انتِ دافئه ك شمس الشتاء

بارت ١٩

هدوء اشبه بالغيبوبه خيم على مخيلتي التي كانت لاحدود لااراضيها وسمائها ...
فاطمه /صحيت الصبح واليوم اول يوم الي استلم الشغل يم المضمد يارب اتسهل الامور عليه واستفاد ونفسيتي تتحسن وانسى شويه من جروحي دنيا تعبتني بعد مااتركينه واتحضرت بوست راس امي وطلبت منها تدعيلي حسوني گال امشي اوصلج واروح للمدرسه ماشي يله انروح يااارب رحمتك وانطلقنه حسيت دااتنفس هوا نسماته بارده بس گلبي حار مدا يبرد كل ماالتفت اتذكرسراج ديمشي بهذا الشارع الي كضه حياته بي الي ماشاف منها خير بس التعب ولله الحمد الله اذا احب عبداً ابتلاه هاي العباره جانت مصبرتني على هوايه امور بحياتي وصلت ودعني حسوني ودخلت على العياده الي هيه مثل الصيدليه الصغيره على تضميد جروح سلمت صباح الخير عمو
راجي /صباح الانوار بنتي اليوم نورت العياده بوجودج وان شاء الله تستفادين وتتعلمين هوايه شغلات
فاطمه /ان شاء الله عمو بااذن الله عمو اريد اسالك شكو شو احس الوضع مو تمام ايكولون راح اتصير مضاهره
راجي /والله يابنتي اني هم سمعت الله الي يستر لان لو صارت صدوك محد ايروح بيها غير الفقير وينداس بالرجلين لان الدم رخيص يمنه وماالنه كل حقوق
فاطمه /اي والله عمي الفقير مااله حد ومحد ياخذ بحقه من الضلام مثل ماراح سراج بطلقه من ضلام وحراميه وفاسدين الله ينتقم منهم
محمد /مباشره رحت حجزت على اول طياره ورحت ودعت اصداقائي الي بالورشه بگد ماجنت فرحان راح ارجع بكد ماجنت خايف من الي راح يصير گلبي ناغزني هوايه مااعرف ليش
جوني /ها حمودي راح اتعوفني والله اتعلمت عليك وعلى سوالفك راح اشتاقلك هوايه
محمد /اني هم احسك انت الي جنت مصبرني على الشغل ربي يوفقك دوم وتلكى بنت الحلال الي تسعدك
جوني /امين وانت هم ربي يسعدك وتاخذ الي يتمناها گلبك
محمد /امين علواه ياصاحبي يله مع السلامه اشوفك بخير ياطيب
مع سلامه 👋
بعد ماسلمت على خالي اتوجهت للمطار وددانتضر في صاله الانتضار مااعرف شنو منتضرني روحتي جانت غصب ورجعتي خايف اخاف من الحياه تسلبني احبابي بعد وبعد نادو على رحلتنه وصعدت بطياره الوقت جان جدا ثگيل واحساسي بارد مضلم وخوف الى ان وصلت المطار واتوجهت للمستشفى الي بيها والدي دخلت لكيت امي ركضت عليها وبوستها من ايدها وحضنتها اوووف يمه اشگد مشتاقلج وميت على شوفتكم امي انتهت من البجي واشرتلي ادخل على الغرفه الي بيها ابويه ودخلت خطواتي بطيئه
دخلت شفت ابويه مدد بالسرير والاجهزه محوطته من كل الجهات
رحت عليه بوسته من راسي ودموعي تجري بللت وجهه التعبان وفتح عيونه وشهگ
حمودي اجيت وليدي سامحني ابني خليتك بعيد عني ولوعتك كل هاي الفتره واني عايش بعذاب الضمير الليل ماانامه واعاند بنفسي اكول خلي يتعلم المصلحته بس مو بيدي كلبي تعب من فراگگ ودمعه امك مانشفت عليك
