انتِ دافئه ك شمس الشتاء

بارت ٢٠

محمد /بعد مادخل والدي صاله العمليات گلوبنه كلنه ويا وننتضر وندعي يارب اتكومه النه بسلامه اخاف اخسره وداافكر باامانه الي حطها بركبتي يارب ساعدني انداريت على امي لكيتها منهاره ماادري اصبر بروحي لو اصبر بيها ...
فاطمه /بعد يوم طويل اجيت للفراش وافكاري اتودي واتجيب لكن دائما من تفكري يتعب افكر بحمودي احس نفسي دااخذ مهدئ الاعصابي من افكر بي مجرد الاحساس بي يشعرني بسعاده اووف هم يجي وكت واشوفه وافرح گلبي بنضراته روحي طايره بس ماكو اي وصل بينه انقطعت كل اخباره مااعرف اشصار بي ازوج لو مامزوج رجع لو بعده هناك يوميه هاي التفكيرات الي ابد ماامل منها وبين افكاري نمت وصحيت الصبح على صوت جرس الساعه كعدت عزلت فراشي وكمت اغسل وجهي لكيت امي كاعده بالمطبخ يم الصوبه وحاطه القوري وتنتضرني يووم صباح الخير
ام سراج /صباح النور بنيتي يله تعالي اتريكي
فاطمه /اي يوم هسه اجي يوم قررت بيني وبين نفسي اشتري قاصه وشيزود من شغلي احطه بيها شدكولين
ام سراج /شكو بيها احسن فكره هم تحتاجين ملابس او شغلات
فاطمه /اي يوم مو بس ملابس اي شي نحتاج ناخذ منها يوم اريد اكلج شي بس دائما جنت اخاف عليج لا ضغطج يصعد
ام سراج /كولي بنتي خوفتيني
فاطمه /يًوم راح اكولج بس اريدج تتصرفين بحكمه حسوني شفته ديلتقي ويه ابن هذا الكلب اسطه فلاح صاير صديقه ومره شفته حلمان ديحجي ويكول الا اكتلكم وانتقم منكم مثل ماحرمتوني من اخويه سراج يوم هذا بعده طفل ودمه حار اخاف ايسوله مصيبه واحنه مو ناقصين مااريدج تضغطين عليه وتعاقبينه اريدج بكلامج الطيب تبعدينه عنهم
ام سراج /اي والله بنتي هذا بعده عقل طفل ولازم ننتبه عليه خوفتيني عليه شسويله احسبه بلبيت ودراسته ياربي ساعدني
فاطمه /يوم لاتوهسين اني ليش ماحبيت اكولج لان ادري بيج بس شسوي اخاف على حسوني لازم عيونه عليه اثنينه
ام سراج/اشعندي غيركم يابنتي والعزيز ثالثكم راح مثل الطير من ايديه صوجي حذروني جان خليته بسجن ولا كتلو وراح من ايدي الله ينتقم منهم
فاطمه /اووف امي ضامه جروحه علمود لاتقهرني بس ماتكدر الحزن مو باالايد الحزن اتحس بيه والكلمات من تطلع الحزن ينرسم بالوجه كبل الگلب بوستها من راسها يوم استغفري ربج واحمدي ربج ابنج مات مضلوم ولاضالم لان كلنه هذا دربنه بس الانسان الي المفروض ينقهرون عليه الي مات وماساعد احد وجان حياته اذيه الغيره
ام سراج /دائما نحمد رب العالمين على كل عطايا ...

