فاطمه /يوووم انتي شجاي اتكولين اشوكت راح وشلون
ام سراج /هسه صديقه اجى كالي مهزومين سوا من المدرسه ورايحين من سامعين بالمدرسه بالمضاهرات وصديقه رجع ايگول تيهته بالمضاهرات لان صار طلق وانهزمنه وبعد مايدري وين صار حسوني
فاطمه /يوم هسه شلون وين انروح اندور عليه الخاطر الله
ام سراج /اني راح اروح ادور عليه بعد مااكدر اصبر
اوكفي يوم راح اجي وياج اخاف عليج من رخصتك عمو ادعيلنه نلگاه بخير
ان شاء الله بنتي تلگونه بخير
محمد /بعدما اطمأنيت على والد صعدت فوك تعبان ونمت وحلمت بسراج اجاني بالحلم وهم زعلان مني ردت اعرف منه السبب لكن ماادري فجاه فزيت من الحلم واتعوذت الشيطان الله يستر بس لابيهم شي اهل سراج رجعت نمت وكعدت الصبح وخابروني بالمعارض الحگ علينه المكتب مال المعرض احترگ ورحت ركض بس ماخبرت ابويه باالي صار عرفت عمايلهم بس عبالهم يغدروني اكيد مايگدرولي لان المستندات جبتهن ويايه للبيت الي راح اطيح حظهم 😤وصلت للمعرض واجوي يركضون
شامل /يمعود الحگ المكتب عطب تماس كهربائي
محمد /تماس هاااا 😡وليش مو فعل فاعل علمود تحرگون خياسكم
شامل /حمودي اوكف عد حدك شنو قصدك
محمد /اولا اني هنا مو حمودي ومو زعطوط يمك انت صح بكد ابويه بس هسه انت تحت امرتي جنت احترمك قبل واكول صديق الوالد بس طلع ذره وفه وماعندك واتخون الزاد والملح اني اعلمك بعد الي سويتو جبرتوني انو اتصرف غير تصرف وياكم والفلوس يرجعن بالموعد
شامل /هااا يافلوس عيني وين عندك اثبات الاوراق كلهن بح
محمد /لاحبيبي مو بح الاوراق والمستندات الي ادينكم كلهن بالحفظ والصون ونتقابل بالمركز بعد اسبوع الي مارجعوتو فلوس ابويه
شامل /يمعود على بختك صدوك جذب استاذ محمد احنه عشره عمر مايصير هيج تصرف ويانه انت بس هدأ نفسك والي تريده يجرالك
محمد /اتفضلو هسه عندي شغل وحسابي وياكم عسير ياانذال اتنفست من طلعو عبالكم تاكلوني والله لاالعب بيكم طوبه بس اصبرولي سويت اتصالاتي وطلبت منهم ايرممون المكتب بعد مااحترگ من وراهم الحقراء
فاطمه /طلعنه اندور والناس دتنهزم شافنه واحد يمعوادات وين موتشوفًون الوضع خطر كلها قناصه خاله روحو منا
ام سراج /ابني ابوس ايدك اترجاك وليدي هنا وخايفه عليه هذا بعده طفل فدوه اروحلك ماشفته
والله خاله وين ماتشوفين الهوسه وان شاء الله تلگينه سالم
فاطمه /الولد ديحجي ماانشوف الا الدنيا صارت دخان واختنگه حطيت الشال على وجهي بس باوعت على امي وكعت والنفس انگطع وكمت الطم واعيط يوووم كومي ابوس رجلج لاتعوفيني ياربي هسه شسوي وكمت اصيح ياااااارب بعلو صوتي مااحس الا شباب وبنات جرونه وسوو اسعافات الامي ورد النفس بيها وكمت ابوس بيها ياربي احمدك واشكرك
اشكركم هوايه وبارك الله بيكم
انتو شجابكم هنا ؟
فاطمه /اجينه اندور على اخويه هو بعده صغير وخفنه عليه
الدكتور /اترجاكم الوضع ابد مو زين ناس هوايه ضحايه راحت الله ينتقم من الضلام الي صار الدم رخيص بيدهم شباب بعمر الورد دتروح تسوه روسهم 😔
