تقف العقول للحضات صامته للتتفقد الاحداث وتستوعب العواصف التي سوف تحل بيها وتواجهها
محمد/بعد ما وصلت الولد لااسعافات طلعت بالكوه والله سترني وصلت للمستشفى دورت عليهم بين الناس الجرحى والعالم ازدحام وبجي والحاله ضيم على الشهداء الشباب الي حالتهم اتبجي الصخر دااسال وداانطي اوصاف حسوني للدكاتره بلكي شايفينه
فاطمه /گمنه اندور بين الوجوه والناس الجرحى واحنه ريگنه نشف من الخوف ماكو ودانسال ماخلينه مادورنه ماكو كالو اكو شهداء جابوهم اذا عدكم استعداد تعالو شوفوهم 😱ياربي بعد رجليه ماگامت اتشيلني وامي كعدت بالگاع تبجي وتلطم يوم اصبري الله يرضى عليج لاتفاولين على الولد بس اصبري طلبت منه اني ادخل وياا حسيت باامي انتهت وضغطها علگ فول دخلت وحسيت جسمي ثلج وگلبي نار مااعرف بس لاانصدم من جديد
دخلت امشي وگالي اكو واحد بعمر الي وصفتو الي جسمي كله كام يرجف من الخوف وصلت طلع الجثه غمضت عيوني وكوه فتحتها وشهگت 😱
محمد/دخلت للمستشفى ادور الهم بين الوجوه شفت ام سراج من بعيد كاعده تلطم وتبجي ركضت عليها خاله ام سراج خييير
ام سراج /لك حمودي الحگ عليه يمه حسوني دندور عليه بس لالحگ اخوو والله اموت وراهم اني
محمد /خاله گولي لااله الا الله استغفري رب العالمين اتعوذي من الشيطان بلكي هسه نلكاه جرح خفيف بي لو نلكاه سلامات فاطمه وين
ام سراج /دخلت ادور على حسوني
محمد /اجتي فاطمه دتمشي من بعيد ودموعها بعيونها گلبي انقبض ياستار ركضنه اني وام سراج عليها هااا فاطمه احجي شكو
فاطمه /يوم الحمدلله ماطلع حسوني بس هم گلبي انفطر عليه ولد بگد حسوني الله يعين اهله على المصاب الي همه بي
محمد /الله يرحمهم اجمعين ويصبر اهاليتهم هسه امشو نطلع منا واني ادور عليه
ام سراج /مستحيل ارجع للبيت بدون ابني اريد ابني 😞جيبولي ابني
محمد /خاله صدگيني مراح نستفاد شي من ضلتنه هنا واني خايف من شي واحد لاسامح الله
ام سراج /كول ابني شكو انوب مضموم النه بعد
محمد /اخاف معتقل خاله لان لزمو جماعه سمعت
فاطمه /يمه اسم الله حسوني بالحبوس وهذا طفل شلون راح يصبر
ام سراج /ابني ابوس ايدك تاخذني العنده الله يرضى عليك والله اتوسل بيهم وابوس ايدهم بس حتى يطلعونه
محمد /خاله اترجاج اني مامتأكد دااكول يجوز بلكي نلكاه خاتل بمكان او تلكينه بلبيت هسه
ام سراج /علواه ياابني بس لا اني گلبي مامطمأن اليوم لازم ابني يرجع
فاطمه /امشي يوم خلي نرجع للبيت بلكي صدوك راجع
ام سراج /ولج يابنتي جان اتصل على اقل لو صدوك راجع اذا تروحين روحي اني مااوصل للبيت بدون حسوني ولكم افهموني هذا طفل والله يضيع بدونه
محمد /خاله هسه تبقين هنا بالمستشفى مراح اتسوين شي روحي انتي وفاطمه واليوم ماانام ولارجع للبيت الا الگاه الكم ان شاء الله
ام سراج /لا ابني انت هم خطرعليك اتروح هسه
محمد /حيرتيني ياخاله ابقي هنا بالمستشفى لعد واني راح اروح بالمناطق اطرافكم ادور بلكي خاتل ابيت قريب يله مع سلامه
