انتِ دافئه ك شمس الشتاء

بارت ١١

احياناً نود لو اننا كنا اشخاص يلبسون النقاء في لباسهم واخلاقهم نود لو رجعنا للخلف لنمحو الاثار السيئه الي خلفناها وانهت برائتنا الجميله تلك الحياه التي رسمناها في مخيلتنا ونحن صغار وعندما كبرنا صُدمنا بواقع مر 😞
بعد ماسمع ابويه المكالمه سده وعيونه بيها غضب لكن لزم نفسه لان كنا بشارع ....
حمودي امشي الحگني للمكتب
اجيت يابه بس اسمعني
اشششش ولاكلمه لاتشهرنه گدام العالم
دخلنه للمكتب وسد الباب وضرب ايده على الميز وصااااح ولك شلووون وتالي وياك كلت صار عاقل وهسه جنت ناوي انطيك الفلوس بدون حتى مااخذ سيارتك بعد هاي هيه هاي السياره تنساها وفلوس ماكو ارگع راسك بميه حايط
يابه 😳الله يخليك وكعت على ايده ابوسها البنيه راح اتموت اذا مااسويها العمليه
يابنيه ؟
اخت سراج
وانت شعليك وشنو قصتك وياها بس لاهم مسويلك مصيبه وياها وجاي تتستر على عيوبك😡
لايابه لايروح فكرك بعيد اكعد خلي احجيلك السالفه وانت احكم...
وهاي السالفه واخوها هسه بسجن ضلم والبنيه دتصارع الموت وبعد يومين للعمليه يابه مو الخاطري اني مااستاهل بس هيه شنو ذنبها ...
اوووف شوف حمودي اني بزعت منك ومن اخلاقك الواطيه
اتمنيت عندي ولد ايشيلني وكت كبرتي ويرفع راسي بين الناس
مو ينزل راسي كدام اليسوى والي مايسوى تعبتني وتعبت امك المسكينه وياك بس كولي هذا جزاتنه
يابه شدكول حقك بس كتلك الابنيه ماالها ذنب وخطيه
اني قررت انطيك المبلغ لكن بعد ماتخلص شغلك وياهم بعد هاي هيه مااريد اشوف وجهك هنا اتسافر للخارج يم خالك فهمت 😡
يابه وين اروح 😳مااكدر اعيش برا اني وشلون اعوف امي ..
مااعرف لهنا وكافي اضن اتحملتك اكثر من طاقتي وهاي المساله
اليوم اتروح تنهينه قبل لاالنتانه مالتك تكبر مو ناقصين فضايح اكثر
هذا المبلغ راح اكتبه الك بالشيك اتروح تنطيها وتسكت حلگها فهمت
ماشي فهمت
كلامي مااريد اعيده مرتين وكدام امك كوللها اني اريد اسافر اروح ادرس والا الغي شكو اتفاق وياك واخليك
لالاااا هاي هيه مثل ماگلت
طلعت من يمه واني فكري كله متوقف مااحب اسافر للخارج وفاطمه شلون اعوفها اتمنيت لو شاب وعايش حياه طبيعيه
ومامتعب اهلي حقه ابويه يوميه جايبله مصيبه هو هم بزع مني ...
گاعد ويه عمي صالح بسجن
عمي ان شاء الله راح يفرجون عني ماتريد شي مني اذا طلعت اوصل الااهلك ماشفت احد اجاك
اوووف ابني منو اليه لااخت تسال لا اخ ومرتي عجوز جبيره خطيه ماالها احد غيري جنه اني وياها واحد مداري الالخ
اووف عمي الله يعينك الي يشوف مصايب غيره اتهون عليه مصايبه
الله يفرجها عليك ابني انت انسان اصيل سراج والله يبارك بيك
وهاي امك مثال الام الصالحه ابد لاتكسر خاطر اهلك
امي هيه روحي شلون اكسر خاطرها
الله يسعدك وليدي وينور دربك وحياتك
امين عمي ...
رحت عليها وطبيت ضربت الباب قوي وطلعت
يابه اشدعوى مو الباب راح ينكسر 😏
اكسره على راسج وراس الي خلفوج 😡ياا.....
