انتِ دافئه ك شمس الشتاء

بارت ٢٤ والاخير

فاطمه /يووم شكو وشيريدون🥺
ام سراج /حسوني معتقل 😱
محمد /مريت للشغل ضبطت الامور هناك من ترميمات واجاني اتصال من ام سراج اتكول حسوني معتقل سديته منها وسويت اتصالاتي ومعارف وكدرنه انطلعه والحمدلله ....
تسريع لااحداث ...
بعد شهرين ومازالت الانتفاضه مستمره والشباب الحلوه الي مثل الورد دتروح والعالم بحزن وقهر وثأر بين هاي الايام كدرت اوصل عمتي الي الوالد وصاني عليها واساعدها وجبتها اتشوف ابويه وصارت بينه علاقات اسريه لمينه الشمل بفضل رب العالمين
بس فاطمه ماتوقفت على مساعده المتضاهرين هيه والوالده حسيت بيهم شجاعه وقوه اتكفي العالم والمحنه وطيبه ماشفتها واكيد اني هم ما عفتهم اساعدهم باالي اكدر عليه بااحد الايام رحت عليهم للساحه وكعدت يم ام سراج
خاله شلونج اخبارج
ام سراج /هله باابني بخير الحمدلله انت شلونك اهلك شلونهم
حمودي /بخير ياغاليه اسال عليج ولو الوكت مو مناسب بس جايج بشغله واتمنى ماترديني
ام سراج /يووو والله لو تطلب عيوني مايغلن عليك
محمد /الله يسلم عيونج ياطيبه اريد اطلب ايد فاطمه منج على سنه الله ورسوله
ام سراج /محمد انت رجال وشهم ومن يوم الراح سراج الله يرحمه ماعفتنه اكيد مراح الگى احسن منك البنتي اامن عليها يمك واني مدايمه الها
محمد /الله يطول بعمرج وتفرحين بيهم يارب  بوستها من راسها واتشكرت منها وعفتها ورحت على فاطمه تساعد الدكاتره بتضميد فاطمه تعالي لحكيني صوبوني اجتي تركض عليه او وجهها صار اصفر من الخوف
فاطمه /يمه اسم عليك وين
محمد/هنا بگلبي بس ديري بالج  اخخ مااكدر بعد اتحمل طلعي من جيبي التلفون خلي اخابر اهلي وابلغهم 
فاطمه / حيل مبقى بيه ايدي ترجف ودورت بجيبه ماكو بس علبه  ماكو التلفون بس لكيت هاي 
محمد / اي افتحيها
فاطمه /فتحتها بيها حلقه  😳شنو هاي
محمد /تقبلين تصيرين مرتي ياحلوه
فاطمه /شنووو واصابتك يمعود
محمد /فديت الي يخاف عليه
فاطمه /لااا والله دم مابقى بيه ليش هيجي اتسوي بيه
محمد/اوووف واخيرا خطبتج من امج بعد ماعندج حجه
اذا ماتوافقين اروح اوكف كدام الساتر
فاطمه /لاااا يمعود الله يحفظك من كل شر ياغالي
محمد /يبوووو فديتج والله مااحس الا التمو علينه الاطباء والموجودين ولبستها الحلقه وكلهم كامو ايصفگون ويهوسوون حسيت الفرحه دخلت بگلبي يااارب اتمملنه على خير ...