اوووف يابه لاتكمل اروحلك فدوه والله شماا تسوي بيه استاهل لان جنت مااستاهلكم كل هاي التضحيات واني جنت اخذلكم اريدك انت الي تسامحني لان ماالي غيرك بدنيا سند يابه لاتروح منو يبقالي من بعدك ياابو گلب طيب جنت اسوي مصايب واني گلبي مطمأن اكول يجي ابويه ويطلعني يابه ماجنت حاس بقيمتكم الا من تركتكم وشفت الضيم والفرق اووف يابه من دونكم كلشي مااسوى انتو مو بس عائلتي انتو حياتي كلها
ابو محمد /ابني ماقبلت ادخل للعمليه الا اشوفك ووصيك
محمد/عمرك طويل يابه 😓
ابو محمد /تدري امك وخواتك ماالهن احد من بعدي غيرك اريد اتكون گد المسووليه ووتسمع الحجي الراح احجي الك زين اني ضلمت عمتك الي هيه من غير ام اني  جنت مخبركم هيه ماتت بس هيه عايشه وعدها اولاد واعرف عنوانهم امي خلتني احقد عليهم وخبرتني انو ماالهم شي يمنه لان ابويه جان مايملك شي يعني الورث مالها من حقي جان بااعتباري ابنها الوحيد اني مااعرف حلمت ابويه ايعاتبني والدنيا ماتسوى بعد ماوگعت اكتشفت هل شي ابني كلنه بشر واتغرنه الدنيا وننسى ناسنه اريدك اتعوض اتواصل الي جنت ناسي ومتغاضي عنه
محمد /صار يابه بس انت كوم بسلامه وكلشي مانريد احنه والي تريده يجرالك يابه ولاتقهر نفسك
ابو محمد /ابني الحياه مادامت الاحد اشكد ماتكدر سوي خير تلكاه كدامك ابني صدگ وربي يبعد عنك بلاوي هوايه ويساندك
محمد /الله يگدرنه على فعل الخير بسته من راسه وايده وطلعت خليته يرتاح مو زين عليه الكلام هوايه وحجيت ويه الدكاتره وخبروني بوضعه انو نسبه النجاح زينه والامل بيد الله ....
فاطمه /انتهى اليوم بعد ماعلمني على زرق الابر والادويه البسيطه الي جان يمتلكها وقياس الضغط رجعت للبيت واني بكد ماتعبانه فرحانه بشغلي وانطاني استفتحايه رزق وحلف عليه الا اخذهن كالي هذا حقج واني فرحانه مريت اتسوكت من محل شغلات بسيطه وخضروات ورجعت حسيت نفسي دااسوي شي جبير للبيت الي رباني وكبرني دخلت ها يمه الله يساعدج
ام سراج /هله بنتي هاااي شنو مسوكه النه الله يساعدج يمه خاف تعبتي اليوم
فاطمه /الله يسلمج يوم ماتدرين اشكد فرحانه اليوم بهاي العلاليگ
ام سراج /الله يفرح دوم بنيتي وييسر امرج ياكريم ويحفظج اليه
فاطمه /الله يسلمج يوم شمسويه اشتم ريحه طيبه ريحه دولمه
ام سراج /اي علمودج سويتها ادري بيج اتحبيها يله غيري ملابسج وتعالي ناكل
اي والله يوم ميته جوع اني اكلت بسكت شويه هناك خطيه جايب غده خفيف عمو راجي مارضيت اكل كتله مو جوعانه الله يساعدهم مرته عجوز وكوه مدبره شغل البيت والطبخ
ام سراج /اي خطيه الله يساعدهم صعبه يابنتي ...
محمد /قررو العمليه وحددو الساعه وداننتضر بالصاله الانتضار
ام محمد/وليدي جوعان تعبان روح ارتاحلك ساعه على الاقل بين مايدخل للعمليه
محمد /لايوم مااروح ابقى هنا يمج مشتاقلكم هوايه تعبت من الغربه الله يساعد الي گضى حياته بالغربه حتى خالي اكوله ليش ماتتزوج ايكول مااريد اخلف اولادي بالغربه والرجعه صعبه مااكدر ارجع حياتنه هنا الي عنده فلوس عايش والي ماعنده ينداس ياربي تفرجها علينه وعلى بلدنه المضلوم ...