انتي بشر لو حشر لاعبالج مااعرف هاي دروبج الي يوميه ضاحكه بيهن على واحد شوفي هذا المبلغ اخذي وسدي حلگج بي واعرف كلش زين انو هذا الحمل مو مني لكن مااريد بعد اشوف خلقتج الزفره 😡
فهمتي وتنسيني تمام والا اندمج على اليوم الي ولدتي بي 😡
طلعت وعفتها...
باوعت تلفوني داايرن شفت رقم ام سراج اتنفست بصعوبه اطلع النار الي بصدري وجاوبت الوو...
الوو شلونك يمه حمودي شلون صحتك
الحمدلله بخير انتو شلونكم
الحمدلله ابني كلت اذا عندك مجال بلكي اتمر علينه ولو ثقلنه عليك
لا خاله تدللين هسه جايكم
ورحت طلعتلي ام سراج شلونك ابني ...هاي الكيكه شكر بسيط من فاطمه الك
اووو خاله تسلمون ليش تعبتو نفسكم لا بالعكس وليدي وهذا الاكل ياريت اتوصله السراج
من عيوني خاله هسه اروح
وسلملي عليه هوايه وعيونها دمعت
خاله فرجت ان شاء الله راح يطلع
صدوگ ابني
اي خاله لان بحيل الله المجرم راح يلزم
ان شاء الله وليدي ولو اخاف عليه من يطلع
ليش؟
لان تعرف بيهم عصابات وينتقمون منه
لا اا خاله ان شاء الله كلهم يلزمون
امين وليدي
يله خاله محتاجه شي بعد
لاسلامتك وليدي
يله بعد يومين اتحضرو للعمليه ان شاء الله
ان شاء الله 🤚
طلعت من يمها وباوعت على الكيكه اويلي 🥰فديتها الي تسويلي كيك مريت على سراج انطيته الاكل وسلمت عليه ورجعت للبيت طبيت وبيدي الكيكه دخلت للمطبخ وكعدت اكل مااحس الا راس يمي 😳بسم الله الرحمن الرحيم لج منين طلعتيلي وجه البومه
هااا شنو كيك منين
وانتي شعليج منين 😡
شوو يبين كيك مال بيت يعني بنيه مسويتلك ياا 🤔
امشي اطلعي براااا لا اسحلج بلبيت شوفتج اجيبلي الكأبه
اوووي طلعنه اشگد غثيث
ولججج عليمن اني اعلمج اووويلي هااي الكيكه احس كلها مشاعر واحساسيس بيها من هاي طعمها ايجنن طبت امي
هاا حمودي شلونك حبيبي اشعجب جاي من وكت مو من عواديك
تعبان يوم وماالي واهس اگولج يووم اريد اسافر اعيش يم خالي
ليش 😳ابني
بزعت من حياتي اريد ايصير براسي خير بلكي التزم وادرس
بس ابني شلون اكدر على فراگگ😓
تتعودين يووم عادي هسه لاتشغلين افكاركج ايحلها الحلال ضوكي هاي الكيكه وانطيني رايج
منين هاي الكيكه
هسه اكلي وكوليلي اذا طيبه يعني صاحبتها ترهم زوجتي المستقبليه لو لا
اهااا هيجي الحجي ضاملك وحده 🤔
اي طيبه الكيكه امبين من الكيكه وحده معدله منو هاي والله اذا صدوگ ناوي هسه اروح اخطبها الك يوم المنى اشوفك عريس
لا يووم موهسه اصبري خلي ارتب وضعي الله كريم ...
مشت الايام واجى يوم العمليه والليل كله مانمته من القلق والتفكير وسمعت محكمه سراج اجلوها لااسبوع الجاي واني كلي توتر اتحضرت وحضرت ملابسي وكاعدين اني وامي دنتضر حمودي بكد لهفتي الشوفته على گد قلقي من العمليه ..ا
ابويه قبل العمليه بيوم سلمني الفلوس وكال على اتفاقنه كتله ماشي حضرت نفسي من الصبح وتوكلت على الله يوم صعب بنسبه اليه
اعز انسانه راح تدخل للعمليه طلعت من البيت واتوجهت عليهم
وصلت يمهم ودكيت هورن وانفتح الباب وطلعت خاله ام سراج بعدها هيه طلعت وجها شاحب واصفر من الخوف الله يعينها
صعدو بسياره
شلونك ابني
الحمدلله بخير انتو شلونكم جاهزين
اي جاهزين بعون الله
يله لعد ننطلق