انتِ دافئه ك شمس الشتاء

بارت ٢١

كلمات الحب كلها لاتكفي احيانا للتعبير عن شعور الذات الذي يمتلكك للحضات وتنسى مافي داخلك وتعيش في عالم الاحاسيس التي تنبض بداخلك ❤️
فاطمه /انصدمت هذا حمودي لو دااتخيل لحضات واكفين بدون كلام حسيت عيونه مليانه حب وشوگ والكلام اتوقف ودموعي نزلت بدون ماادري
محمد/شلونج فاطمه مشتاقلج كومه ماجنت اصدگ راح اشوفج والتقي بيج
فاطمه /اوووف حمودي اني اكثر اخبارك وين  شو  اختفيت يوميه جنت انتضر اتصالك وباالاخير ايست كلت احتمال نساني لو ازوج بس اني ماانسيتك ابد صورتك محفوره بداخل عقلي وكياني اتمنيت لو بس اطمأن عليك واملي عيوني بشوفتك ياروحي انت مجرد احساسي بيك جان ينطيني امل بالحياه وكدرت اقاوم واعيش رغم كل الضروف الي جانت محوطتني والالم الي جنت اعيشه بفراگ سراج وبفراگگ
محمد /اني اعتذرلان تلفوني ضاع والارقام كلها راحت مني وانتي ماعندج مواقع تواصل علمود اتواصل وياج واعتذر بعد على  كل لحضه سببت الج بيها باالم بس ضروفي جانت اقوى مني وبعدتني  عنكم وعن اهلي وابويه هسه حالته صعبه ورجعني وخله امانه ثگيله برگبتي صدگيني  سفري جان قاسي عليه بس اتعلمت هوايه من هاي الدنيا الي جنت ماشايفها زين وهسه اتعلمت منها دروس بحياتي مراح انساهن اتعلمت ان فلوس مو كلشي بدنيا والاهم منها اكو ناس يحبونك ويكونون اطرافك وكت الشده ومايتركونك هذا بحد ذاته اكبر كنز بدنيا لازم نكتشفه
فاطمه /كلامك كله حكم
محمد /اي شلونج بشغلج مرتاحه بي
اي الحمدلله مرتاحه دااتعلم شغلات اتفيدني وهم اساعد الناس
اي زين راح اروح ارتب وضعي بالشغل وامرلج باجر ان شاء الله اشوفج
فاطمه /ماشي مع السلامه ✋مرات الحياه اتحسها اتحن عليك لانها تعبتك وياها مجرد بصيص امل ايرجع الحياه حلوه بعيونك الي جانت ماتشوف غير الحزن والانكسار كملت شغلي ورجعت للبيت حاسه صدوگ انو اني بعالم وردي الي يگولون عليه مرتاحه نفسيا هيه هاي الراحه المطلوبه لحياتنا دخلت للبيت واشتميت ريحه الدولمه من الباب اويلي اليوم حضي حلوو يراد اقرا المعوذات على نفسي هااايوم حياتي الريحه مالت الدولمه من الباب اتصيحلي
ام سراج /الله يساعدج بنتي اي سويت دولمه لان ادري بيج اتحبينها
شكو ماكو بنتي الاخبار برا شلونها ايكولون مضاهرات راح اتصير
فاطمه /مااعرف يوم علواه ايصير تغير وتتنفس العالم اختنگنه من الفساد والطائفيه والتطرف الي صار  والي ديصير  بحقنه
ام سراج /الله كريم بنتي هو محد مضرر غير الكاسب الفقيرالي رزقه يومي منين ايلحگ على هاي الدنيا الصعبه ناس اتهجرت وناس انكتلت تعبنه والله يعوض صبرنه بخير ان شاء الله ويحفظ ولدك ياعراق الخير اليوم صديق سراج حمودي اجى الله يرضى عليه اجى وسال علينه
فاطمه /هااا 🙄شوكت
ام سراج /اليوم قبل الضهر ابد ماننسى افضاله هذا الولد معدنه اصيل وماتهون عليه العشره
فاطمه /اي والله يووم الناس معادن والوفي الزمن مايغيره ابد ولايغير مبادئه
محمد /بعد ماطلعت من يم فاطمه احس الدنيا ماسايعتني من الفرحه اتوجهت للشغل من طبيت حسيت وجوهم اصفرت وسلامهم بارد
