انتِ دافئه ك شمس الشتاء

بارت ١٦

احلامي كانت بسيطه ان اعيش بسلام وهدوء ان اتزوج من رجل احس معهُ باامان والحنان لكن لم  يكن في الحسبان ان تخيب الامال
واعاشر ناس بلاوجدان ....
ساندي /گمت انتبهت النفسي اني شراح اسوي اذا انهزمت ويجوز حالتي اسوء بعد اكثر واذا رجعت على ابويه راح يستقبلني لو يطردني على امي الي زوجها مايطيقني قررت اواجه  مصيري بس راح اوگف بوجه عمي ومااتزوج ابنه واذا يريد يطردني خلي يطردني بس مال انهي حياتي وادفنها ويه انسان مختل ومقعد مستحيل كمت سويت رويگ واخذته اله للغرفه ودخلت لكيته بعده نايم فتحت الستائر وگعد باوعلي وشافني شايله الريوك بيدي اله للسرير
گالي اشكرج
صباح الخير البارحه ماگدرت اتعرف عليك مااعرف اذا اتريد احجي وياك اولا
اعرفج انتي ساندي امي جانت تحجيلي عنكم قبل ماتتوفى
اهاا انت دتحجي عدل لعد البارحه ليش حسيتك مو طبيعي
جنت امثل گدام الخدامه لان كل وحده تجيلها يومين وتسرقنه وتنهزم
فكمت امثل كدامهم علمود اشوف نيتهن علينه
اهاا طلعت لوتي
يعني شنوو ؟
هيج انسى
بس ترى اني اوقات مااصرف بوعيي تجيني حالات اتهستر بيها
ياساتر گلت بگلبي كملت 😒اكولك ابوك ايبين علاقتك بي موهلكد
اي😔 اني ابويه اناني بس ايفكر بنفسه حتى امي ماتت من قهره
ولااهتم الها لاهي بس بحياته
ماكو انسان بدنيته مرتاح كلنه تعبانين وكل واحد همه يختلف من الاخر اني اهلي تعبوني وياهم واخر شي دفعوني عليكم علمود ازوجك
وانتِ تقبلين بيه
والله الصراحه مااعرف شگولك لان اهلي فهموني انو انت راح تسوي عمليه وتمشي
وهسه بعد ماعرفتي بالحقيقه تقبلين بيه
هااا 😓
اني مااحب افرض عليج نفسي لان انتي شابه من حقج اتعيشين
اوووف كلامك طيب بس ابوك خوفني
ماعليج باابويه هذا انسان متعصب وبخيل مايحب الخير للناس
اي نفس ابويه عبالك اني مو بنتهم تعبوني وياهم واني تعبت من صغري ماشفت منهم خير
الله يساعدج امسحي دموعج وگومي سويلنه غده اريد اشوف طبخج طيب لان بزعت من الاجانب مايعرفون يطبخون مثلنه
ان شاء الله تدلل هسه اروح اطبخ كمت رحت للمطبخ ارتاحيت االكلامه طلع طيب مو مثل عمي عبالك رئيس عصابه 🙄......
محمد/خالي خالي راح اطلع
وين تطلع شوو مامغسل ملابسك
خالي يمعود ماجيب خدامه واتفضها
اني مااحب اغير نضام بيتي لازم تتحملني فهمت
صااار من ارجع
وين اتروح طالع شويه اتمشى اشم هوا مخنوگ مشتاگ الحبايبي
اهااا دروح بس لاتتأخر
طلعت اتمشى واني الف حسبه براسي ضميري ايأنبني شلون عفت فاطمه وهيه بعز احتياجه الي كله صوج ابويه منين طلعلي بسالفه الزواج مامرتاح ابد سراج عافهم واني هم عفتهم ماادري احس گلبي نار عليهم صورتها بعقلي...