فاطمه /راح حمودي وكعدنه دنشوف الحالات ونبجي ويه بجيهم عبالك دارو على جروحنه ملح من كثر المأسي الي كمنه نشوفها
خليتهم ايشوفون امي ويجيكون ضغطها لان وضعها فدمره موزين
بقينه الى الفجر وماكو اجى محمد علينه واخذنه للبيت بالگوه كال ماكو فايده من ظلتكم بالمستشفى
محمد /عجزت واني ادور بالمناطق والوضع مو امن ابد ولو مامعارفي جان اعتقلوني لان شافوني بس افتر بالمناطق القريبه على المضاهرات بعد ماشفت ماكو نتيجه رحت اخذهم من المستشفى طبعا اهلي مابطلو تلفون عليه وداطمأنهم انو اني بخير وصلت ام سراج وفاطمه للبيت واعدتهم مااتركهم الا نلگي حسوني
بعد مارجعت للبيت ميت تعبت مادري بشنو افكر بالمعرض والخونه لو بحسوني خطيه الي ضاع ومااله اثر غمضت عيوني وبعد ماحسيت
فاطمه /رجعنه للبيت وانطيت الامي مهدئ بلكي ترتاح لان هوايه خفت عليها ياربي احفظهم اليه گعدت يم راس امي وشفت امي نامت وماادري بنفسي اني هم غفيت مااحس الا الباب اندگ قوي وجفلت وطلعت اركض ياربي سترك ياالهي وامي هم ورايه تركض فتحت الباب واذا ولد جوارينه شايلين واحد دمه بطوله وطلبو مني يدخلون واضمده لان القوات وراهم دتلاحگهم امي فوتتهم وسويت للولد الاسعافات الاوليه جرحه جان سطحي وبقو يمنه الى شافو الوضع برا هدء وطلعو من البيت واتشكرو منه
اكيد حسيت سويت انجاز وساعدت ابناء وطني الابطال هذوله فخرنه الي رفعه راسنه بيهم
اكيد بعد هذا الموقف بعد مااكدر اصبر لازم اطلع واساعد اخوتي وخواتي بميدان الشجاعه والبطوله لان روحي مو اغلى من ارواحهم
واتوجهنه اني وامي للساحه التحرير لان بعد مانگدر نصبر بلبيت وحسوني مانعرف وين اراضيه
محمد /گعدت من النوم دنيا ضهر فزيت مااخذتني النومه نزلت
يووم ليش خليتوني نايم الى حد الان
ام محمد /شفتك ياابني تعبان ونايم سودا عليه وماحبيت اكعدك كلت خلي يرتاح ادري الحمل ثگل عليك بس شنسوي ماعدنه غيرك
محمد/اي يوم تعبان حيييل من الدنيا صعبه حيل من تواجهين ناس بدون اقنعه وطلعين اغلاطهم
منو قصدك ابني ؟
لا هيج مجرد حجي لاتخلين ابالج
ابني الوضع موزين لاتطلع اليوم ارتاح بلبيت الشغل مطاير منك
يوم اذا مالحلگت الشغل صدوك راح يطير منه
ليش ابني ياستار ؟
يوم مااريد اشغل بالكم بس اريدكم لاتخافون وان شاء الله اكون گد المسووليه وارد ولو جزء بسيط من الضيعته من عمري بسبب تصرفاتي الطائشه
ابني تدري انت هوايه متغير تصرفاتك وخوفك علينه تدري اشگد جاي تكبر بعيني الله يحفظك النه بس اريد منك شغله
كولي يوم ؟
اريد تحجي ويه اختك خطيه غلطت وكلنه نغلط
يوووم اني
ابني الخاطري الفات مات لايصير گلبك اسود وخصوصا هسه جايين ناس يطلبونها وانريد ناخذ رايك
ايصير خير يوم
فاطمه /بين مادا نساعد الناس اجى تلفون على امي دااباوع على امي انصدمت وجمدت بمكانها يوووم شكوو 😳
أنت تقرأ
انتِ دافئه ك شمس الشتاء
Romanceشباب لهم قصص مختلفه يتعلمون من قسوه الحياة وينتهي بيهم المطاف الى ثوره تشرين ثوره الابطال قصه من الخيال &&
