احياناً هناك دورس في الحياه توقض شعورك النائم وتجدد خلاياك التي ماتت بسبب انانيتك تجاه الاخرين وتنضر للحياه بمنضار جديد وتربط نفسك بمسووليات لم تكن تبالي بها يوم ماا ....
محمد /سلمت على سراج وطلعت واني مااعرف شسوي حسيت انو اني مسوول عنه وعن اهله لازم اساعده بكل الوسيله واول قرار لازم اتخذه اروح اصالح ابويه علمود يساعدني لان سراج مايستاهل الوضع الي هو بي ..
رحت على ابويه للمعارض دخلت سلمت عليهم وين ابويه كالو بالمكتب عنده جماعه رحت عليه من طبيت شفته واكف ديسلم عليهم ايريدون ايروحون سلمت وكعدت بس حسيت ابويه انصدم من شافني راحو الجماعه واجى كعد على المكتب لزم تلفونه وكام يخابر اريد احجي اشر بيده 🤫بمعنى اسكت😏كمل التلفون وكالي اسمعك كتله حجي اريد منك تساعدني ...
اهااا دااكول ليش جاي لان ماكدرت اتعيش نفسك بدلال وشفت بهذله بيوم واحد بعد ماطردتك 😓...
اولا اني لو ماسراج كسر ضهري مااجي عليك وثانيا اني ابنك مو حيوان ربيته وهسه بزعت منه وطردته من حياتك لاتنسى نفسك انت مسوول ايضا عن تصرفاتي الرعنه لان ملتهي بس بااشغالك وماجنت ادور ورايه واني جنت بفتره مراهقه وطايش وتعلمت على شغلات موزينه وانت لاهي عني 😡....
يعني هسه صوجي استاذ حمودي يعني طلعت اني الي طلعت عينك لان كلشي موفرلك وماحرمتك من شي اني من جنت مشغول عنكم جنت ابني نفسي واشتغل لليل نهار علمود اوفر الكم حياه كريمه اتعيشون وتتمتعون بيها بس مع الاسف هذا البشر ياكل وينكر مايعجبه اي شي دائما الاب هو الغلط بالاخير ...
اني ماكلت انت غلط وانت تعبت علمودنه بس احنه اولادك هم محتاجين حبك وعطفك مو بس فلوسك المهم اني اعتذر عن كل تصرف سيئ اصرفته بحياتي بس صديقي باازمه ولازم اساعده
واريد مساعدتك ...
مااكدر اساعدك روح انت دبر وضعك اني حاليا بمشكله وانت مامهتم الاسهم مالتنه مضروبه يعني مافاضي لاالك ولا الاصدقائك 😒....يعني هذا اخر كلام عندك
اي نعم
ماشي اشكرك وطلعت من يمه وروحي طالعه ماكو بيدي شي اسوي غير ابيع سيارتي اختيارين كدامي لو اساعد سراج لو اعالج اخته المسكينه اوووف ياربي ساعدني ......
فاطمه /كاعدين بلبيت ودنتضر حمودي ايجيب سراج من المركز وحتى غده نفسنه مارادت بس امي كالتلي حضري الغده كالت
هسه يجي سراج سودا عليه جوعان اندگ الباب وراح حسوني يركض يفتح الباب ....
محمد /رحت عليهم علمود اشوف الوضع واساعدهم دكيت الباب بس مااعرف اكو احساس بگلبي اريد اشوف فاطمه مشتاقلها فتح الباب اخو سراج وبعدين امه اجتي
هااا وليدي وين سراج
موجود خاله فوت ابني اكعد وفهمنه مايصير توگف بالباب
طبيت بيت بسيط جدا بس نضيف ومرتب حيل دخلت الغرفه ضيوف وكعدت اجتي كعدت ويايه ام سراج وحسوني
اي ابني شنو شغلته
والله خاله مااعرف شكولج بس لازم اخبرج بالحقيقه لان انتي مره قويه وگد المسووليه سراج مورطينه بشغله ويرادله محامي 😱😱وهسه شلوون كامت تبجي وكسرت بگلبي ...
حضرت الغده لان وكت الغده اجانه حمودي عيب رحت دگيت الباب وفوتت الغده الهم واني گلبي يدگ سريع مااعرف شبيه من اشوفه ....