كعدت على المكتب مال الوالد وطلبت منهم اوراق البيع والشراء والشحنات الي مستلمينهن 😡شامل اريد الاوراق كلهن فهمت اجهزهن هسه الي
شامل /شنو السالفه حمودي الوالد شلون صار
محمد /السالفه اغاتي راح استلم الشغل بدال الوالد الله يحفظه وبعد هذا المكان مسووليتي وديرو بالكم تلعبون ويايه لان سوالفكم لاعبالكم ماادري بيهن صح اني بعيد بس اخباركم توصلني جانت وقهر ابويه اكثره جان من طعنكم بضهره
شامل /على كيفك ويانه ياطعن ياسوالف انت نسيت اني منو اني ذراع ابوك اليمين
محمد/لاابد مانسيت والصفقات الي صارت بغياب ابويه ليش عبالك ماادري بيهن كلهن راح احاسبكم عليهن بس اصبرولي
شامل /يمعود على بختك هذا منو جان ينقلك السوالف هذا اكيد واحد ايريد ايخرب ابينه استاذ الله يخليك لاتتعصب
محمد /هاا صرت استاذ هسه يله بلا كلام زايد حضرلي الاوراق
شامل /صاار 😤اهووو هذا اشجابه هسه مو جان مولي وخلصانين منه بس لازم نزيحه من طريقنه هذا تعبي كله مااخلي ايروح هدر علمود واحد صايع اليوم جاي يحاسبني اني الك حمودي افندي 😏
محمد /طبعا من رجعت اجى الحارس للمستشفى يسال على ابويه ولزمني على صفحه وخبرني انو شركاء ابويه والي ديشتغلون عنده ديسوون صفقات من غير علمنه بالضلمه شغلهم ديشغلون فلوس ابويه الصالحهم واكيد صفقاتهم مشبوهه جانت لازم انتبه منهم والله مرات اكو ناس حتى لو رزقهم قليل بس خبز ايغزر بيهم اكثر من الناس الي جان خيرك مغركهم وماغزر بيهم بعد مااطلعت على اوراق شفت اكو تلاعب وجمعتهم كلهم وحاسبتهم وكامو يتوسلون انو ماااذيهم
شوفو يانكارين  الملح كل فلس اخذتو بغير علم يرجع لا وحق رب العباد اتشوفون مني شي بعمركم ماشفتو انطيكم مهله اسبوع كل الي اخذتو يرجع بعدين ايصير شي ماتتمنونه العدوكم ماشي عفتهم وطلعت بعد مااخذت المستندات وقفلت المكتب وصرفتهم رجعت للبيت ماحبيت اضايق ابويه باالي صار اني بعد صرت مسووول ولازم احافظ على رزقنه يابه شلونك
ابو حمودي /بخير ابني ها رحت للمعرض واشسويت
اي يابه رحت وراح اباشر العمل لاتاكل هم انت بس ارتاح ولاتخاف وراك زلمه😎😎
زلمه 😏😏اخاف شغلي كله يروح وليدي
عفا عليك ابو حمودي ليش اتخرب معنوياتي مو كافي راحت ايام اللعب وهسه اجى وكت الجد واذا مارفعت وراسك انه مو انه 😎
بس ماانطيتني عنوان عمتي مو كتلي ادور عليها
ابومحمد  /دك على صديقي عادل وهو يفمهك بالعنوان مالهم
بس ماكتلي يابه اشذكرك بيهم
ابو محمد /الي ذكرني بيهم عادل كال خابرت تسال عنك وضعها صعب واني التهيت بالشغل ونسيتها
محمد /يابه صدوك تحجي شلون تنسى 😳
ابو محمد /الدنيا ومشاغلها اتنسينه اقرب الناس النه اني اعترف اني غلطان واطلب من ربي يسامحني 😔
فاطمه /بقيت الليل كله افكر بي ومانمت الى الفجر انتضر الصبح اشوكت يطلع علمود اروح التقي بي بعد مااتريگت  وطلعت داامشي الوضع مو طبيعي فجاه صارت هوسه والناس كالو صارت مضاهره 😳😱الله يستر وصلت للصيدليه هاا عمو راجي  صباح الخير شكو
راجي /المضاهره بدت من الصبح والله يستر
ورا ساعتين اجتي امي تركض 🤭😱يووم شكو خير
ام سراج /ولج يمه فطومه هذا اخوج حسوني مرايح للمدرسه رايح للمضاهره وهسه انطو باالاخبار اكو ضحايا يااربي الحكني 😱😱😱😱بس لايروح الولد من ايدنه