انتِ دافئه ك شمس الشتاء

بارت ١٨

هناك قصص لم تروى لان ضروف الحياه تكتمها وتضع لها قيود لكي لاتتنفس وتستنشق الحياة ....
محمد /بعد مادخلت للكراج طبيت استلمت شغلي صاحوو جوني شفت واحد طلع من جوا السياره حجوو وياه اوكراني وخالي سلم عليه وكال راح اروح انت  استلمت شغلك صير عاقل 😂
خالي يمعود وين اتعوفني 😓😑تعال ماافتهم لغتهم عافني وراح 😣
اهلا الاخ عراقي
اي نعم انت عربي الحمدلله 😌واخيراً حسيت  باامان من شفتك
لا عادي تتعود
انت من وين
اني جوني ابويه سوري وامي عراقيه
ياهلا بيك اخ جوني
جوني /اشكرك امبين عليك اول مره تشتغل
اي هاي اول مره اشتغل بيها ابين عليكم شغلكم متعب
جوني /لااا راح تتعود عليه الشغل مو مهم المهم  هذا الاسطه بس لايتعصب علينه ياستار اذا عصب
محمد /ليش يتحول اذا عصب 😒
جوني /اي بضبط 😂😂يتحول ينگلب طنطل 😂😂
محمد /هيه جانت عايزه والتمت الله يسامحك يابه وين ذبيتني واني وحيدك اتخليت عني مع العلم جنت هادئ وماعندي مشاكل 🙄🙄
جوني /من كلامك امبين ابوك بزعان من خرابيطك وذبك هنا موو
محمد /هاااا 😂تقريبا هيجي اتكول
جوني /يله يابه مد ايدك وبلش قبل لايجينه الاسطه ويتحول علينه واحنه مو ناقصين مخابيل
محمد /يله عيني انبلش ليش لا بس اريدك اتخف عليه شويه لان اخوك خطيه مامتعلم على شغل الثگيل
جوني /اي يابه بزر نستله اتسيح 😌😂.....
فاطمه /رجعت امي ثاني بس تعبانه حيل طبت نامت ....
تسريع لااحداث بعد ٦اشهر .....
طلعت برا الغرفه برا السجن شويه ارتاحيت وصحتي بدت تتحسن بس امي ذبلت حيل ويوميه واگفه بالعلاجات ودااشوف الحاله مالتنه وگعت حيل خطيه حسوني من يرجع من الدوام يطلع للسوك يشتغل ويجيبنه مسواگنه اليومي قررت اطلع وادور على شغل خطيه اهلي لازم اساعدهم وحمودي اووووف مااعرفت بعد عنه شي اختفى ....
يوووم اكولج راح اطلع اروح على عمو راجي المضمد بلكي اگوله ايشغلني يمه هم استفاد وهم افيدكم بالمصرف
ام سراج /وين يابنتي ماصدت طبتي من مرضج انوب اطلعين وتشتغلين
فاطمه /يوم خليني ابوس ايدج اشتم هوا اطلع اغير نفسيتي اشوف عالم وتدرين كلش زين اذا خلصت معهد معلمات ماكو تعينات يعني خلي الحگ على نفسي واساعد الناس واساعد نفسي واتعلم شي يفيدني على الاقل
ام سراج /يابنتي اني مو ضد مستقبلج بس اخاف عليج والدنيا مو ماامنه شفتي اشصار بااخوج ياابنتي احنه عايشين بوسط ذيابه ماترحم الناس البسطاء الي مثلنه
فاطمه /يوم اترجاج خلي اجرب واني مو بعيده قريبه منج هسه اول مره خلي اگوله واشوفه ايوافق لو لا
ام سراج /الله كريم بنتي اريد اكولج شي صار فتره واأجل الموضوع بنتي انتي كبرتي وادري بيج محرومه من كلشي نفسج بي ابن خالتج اتقدملج واني بلغت خالتج اتسد السالفه لحد مااتگومين  بسلامه
فاطمه /يوم لاتكملين وسدي الموضوع اني مااريد ازوج هسه
ام سراج /بنتي الموضوع الي ابالج انسي
فاطمه /يوم شنو قصدج
ام سراج /قصدي تعرفنيه كلش زين بنتي راح والتهى بحياته ونساج انتي هم شوفي حياتج
فاطمه /كلمات امي جانت اشبه بصدمه قويه ضربتني وفززتني من احلى حلم جنت انتضره سكتت وماجاوبتها بدلت وطلعت والطريق كله اني دموعي بعيني بس ماترضه تنزل ....
احيانا يود الانسان ان يبكي ويريح قلبهُ لكن قد  يكون احساسه متجمد وهذا اصعب مايصل اليه من الم ان لايشعر باالالم لان الاحاسيس  قد ماتت
وصلت للعياده مالت المضمد عمي راجي ودخلت ودعيت بگلبي ياربي ايوافق والتهي بشغل علمود التهي وانسه
السلام عليكم عمو شلونك
اهلا بنتي انتِ شلونج شلون صرتي ماشاء الله امبين متعافيه
فاطمه /الله يسلمك عمو الحمدلله بخير اي والله صحتي شويه احسن من قبل المهم گدرت اطلع من السجن الي جنت عايشه بي
عمو راجي /الحمدلله هاي كلها دروس ياابنتي ونتعلمها لان الحياه مو سهله وصدگيني ماكو انسان مرتاح بهاي الدنيا يابنتي
فاطمه /اي صح عمو جايتك بطلب واتمنى ماتردني
عمو راجي /اطلبي يابنتي واذا اگدر عليه ان شاء الله مااقصر
اريد اشتغل يمك عمو واتعلم واساعد عائلتي واساعد الناس
والله يابنتي شكو بيها علواه اني هم كبرت وتعبت وتدرين ولدي ماالهم واهس بشغلتي
يعني موافق عمو
اي اكيد بنتي بس تدرين الحال يعني الفلوس على گد الشغل راح اعلمج تضربين ابر اتقيسين ضغط اتضمدين جروح
اي والله عمو ياريت اتعلم اكون ممنونه منك هوايه .....