اندك الباب مال الغرفه وگلبي مستعد ايشوفها مااعرف احس نفسي هوايه معجب بيها دخلت وبيدها صينيه واجتي وسلمت مسحت دموعها ام سراج يله وليدي من الصبح التهيت ويه سراج يله اكل ولو اعذرنه من القصور ...
لاخاله لاتكولين هيج هذا كله خير شلونج فاطمه شلون صرتي ..
بخير انت شلونك الحمدلله
خلت الصينه وراحت كتلها يله خاله اذا ماتاكلين اني هم مااكل كالت والله نفسي ماتريد انت وحسوني اكلو
كتلها واذا كتلج اودي غده السراج تاكلين ...
صدوك توديله غده اي ديله اكلي علمود اخذله غده كعدت اكلت ويايه شويه واني ميت جوع من الصبح ماماكل شي واكلهم ايخبل اويلي فديت الايد الي طبخته ....
فاطمه /دخلت للمطبخ احضر الجاي بس تفكري كله بحمودي اووف احلامي جاي تتحقق وكمت اشوفه ابيتنه اشگد شكله حلوو ومرتب وله العطر الي يحط منه ريحته اتجنن حضرت الجاي واخذته الهم وطبيت امي كالت يمه فاطمه حضري غده الاخوج هسه محمد يودي بيده للمركز
اي يووم صااار ....
لا بعد مااتحمل اليوم كل شويه اشوفها واحس گلبي فرحان رغم انو اني ضايج علمود سراج بس شوفتها اتنسيني كلشي وطلعت انداريت على ام سراج خاله اشسويتو الفاطمه علمود الكلى
والله ياابني ماادري شكولك اني مااعرف منين اتلكاها من سراج لو من فاطمه هاي تحتاج كلى واذا مانحطلها لازم تحتاج غسل كلى واني مااتشوف گلبي مليان قهر جهالي ديروحون من ايدي واني ماكو شي بيدي
خاله مادام رب العالمين موجود لاتخافين ونعم بالله راح اودي الغده وارجعلكم العصر اخذكم للدكتور
هااا ابني مايصير
لااا خاله لاتزعليني منج مثل سراج اتوسلت بي علمود اساعدكم وماقبل وراح ذب نفسه بشغله مشبوهه وشوفي هسه حاله ترى الدنيا دووم مو يوم وفضايل سراج هوايه عليه ولازم اوكف وياه بالشده مالته
مااعرف شكولك ابني الانسان ايبين المعدن مالته وكت الشده ولاتزعل مني جنت احجي على سراج من يطلع وياك لان اخاف عليه بس طلعت نعم الصديق الوفي ....
اي خاله حقج صدكي سراج ماكو منه واحسبه مثل اخويه بس شسوي طيش شباب وان شاء الله بعد ماتتكرر ...
فاطمه /حضرت الغده علمود ياخذه السراج وانطيته بيد امي اخذته اله يم الباب ينتضرها اووف شوكت بعد يجي واشوفه دخلت للصالون علمود اعزله اشتميت عطره تارس المكان اويلي الرئه مالتي احسها تنفسه مو تنتنفس الهوا صح جنت اشوفه من بعيد واحبه حب من طرف واحد بس هسه من كمت اشوفه مهتم بينه لا احس حبي زاد اله دخلت الغرفتي اتمددت لان احس جسمي تعبان امي دخلت عليه
هاا بنتي اشبيج
مابيه شي يووم بس شويه تعبانه
حمودي اليوم العصر يجي ياخذنه للطبيب
هاا 😳بكلبي فرحانه حيل ليش يووم
كالت هو اصر ايريد ايساعدنه
واني لو مااخوفي عليج جان ماقبلت بس شسوي مابيدي غير
حل الله دزه النه ايساعدنه
يوم وسراج شنو قضيته
اووف يابنتي سراج ايبين شغلته صعبه بلكي رب العالمين هو ايفك كربه واسره لانه مضلوم 😓
أنت تقرأ
انتِ دافئه ك شمس الشتاء
Romanceشباب لهم قصص مختلفه يتعلمون من قسوه الحياة وينتهي بيهم المطاف الى ثوره تشرين ثوره الابطال قصه من الخيال &&
