طلعت من يمهم واني افكاري مشتته بين فاطمه وسراج شنو السالفه شبيه اني ليش هلگد شغلت تفكيري وصلت للمركز واخذتله الاكل ودز عليه علمود اشوفه اجى سراج وجهه ذبلان وحالته حاله 😓...
هلو حمودي هاا شنو ليش كلفت نفسك
لا هاي من الوالده دزتلك غده
اهاا جنت يمهم
اي رحت ابلغهم علمود لايبقى فكرهم عليك
حمودي والله انت الصديق الوفي بس اني مااعرف شراح اسوي اختي راح اتموت 😓واني محبوس هنا ماكو بيدي شي اسوي وهذوله الضلام مايرحموني
لاتأيس من رحمه ربك اما عن اهلك لاتخلي فكرك خبرت الوالده اخذهم للدكتور
شنوو 😳
اي بعد مااقبل اتناقش وكافي اتكابر هاي روح راح تخسرونها وشفت بعنادك اشسويت ذبيت روحك بنار لاتصير اناني احنه اخوه مابينه فرق سراج اختك راح اتموت اذا مانتصرف وننقذها ...
حمودي اني عاجز مااكدر اسوي اي شي واني محبوس هناا مااضم عليك كرايبنه محد سال علينه ورا مامات المرحوم ابويه تركو امي وحدها اتربي ايتام تخبز وتصرف علينه وساده بابها دائما واتخاف علينه من اي شي بس شاء القدر واختي اتمرضت وكسرت ضهرنه
مااعرف شگولك بس اهلي امانه يمك لحد مااطلع بخير 😔
اكيد سراج لاتهتم وان شاء الله ماقصر ولايضل فكرك اهلك همه اهلي سلمت عليه وطلعت ....
فاطمه /مر اسبوع وحمودي يتردد علينه وياخذني لااطباء خطيه ومخبوص بينه اشوف نضراته بالمرايه السياره احس گلبي يدگ سريع من اشوفه وكمت اعد الساعات والدقائق علمود اشوفه لان احس بسعاده مو طبيعيه بشوفته حتى مرضي نسيته بيوم ديسوون اليه تحليل علمود كلى تتطابق ويه كلى مالتي امي شافت مره تعرفها او وكفت اتسلم واني داانتضر واجى حمودي سالني امي وين كتله واكفه هناك ويه مره جانت جارتنه كال اهاا باوع بعيوني واني بقيت اباوع اول مره هيج عيونه تتلاقى گال احبج اني انصدمت 😳ماادري افرح ماادري انصدم گلبي كمت مااحس بي من سرعه الدگات سكتت ونزلت راسي كتله وضعي مو مال حب اني مريضه😔 كال
والمريض ان شاء الله يتعافى واني اعتذر لان اعترفت بحبي. بس مو بيدي اخوج خلاكم امانه يمي واني لازم اصون الامانه بس اذا الله انطانه عمر مااتصيرين الغيري ان شاء الله
🤭لالاااا ودوني للااسعاف صخنت اني🤒 شنوو هااي اليوم الكلمات مدااستحملهن
فاطمه هااا اتحبيني 😳
محمد /مااعرف شبيه من شفت عيونها حجيت بدون ارادتي واعترفت بحبي الها وحسيت من نضراتها اتبادلني بشعور مرات العيون تنطق كلام اكثر من الكلام نفسه ولغه العشاق بالعيون لان العيون تفضح 😍حبيت اسالها واسمع بجوابها لكن امها اجتي وقاطعتنه
هااا حمودي ابني الكلى تتطابق اي ان شاء الله والمبلغ اشكد الى طلبوو ...
خاله هاي الامور بعد ماعليج بيها كتلج اني اتكفل بيها
مايصيرياابني هذني الفلوس راح اعتبرهن دين واسدد الك بعدين ...
خاله لاتزعليني منج شنو هيه الفلوس يعني اني ماتعتبريني مثل سراج دتحسسيني بفرق واني غريب
لاابني لو مااعتبرك مثل سراج جان ماقبلت مساعدتك النه ابني انت نعم منك ومن اصلك
اشكرج خاله لعد بعد لاتسالين وسدي الموضوع ورجعتهم للبيت بس شنو احس نفسي عايش بغير دنيا مااعرف فرحان واحس بطعم الحب من صدوك واللهفه الي عايش بيها بحياتي ماعشتها ...