رجعت للبيت يوووم اني فرحان
ام محمد /فرحنه وياك وليدي
محمد /يووم خطبت
ام محمد /شنوووو😳شوكت وشلون واني اخر من يعلم 😑😑😑
محمد /ترى ابطل هاااا
ام محمد /لااا وليدي ماصدكت بس قصدي غير نعرفها و انروح ونطلبها رسمي ونرفع راسك كدام اهلها
محمد /اي يووم اكيد بس رحت اخذت موافقه امها وموافقتها اخت سراج المرحوم صديقي
ام محمد /اي والله وليدي ونعم الناس مسامعه منهم الا كل خير والمرحوم جان دره الله يرحمه
محمد /اي يووم يله حددو موعد علمود انروح عليهم
ام محمد /ان شاء الله وليدي يوم المنى الي افرح بيك واشوف جهالك
عدى اسبوع وحددنه موعد ورحت اخبرها بي واخذت ويايه باقه ورد ورحت الها
فاطمه /بعد مالبسني الحلقه الدنيا ضحكت اليه وفرحتني واتمنيت لو المرحوم موجود جان اكيد فرحلي ماعفت الساحه ويوميه انشوف حالات كلوبنه تدمه الها مخبوصه بالضمادات اجتي امي
ام سراج /هاا بنتي شلونج يوم راح ارجع للبيت احس نفسي تعبانه وكلبي مقبوض ماادري شبيه
فاطمه /ليش يوم ياساتر روحي ارتاحي اجي وياج
ام سراج /لا بنتي راح اخذ حسوني واروح للبيت خلصي وارجعي ديري بالج على نفسج
فاطمه /بوستني وراحت گلبي خوفني عليها ياربي استر وعديها على خير بين الخوف والقلق اندرايت حمودي ورايه يمه 😳😑جفلتني هاي شوكت اجيت وشنو هاي الورد الي خجلتني 🥰
محمد/هسه اجيت اشوف حبيبه گلبي وجبت الورد للورد يله عيني ماترجعين للبيت روحي حضري وامشي اخذج للسوك بعد باجر اجيب اهلي واجي عليكم مشايه
فاطمه /اهاا ماادري بس شفت امي وضعها مو تمام وبالي بقى يمها
محمد /امشي اخذج عليها نطمأن عليها ومناك اخذج للسوك
فاطمه /ماشي يله اخذني ورحنه للبيت شفت امي نايمه قست ضغطها صاعد انطيتها علاجها واطمأنيت عليها ورحنه طبينه للسوك ماخلى شي بنفسي من اكسسورات على ملابس على جنط  اتونسنه نساني كل تعبي وحزني وفرحني رجعت للبيت فرحانه ودااشوف الامي  الملابس والاغراض واشتريت الها  ملابس ويايه حظنتني وعيونها دمعت
ام سراج /الحمدلله بنتي  فرحت القسمتج اخذتي الي يستحقج ويسعدج هسه اكدر اغمض واني مرتاحه
فاطمه /يوم لاتكولين هيج الله يطول بعمرج ويحفظج النه انتي جنتي سندنه بدنيا
/فرحانه ودااحضر حلويات وترتيبات ودااعزل ملابسي كل شويه اباوع عليهن من فرحتي اجاني تلفون من العياده
فاطمه الحگي علينه وتعالي ساعدينه الجرحى مدا انلحگ عليهم
عفت كلشي بيدي ورحت بوست راس امي واستأذنت منها  يوم راح اروح محتاجيني ديري بالح على نفسج
واتوجهت عليهم والتهيت وياهم صارت اطلاقات قويه والشباب وكعت بشوارع
محمد /فزيت من نومي حلمت مو خوش حلم اتعوذت الشيطان وكمت بالي يم فاطمه رحت عليها للبيت ام سراج كالت راحت على الساحه كلبي قبضني ورحت عليها شفت اسعافات اتجر وناس مخبوصه گلبي بده ايدگ بسرعه بين الازدحام سمعت كالو ممرضه انصابت بدخانيه حطوها بسياره الاسعاف وشفتها وكون عيني انعمت ولاشفت المنضر الي كدامي حبيبه گلبي وغاليتي انصابت وكمت اصيح واتهسترت ورحت ركضت عليها ولزمت ايدها وابوس بيها فطومه كومي لاتحركين گلبي عليج كومي باجر موعد خطوبتنه كومه لاتتركيني انتي غيرتي حياتي وخليتني اصير انسان مسوول كومي وقاومي مثل ماقاومتي مرضج قبل واتغلبتي عليه وصلنه للمستشفى واخذوها من ايدي فلتو ايدي من ايدها وكعت بالكاع ودموعي احس تجرح  عيوني من تنزل  وكلبي مطعون بسجاجين والم .....
ليست كل النهايات سعيده هكذا هي الحياه نحارب من اجلها ونتعلم منها الكثير ونتعلق بااناس يتركوننا ويرحلون  لكن تبقى الحياه مستمره تركت لكم الاحداث متوقفه  كل منكم يسرد النهايه بشكل يحلو له اما ان تعيش وتكمل حياتها معه او ان تذهب وتترك اثاراً مدمره في حياته
اتمنى راقت لكم الروايه وسرد احداثها واتمنى ان لاننسى كل الذين ضحو باارواحهم من اجل ان نعيش ونحيا بسلام سلام الله على ارواحهم الطاهره النقيه ورحمهم الله وادخلهم في جناته  هذه تحيه مني لكم كاتبكم حبر انثى & دمتم بخير وجعل الله حياتكم سعيده 🌹
لاتنسون اتابعوني واتصوتولي ❤️