دتمر الايام ابطئ جدا وثقيله عليه 😔....اصبحتُ كالشجره التي تناثرت اوراقها ويبست اغصانها وبدت اشلاها بتحطم والربيع اصبح بعيداً عليها😔
فاطمه /صافنه وداافكر بالالام الي صابتنه سمعت خالتي گامت اصيح على حسوني ماصبرت طلعت من الغرفه واجتي خالتي تركض عليه ولج شلون طلعتي من الغرفه موزين عليج
اووف خاله عوفني بلكي اموت
ياستار بنتي طبي جوا ماكو شي امج ضغطها مرتفع واريد اخذها للمسشفى
ماشي خاله بس طمنيني راح اخلي التلفون يمي
ان شاء الله بنتي لاتطلعين بعد
ماشي خاله الله وياكم ...
محمد /دااتمشى وفكري وعقلي كله يم فاطمه ياترى هسه شنو حالها اكيد انكسرت اكثر من سمعت بيه سافرت مااعرف اجاني احساس قوي وكلت خلي اتصل واتصلت ودگ التلفون ياالله
گاعده بالغرفه وتوتر وقلق على امي باوعت التلفون دگ جفلت عبالي خالتي باوعت رقم دولي مااعرف گلبي رف حسيته محمد وجاوبت واني جسمي كله يرجف
الووو ...
الووو فاطمه شلونج مشتاقلج هوايه
فاطمه /اوووف حمودي وينك كلت نساني وماكدرت اسيطر دموعي تنزل وخنگت صوتي
حياتي والله اعذرني الي صار الي اقوى مني واضطريت اسافر بسرعه وبدون توديع تدرين مااهتميت الاحد من رحت بس انتي جنتي كاسره ضهري بس ابويه قرر وظغط عليه هوايه فااضطريت اسافر واجي يم خالي اتمنيتج لو ويايه جان ماحسيت بغربه
ياريت والله دااتمنى لو ميته اني ولا سراج على الاقل جنت مريضه اني وبنيه مو مثله هو جان عامود البيت وشايلنه
لاتحجين هيج هاي الاقدار مو بيدنه اخوج واحد من الالاف الي ماتو بضلم لان عداله ماكو عند البشر واحد من الالاف الماتو وهمه يردون ايعيشون بشرف وغيره ويجبون لگمه الحلال ويعيشون اهاليتهم ويسدون حاجتهم بدون منيه هذا بطل وراح  بغدر ...
كلامك طيب بس جروحي صعبه اطيب بسرعه لان حياتي اشبه بعالم اموات الي صوته مايوصل الخارج هاي الغرفه مليت وجنت احس انت شويه مصبرني وحسيت نفسي من فقدك كأنما فقدت حياتي الي جانت مطعونه بس عايشه كسرتوني بفاركم انت وسراج
اوعدج ارجع واعوضج كل الي شفتي انتي علمتيني اشياء هوايه جنت مفتقدها منها البرائه لان جنت انسان ثاني اناني ماافكر بس نزواتي ورعونيتي الي نستني اقرب الناس الي الي همه اهلي ومااتعلمت الدنيا الي بيها خير الا من شفتج واتمنيت التقي بيج بغير ضروف بس هيه قسمه وشفنه المكتوب
يعني ترجع حمودي وماتعوفني
مستحيل اعوفج الا اذا الله
اترجاك لاتكمل كافي موت
فاطمه انتي انسانه طيبه ومؤمنه خلي ثقه عندج بربج وماتعرفين باجر الله شكاتب النه وهذا كله امتحان لان المؤمن مبتلى كل واحد بينه عنده قصه وعبره بحياته ورب العالمين خلانه ناس اتساعد ناس علمود نتراحم بيناتنه وانحس باانسانيتنه الي الله خلقها النه ونساند بعضنه بالخير
اي والله ماكو اطيب من فعل الخير
هسه التلفون يمج
اي
يعني اگدر يوميه بعد اخابرج
بكيفك
اويلي فديتج تدرين بهذا اتصالي بيج حسيت بنفسي كمت اتنفس من جديد جنت مخنوگ
اني هم كلت نساني
معقوله اني انساج انتي انحفرتي بگلبي
جنت افكر واگول لاتبني قصوراً على الرمال لان تنهار بسهوله
لااا افكارج خاطئه
اريدج تنتبهين النفسج والصحتج لان مااعندي غيرج ياعمري
ان شاء الله انت هم انتبه النفسك مع السلامه
مع السلامه سديت التلفون وباوعت خمس مكالمات فائته من خالتي
ياستار 🤭