9
زهراء،،،ظلينا على هالحال شهر يجر شهر وسنة تجر سنة جنت اختنك بالخيمة بوحدي فطلبت من ام فضة تكعدني وياهم ماقبلت بالبداية ولحيت عليها كالت تكعدين بظهري ومتتحركين ابد جنت البس الغواشي الليرات وبس عيوني تطلع كانوا البنات يتناوبون ناس تركص وناس تكعد واكثر الحضور شياب وقليل شباب وكانوا يرشون عليهم فلوس كانت اكو خيم للشخصيات المهمة وخيم لباقي الناس وبمرة من المرات جنت كاعدة وسمعت ضحكة وصوت شخص مألوف انداريت واذا بالصدمة زيد موجود ويهوس ويضحك وجان سكران وديشرب خفت وكلبي كام يدك وطلعت من الخيمة اركض وظل كلبي يدك ومرعوبة الليل كلة بعدين زاد خوفي ورعبي من سمعت صراخة كلت بس لا عرفني او شافني بعدين افتهمت جان سكران وهاجم على بنية من البنات وصايرة مشكلة وطلعوه اصدقائة بيومها الليل مانمتة جان شكلة متغير وكبران وسمنان كمت افكر شلون عايشين وشنو الي صار وياكم جنت حتى لخالتي ام غزوان مشتاقة كمت اتذكر ايامي يمهم واحن لذكرياتي وياهم حتى التعيسة اشتاقيت لغزوان تمنيت الموت لو كان على ايدة لو حتى بس اشوفة وبعدين يموتني
جنت اكول ياترى شنو طعم الموت لو كان حبيبي جتالي هم يوجع لا مااعتقد
بيومها مانمت والصبح توسلت بأم فضة انه نمر بمنطقتهم لعل وعسى نسمع اخبار عنهم من بعد هالسنين شنو الي تغير بحياتهم ياترى غزوان تخرج لوترك دراستة من بعد وفاة الشيخ عبرنة من شارعهم ماكو شي هدوء تمنيت ادخل لبيتهم واغمرهم من كد مامشتاقتلهم ظليت اباوعلهم من بعيد وابجي جرتني ام فضة ورحنة
زهراء،،،كمت احنلهم واتوسل بام فضة تجيبلي اخبارهم او حتى بس اخبار الشيخ غزوان وين صفى بي الدهر بأرض ولا بسما جان ميروح من بالي ومن اسمع صوت الربابة ابجي واحسها تفهم الي بكلبي وتسمع كلام قلبي وهمس روحي جنت اتمنى اشوفة حتى لو بشوفتي الة موتي
جنة من نروح نبصر ونقرأ الكف للناس نجرجر النسوان بالحجي عن الشيخ كالو انه ميتواجد قليل بالقرية واغلب وقتة بالمدينة واشتكوا منة انه قاسي وميتفاهم والمرحوم عمي جان احسن منة جنت استغرب من الي اسمعة عنة واكول هالكد تغيرت غزوان وهالكد خلتك الحياة قاسي
جنت من ارجع ابجي وبكل مرة دكلي ام فضة بعد منسأل عنة وشيلي من راسج بعد كافي
ومن كد مالحيت انه تروح تشوفة او تسأل عنة كالتلي ماشي اروح باجر للمضيف بحجة استفسر عن شي معين وأسأل عنة بس توعديني بس تطمنين عنة وتشيلي من بالج خلاص
ام فضة ،،،جانوا الشباب الي متواجدين بالمضيف كلهم اعرفهم ويجون يسهرون يمنا اكثر الاوقات سألت عن الشيخ وكالولي قبل شوي اجة من المدينة محتاجة شي منة ام فضة؟؟
ام فضة ،،،تلبكت لا بس كنت حابة اضيفكم يمنا من زمان الكمر مابان وضحكت
الشباب،،،،اي والله صار زمان على سهراتكم الحلوة نجيكم قريبا
ام فضة،،،كلت ماطول عرفت ربعة الي مخاويه استدرجهم يمي واعرف اخبارة اول بأول منهم ولا نتعب نفسنا ونروح ونجي عليهم كل يوم ومامحصلين شي
فيصل وليث ،،،،رحنة لمكتب غزوان وكمنة ننطي اخبار المنطقة اول بأول
غزوان،،،جنت تعبان وكوة افهم شنو يكولون الي
ليث ،،،تعبان ياشيخ بين عليك الكبر
غزوان ،،،اي والله بين عليه الكبر وضحكت
فيصل ،،،يمعود شيخ الشباب انت لتصدك روحك بس يرادلك سهرة معدلة عند ام فضة تكيف نفسك بيها وتنسى الشغل وتعبة
ليث ،،،اي والله جبتها يافيصل يرادله غزوان هيج سهرة حياتك باردة ومملة