محمد/بعد ساعات بالعمليه طلع الدكتور وكال العمليه نجحت بس الباقي يم رب العالمين بعده بمرحله الخطر وانو ندعيله اتوسلت باامي اتروح واني ابقى يمه مقلبت اتروح وطلبت مني اني اروح ارتاح لان ماارتاحيت ابد ويومين مانايم شسوي بعد استسلمت ورحت للبيت سبحت ونمت بفراشي يووو اشكد مشتاق الغرفتي حضنت مخدتي ونمت وحلمت بسراج ديعاتبني لان تركت اهله
فزيت من النوم دنيا مغرب كعدت اتنهدت وباوعت دموعي جانت تجري بالحلم مسحت دموعي وخابرت امي كالت بعده بغرفه الانعاش وضعه مستقر كلت الها راح اجي ارجعج واني ابقى يمه
وصلت للمستشفى طبيت لكيت امي كاعده بوستها من راسها ودزيتها ويه ابن خالتي للبيت شفت ابويه الاجهزه محاوطته من كل الجهات گلبي انكسر عليه اتخيلت لاسامح الله ممكن افقده وحياتي تتدمر لان احس بسببي تعب گلبه وبسبب تصرافاتي الطائشه راح اخسره بس بقيت افكر شلون اكدر اوصل العمتي لان حسب مااجنت اسمع واني صغير هيه بغير محافظه والتواصل وياها مگطوع من زمان مااعرف بعدها عايشه ميته ليش الانسان ينسى اعز ناسه الي همه بحاجه اله مايتذكرهم الا من يكتشف مابقاله غير الموت اوووف لهناك واتذكر سراج وفاطمه مااعرف شخبارهم ....
عدى اسبوعين واني ويه ابويه بالمستشفى واليوم راح سجلو على خروجه منها بس لازم نهتم بصحته بعد ماوصلنا ابويه طلب مني اباشر شغلي بمعارض بداله لان صارله فتره هامل الشغل ولازم اهتم بي بعد ماارتاحيت واطمأنيت على وضع ابويه طلعت وبطريق گلبي طاير على فطومه لازم اشوفها لان حلم سراج تكرر ورحت للمنطقه دخلتها گلبي انقبض اتذكرت سراج وذكرياتنه من جنت اجي اخذه 😔اووف وصلت بابهم ويه كل دكه اسمع صوت گلبي مو الباب فتح الباب حسوني گبل حضنته ودموعي انحبست بعيوني
شلونك اشلون الاهل
حسوني /هلو حمودي شلونك اخبارك مشتاقين وين هل الغيبه
محمد /ضروف بعد الوالده شلونها
لحضه هسه اكوللها
ام سراج /هله ابني شلونك اخبارك وين هل الغيبه الحمدلله على سلامتك ابني
محمد /الله يسلمج خاله انتي اخبارج صحتج شلونها
ام سراج /الحمدلله ابني بخير فوت للبيت ميصير تبقى واكف بالباب
محمد /لاخاله على الجايات ان شاء الله لان اريد امر على الشغل ابويه صحته تعبانه وراح الزم الشغل بداله
سلامته ابني ماعنده الا العافيه
محمد /الله يسلمج خاله فاطمه شلون صارت صحتها
ام سراج /الحمدلله ابني زينه هذا كله بفضلك من بعد رب العالمين
وهسه دتشتغل يم المضمد الي بالمنطقه
محمد/لاتكولين هيج خاله انتو اهلي وتستاهلون كل الخير يله اترخص خاله مامحتاجين شي
ام سراج /سلامتك وليدي الله يحفظك انت نعمه الصديق دائما مر علينه اشم بيك ريحه الغالي سراج
محمد /دمعتها نزلت وكامت تمسحها بشيله مالتها سلمت عليها وطلعت بسياره وكلي لهفه سالت على المضمد بالمنطقه ودلوني عليه ركنت السياره ونزلت دخلت لكيتها منداره ودرتب بالاغراض كتلها ممكن علاج للمشتاق
فاطمه /دااعزل بالادويه عمي راجي كال اروح انضف حروق واحد من المرضى بالبيت واني بقيت بالصيدليه مااحس الا صوت من ورايه واحد ديتغزل وديتحارش بس هذا الصوت مو غريب عليه انداريت وانصدمت 😳😳😳