محمد/عدت الايام والشهور واني ملتهي بشغلي وهذا الاسطه لاعب بينه طوبه مااگدر احك راسي من الشغل والتلفون مالتي ضاع والارقام كلها راحت مني الي مصبرني على الشغل جان صديقي جوني جنت اشوف بي سراج الي راح مني وتركني الي ترك بصمه قويه بحياتي خلاني اعيش واشوف الحياه على طبيعتها خلاني احس بالناس الاطرافي واعيش وياهم معاناتهم صح شغلي متعب لكن اتعلمت منه هوايه شغلات منها اتعلمت اعتمد على نفسي واحس بطعم الراحه من ارجع السريري تعبان من الشغل حسيت دااسوي انجاز بحياتي ودائما صوره فاطمه بمخيلتي مشتاقلها هوايه وميت على شوفتها شوكت ارجع وازوجها وبيوم نايم اني   وتعبان اجاني اتصال شفته من امي ياساتر شكو هيه تعرف توقيتنه اشعب اتصلت
الووو
ام حمودي /الووو يمه حمودي 😭الحگ ابوك بالمستشفى موزين
شنوووو 🤭ليش شبي
ام حمودي / مااعرف گام يشكي من گلبه ونقلنا وهو هسه بالطورائ كالو لازم عمليه وعمليته خطره وهو طلبك گال اريد اشوفه قبل لاادخل صاله العمليات لازم ترجع بااسرع وقت ابوك ايريدك
محمد /صار امي راح احجز على اول طياره راجعه الله يشافي سديت التلفون منها واني مصدوم وقلقان على ابويه ياربي اتشافي هو سندي بدنيا جان متحملني وبكلشي اسوي يوگف ويايه هسه حسيت بحبه الي وخوفه عليه اخخخخ احيانا مانحس بقيمه الاشياء الا من نحس راح نفقدها بعد فوات الاوان ياارب سامحني وامنحني القوه 😣....