فاطمه /وصلنه للبيت واني بعالم وردي امي حضنتني واتبوس بيه اي بنيتي الحمدلله راح نزرعلج الكلى والله يوفقنه وتنجح العمليه اووف يمه شوكت واخلص من المرض مابقى شي يابنتي اجى الفرج بس لو طالع اخوج جان ارتاحيت يووم صدوك اشسوى سراج والله ياابنتي ماادري بعد الموضوع ديحققون وياه بعد اسبوع المحاكمه مالته الله يفرجها عليه يااارب ...
محمد /رجعت للبيت وامي كاعده
هاا ابني ها الايام ماالك صوت ومختفي شدسوي
هاا والله يايوم عندي مشاغل
اهاا وشنو مشاغلك بالله
بعدين اكولج ابويه وين ؟
ابوك بالمكتب اريد احجي ويا بموضوع
ادخل عليه شكو كولي خوما مسويه مصيبه انوب 😑
بدينه ياامي بس افكاركم بالمصايب يعني مااتكولين ابني يسوي شغله براسها خير بس االافكار الموزينه مطبوعه بفكركم عليه ماعلينه راح ادخل عليه دروح ...
دكيت الباب ودخلت باوع عليه مستغرب اكعد حمودي هاا خير
اولا شلونك 😑
اهلا 🤔
ثانيا اشدعوى ترى الناس اتسلم مو بدون نفس اتسلم
اهاا كول مو انت ماتسمع كلامي فااضن اكيد هذا ردي الك
اشكرك ابويه على الوقت الثمين الي دضيعه ويايه 😑
هسه شتريد انت بدون مقدمات ماالها معنى ...
اريد اشتغل وياك
هاااا 😳اشعجب لاا ابني مصخن بيك شي
اهااا شوف ماتشجعون الواحد على شي دائما تصنفون عليه ومن اطلع واسوي مكسرات تلومني
خير اشطاري عليك وتريد تشتغل
اريد اكون نفسي وابني عائله اذا ماتساعدني اروح ابيع سيارتي
والله اذا هسه محتاج فلوس فااني ماعندي انطيك واذا تريد اتبيع سيارتك بعد هذا شي ايخصك واذا تريد تشتغل ويايه تجي واشوف شغلك واقررلك على راتب
اهااا هيجي 😳
اي لعد شعبالك لاگي فلوسي بشارع
ماشي اشكرك هوايه اني وعلى طيبتك الزايده وياي وطلعت من يمه امي لزمتني
حمودي شكو شبيك
مابيه شي راح اصعد انام تعبان
لحد ايگعدني ...
سلام شبيك ويه حمودي ؟
ايريد فلوس
اي 😡ماتنطي
لااا كافي خلي يتعلم ويعتمد على نفسه علمود يعرف قيمه الفلس احسه متغير شويه خلي يحس بالمسووليه ويصير رجال كد كلمته بذاك الوكت مستعد ادعمه واساعده شيريد هسه ايريد ابيع السياره 😳ليش
محتاج فلوس وكتله روح بيعها
وشلون تقبل ماعرفت شيسوي بالفلوس
ماادري ولااريد اعرف خلي هو يتصرف ويتعلم كافي دلال تعبت منه ومن تصرفاته 😡
سلام هذا ابنه الوحيد مايصير انعوفه 😣
هو هذا دلالج الي خرب الولد😒
اوووف دائما اني الصوج ...
فاطمه /صار الليل واني سهرانه ويه افكاري وكل شويه اعيد كلماته بدماغي مثل المسجل وماامل منه سمعت طبه بالحوش جفلت 😱ياربي سترك شنو هاي بس لاحراميه 😱😨
أنت تقرأ
انتِ دافئه ك شمس الشتاء
Romanceشباب لهم قصص مختلفه يتعلمون من قسوه الحياة وينتهي بيهم المطاف الى ثوره تشرين ثوره الابطال قصه من الخيال &&
