شوكت تعقل وتنتبه لنفسك ولتصرفاتك
زيد،،،من تنتبه لنفسك ولتصرفاتك انت ياشيخنا الي مانشوفة الا بالشهر مرة شوكت جنت شايل هم امك مونس نفسك وعايش حياتك بالمدينة ومخلي علية الحمل وامك مشكلة علية ابراج مراقبة كرهتني حياتي
غزوان،،،،زيد اقلها حافظ على اسم الشيخ الي جان ينحلف براسة وكافي الي خبصتة بحياتك
زيد،،،اني ماسويت شي غلط حبيت واخذت الي احبها على سنة الله ورسولة
غزوان،،،شنوو!!! تزوجتها ؟؟
زيد ،،،اي تزوجتها وهسة بالطريق جايين للقرية افرحولي ولتنغصون علية فرحتي واتمنى اشوفك ببيت الشيخ وتستقبلنة
غزوان،،،همست ان شاء الله مع السلامة ميار الشمري
وشمرت الجهاز وكعدت
الحجية ،،،بس لا تزوجها