فاطمه /اوووف احنه هم بعدنه ماصاحين من صدمه اخويه من قتلو هم غدرو بي جان شاب ذهب يعيلنه وسندنه بالدنيا والعصابات انتقمت منه لان كشفهم الله ينتقم منهم دنيا والاخره
الدكتور /الله يرحمه ويصبركم
فاطمه /اشكرك دكتور دااحجي ويه امي وجابو ناس جرحى وركضت اساعدهم اني هم اتعلمت شغلات الضماد والتداوي يم عمو راجي بالصيدليه الدكتور اتعجب كالي انتي ممرضه كلته تقريبا دااشتغل يم المضمد واتعملت الاسعافات الاوليه وقياس ضغط وتداوي والتهينه واباوع على امي تلوب ياربي شلون حسوني هسه وين صار
الدكتور /ولو مااريد اخوفكم اذا ملكيتو هنا احتمال مجروح بالمستشفى لاسامح الله
ام سراج /يمه حسوني اسم الله سودا عليه وليدي ولج فطومه كومي اندور بالمستشفى على اخوج
الدكتور /خاله اصبري شويه الوضع مو زين والمكان خطر بلكي هسه اتشوفين جماعه شايفينه ويجبونه الج
محمد /التهيت بالمكتب والى العصر واذكرت فاطمه واعدتها اروح الها بس شسوي الوضع سمعت مدهور مضاهرات واني التهيت بالمكتب والحرگ ومااكدرت اروح الها بعد ماخلص اليوم وصار المغرب كلت خلي امر عليهم فكري باقي يمهم لان المنطقه الي همه بيها قريبه على المضاهرات وحلمي بسراج خوفني بعد اكثر عليهم
وصلت المنطقه مخبوصه وكوه كدرت ادخل دكيت الباب محد فتح ياربي وينهم كلت خلي اروح للصيدليه بلكي اشوف فاطمه هناك ورحت دخلت شفت الرجال الشايب
السلام عليكم حجي ماتعرف بيت ام سراج وين
والله ياابني الله يساعدهم ابنهم حسوني رايح للمضاهره واجتي ام سراج ميته خوف عليه اخذت فاطمه وراحت من الصبح وبعد ماادري عنهم اني هم فكري بقى عليهم
گلبي جفل ياربي تحفظهم ماشي حجي مع السلامه وطلعت طاير عليهم بسياره عقلي وگلبي وجسمي كله يرجف خطيه الولد بس لاهم ايروح غير امهم تموت ورا خطيه ياربي سترك وصلت كلها تركض واسعافات وجرحى وناس تصيح هسه ذوله وين الكاهم شفت ولد عنده تكتك سالني وين اتريد كتله داادور على جماعه كلي اصعد ويايه اخذك افرك على اسعافات بلكي تلكاهم ركنت السياره بالفرع ورحت وياه وكام يسولفلي على الغدر والضرب والاعتقالات الي صار بيهم اليوم عيوني دمعت على الحجي الي ديحجي ياربي طفيها هاي النار واحفظ الشباب وصلني للفرق الطبيه وكمت اسال عليهم واحد من الاطباء كالي اني شفت مره وبنتها جانو يدورن على ابنهم وراحو للمستشفى دزيناهم ايدرون اتشكرت منه وطلعت كمت اركض والافكار السودا براسي شفت واحد وكع كدامي باوعت عليه اتصوب رحت ركض عليه خطيه وشلته ودامشي ويايه وصلته لااسعافات
فاطمه /امي بعد ماصبرت واخذتها ورحت للمستشفى خطواتنه تتخبط وحده باللخه دخلنه للمستشفى ودنسمع العياط والصريخ مال العالم اصحاب الشهداء بعد حيل مابقى بيه اكمل من الخوف 😰😓
أنت تقرأ
انتِ دافئه ك شمس الشتاء
Romanceشباب لهم قصص مختلفه يتعلمون من قسوه الحياة وينتهي بيهم المطاف الى ثوره تشرين ثوره الابطال قصه من الخيال &&
