11
ليث،،،اني وفيصل مصدومين بالشيخ اول مرة يشرب وبدء يشرب بكثرة خفنة ليصير بي شي وكلنة خلي نطلع كافي لايصير تصوير او فد شي وينفضح وهو بهل حال لان بدء يحجي كلام ممفهوم ويصرخ جيبوها بس مجنة نفتم منو هية
غزوان،،،شربت وبعد مااحس بالي حولية وكانت عيوني تغوش وبعد مااركز كدامي
فيصل ،،،سندناه وطلعنة اخذت مفاتيح السيارة من جيوبة وكعدناه بالمقعد الخلفي ووديناه لبيت ليث وكان شبه فاقد
زهراء،،،جنت واكفة اراقب الخيمة الي هو بيها وانتظر شوكت يطلع واملي عيوني شوف بي طلعوه اصدقائة وهمة سانديه وهو صاير خردة بجيت عليه جان منظرة مؤسف اجتي ام فضة وهية معصبة عليه
هاي شسويتي زهراء جنتي راح تفضحين نفسج وتقربين منيتج
زهراء،،،يمة اني متت من زمان مو اليوم او البارحة
ام فضة،،،بعد متطلعين ولا تحضرين السهرات الى ان يكطع رجلة منا وميهوب علينة بعد ولو ماضنتي راح يتركنا بحالنا بعد
غزوان،،،كعدت الصبح وجان راسي ثكيل يوجعني راد ينفجر وريحتي مو طيبة
ليث ،،،صباح الخير شيخنا
غزوان ،،،صباح النور اني شنو جابني هنا
ليث ،،،والله ياشيخ اني وفيصل جبناك هنا ماكدرنا نوديك المضيف وانت بهل حال ثقلت بالشرب وانت اول مرة تشرب وفقدت جبتك يمي حتى ترتاح وتصحصح
غزوان،،،زين سويتوا اريد اسبح
ليث ،،،اي صار شيخ هسة نحضرلك الحمام بين ميجهز الريوك
غزوان ،،،دخلت اسبح وجان كل جسمي منحول ومكسر وماالي قابلية حتى امشي شوس صحصحت من طلعت وتريكنا وطلعنة للمضيف ماغابت عن بالي البنت الي شفتها هناك وظليت يومي كلة بس اصفن بيها وكل الحقد الي بداخلي بدء يتلاشى وكللبي رجع يدك الها وعقلي يفكر بيها شلون غزوان هالكد انت ضعيف كدام قلبك مرت من كدامك وبعدك ممتأكد هية او لا وارتخيت شلون لوصارت كبال عينك شحالك لو صارت عيونها بعيونك وثارك والشيخ الي مات من قهرة وحسرتة بيها وشرفك الي داست عليه
دخل فيصل علية للمكتب وقطع علية صفنتي وضيع عليه سلسلة افكاري
جان كل ميسألني بشي مااعرف شنو اجاوب وتفكيري مو يمة
فيصل،،،الشرب اثر عليك وانت ثقلت بعد لتشرب احنة رحنة ننسة همومنا ونغير جو وانت ضغطت على نفسك وكلفتها اكثر من طاقتها
غزوان،،،فيصل شنو تعرف عن ذني الغجر
فيصل،،،مااعرف عنهم شي لان انت كلتها غجر كل فترة بمكان رحالين وين ميسترزقون يلزكون واهنا عربنا ماشايفة وخوش صارت عليهن رجل فبقن هنا صارلهم سنين
غزوان،،،والبنات الي وياهم كلهن غجر
فيصل،،،مااعرف بس مااتصور كلهن غجر لان شفت انت اغلبهن مغطين وجوهن اكيد حتى لا احد يتعرف عليهن
غزوان،،،جنت اسمع كلام فيصل واعصر القلم بأيدي
بالليل اتأكدت من فيصل وليث ماراح يخطون هناك لان نطيتهم شغل يشتغلوه
خليت المسدس بحزام كتفي وطلعت خنجر الشيخ وخليتة بحزام الخصر
كلت اليوم لازم احرر نفسي واموت اخر حلم الها بداخلي وادوس على كلبي واطهر نفسي واريح الشيخ بقبرة وارجع لبيت اهلي واعيش حياتي مرتاح من بعد ماسلبت مني زهراء اجمل ايام عمري
ركبت سيارتي وتوجهت عليهم من وصلت ظليت كاعد بالسيارة متردد انزل وكلبي بدء يوجعني طفيتها وكلت متستاهل مني اتردد بقتلها وهية طلعت بهل وساخة والعار نزلت وصارت بوجهي ام فضة وجفلت من شافتني رادت دخلني على الخيمة الي سهرانين بيها كتلها اريد احاجيج على انفراد
ام فضة،،،اني ياشيخ وعلى انفراد ليش!!!
غزوان،،،اي انتي عندي حجايتين وياج
ام فضة،،،اي صار كمت اتلفت والخوف بداخلي اخذتة على خيمة فارغة من الخيم الي عدنا دخلنا وكتلة اتفضل شيخ
غزوان ،،،سحبت المسدس وخليتة على راسها
ام فضة،،،شهكت
غزوان،،،وينها ؟؟؟
ام فضة،،،كمت اتنهت وكوة اجر النفس منو هية يالنشمي والله ماعرف عن شنهي تتكلم
غزوان تقربت منها وخنكتها من ركبتها زهراء البنت الي كانت البارحة كاعدة بظهرج
ام فضة،،،كمت اجر بأيدة الي على ركبتي همست بصعوبة مااعرف عن منو تتكلم ماعندي مزيونة بهل اسم
