عندما تصفر اوراق الشجر وتتساقط فنعلم قد حل فصل الخريف كذلك في حياتنا هناك اشخاص تتساقط وتموت وتدور المواسم وبعد شتاء عاصف بارد تبدأ حياتنا تزهر بالربيع قادم لامحاله ....
بعد مارن التلفون شفت الاسم گلبي نفض من مكانه وجاوبت احس مو لساني ينطق لااا گلبي الي نطق اااااااخ اشگد محتاج اسمع صوتج واداوي جروحي بهمسج وانفاسج الدافيه من سمعتها شهگت
عبالك گلبي انطعن
الووفااااطمه حياتي شلونج اوووف اشگد مشتاگلج 😫
الووو الحمدلله على كل حال انت شلونك
اني عايش بس روحي مثل الشمعه انطفت تعبت وبعدج عني اكثر متعبني اتمنيت اضمج ونتشارك همومنه سووا ونتحمل المصاب سووا
اوووف مااعرف شگولك محمد كل مااشوف امي بهاي حالتها واني محبوسه بالغرفه مخنوگه من كلشي
هذا قدر ومكتوب ياحياتي وكل انسان نهايته الموت بس احنه نرفض نتقبل ان حبايب گلبنه نخسرهم ويروحون....
بقينه نحجي الى ان گالت تعبت اريد انام وسديته مخنوگ وفتحت الشباك جان الوقت متأخر دااشتم هواا ولمحت سياره واگفه اباب بيتنه انتبهت باب البيت مفتوح نزلت ركض الشك دخل بگلبي واول ماطلعت لكيت اختي واگفه ويه واحد 🤭ولزمته دگ بوكسات واختي انهزمت جوا وطلع ابويه اخذه من ايدي وامي كامت اتصيح الولد انهزم بس حسيت ايدي انفصخت من الضرب ضربته بدون وعي ودفعت امي وركضت على البيت سحلت نورا من شعرها وابويه وامي اخذوها من ايدي واني اصيح وابويه عاط بيه
شنو انت حيووووان اتريد تفضحنه
هو هذا انت الي هامك بس الفضايح اتخاف على سمعه شغلك
ابو محمد/لك انت مخبل شبيك اشجاي تحجي لك الغلط هيجي ايعالجونه ولو اني مااقبل بهاي التصرفات الغلط بس احب اذكرك ياسيد ان الدنيا دواره والي تخاف عليها اختك المفروض جان خفت على بنات الناس واعتبرتهن خواتك لان ربك يمهل ولايهمل
يابه انت شجاي اتگول
ابو محمد /اي نعم هاي الحقيقه الي سويته ابنات الناس هسه شفت بعينك طلع بااختك 😡يا عديم الشرف والاخلاق
شوف كلام واحد ومااثني بعد لو تزوج بنت خالتك وتنجب لو تسافر للخارج بعد مااشوف وجهك
بابا اختي غلطت ولازم اعاقبها
اني موجود بعدني ماميت اني الي اربيها مو انت وكلامي لاتغيره اختار
هذا اخر كلام عندك
اي نعم
راح اسافر لعد امي كامت تبجي وتلطم يمه وليدي ليش اتعاند اتزوج ولاتروح للغربه ابني ماالنه غيرك اجيت عليها وبستها من راسها يمه سامحيني وعفتها ومشيت...
الدنيا عصرتني عصر ومانصفتني كل الي احتاج اله هدوء نفسي اريد انهزم من كل القذارت الي جنت بيها كلام ابويه ديرن ابدماغي
الي سويته ابنات الناس طلع باختي كلامه صح
وحتى الحب الحقيقي الي حبيته راح اتركه لان راح اتعبها ويايه
اتمنيت واتمنيت بس احلامي مااتحققت ماالي نفس بعد بكل شي
قررت ابدا حياه جديده بعالم جديد بعيد عن اهلي وحبايبي
حضرت الجواز ولوازم السفر وبقى اخر شي لازم اسوي اروح اسلم على ام سراج واخليلهم مبلغ ايفيدهم لحد ماتوگف ام سراج على حيلها وصلت ابابهم واخذت حسره اذكرت سراج وكل ذكرياتي وياه بدت تاخذني ذكرياتي الكل التفاصيل الي عشتها وياه
دكيت الباب وطلعلي حسوني حضنته وبوسته حضني قوي وگام يبجي ونزلت دموعي وياه بدون ارادتي
شلونك حبيبي اخبارك
تعبانين كلنه من عافنه سراج
انت هسه رجال حسوني دير بالك على اهلك من بعد اخوك هسه همه امانه يمك
ادري والله واريد اطلع اشتغل وامي متقبل اتكول عندك مدرسه
اوووف حسوني صح اتكول امك كمل مدرستك اهم والحياه تدبر
وطلعت ام سراج وشافتني ودموعها نزلت
رحت وبستها من راسها خاله البقاء لله وكلنه على هذا الدرب لاتنقهرين على ابنج عاش شريف ومات شريف لااكل مال حرام ولااعتدى على احد والناس كلها جانت اتحبه وتحترمه وفكر بااخره مالته لان الدنيا زوال
اي وليدي الحمدلله دووم سراج جان حزام ضهري هسه بقيت مكسوره من دونه من مات المرحوم ماعافنه وجان هو رجال البيت
الله يعينكم خاله على مصابكم ورب العالمين ياخذه بحقه هو العادل
امين وليدي 🤲
خاله اجيت اودعكم
حتى انت راح تمشي واتعوفنه
والله خاله لو بيدي مااعوفكم بس ضروفي جبرتني ان اسافر ولابد مايجي يووم اذا الله انطانه عمر ارجع
لاتكولها وليدي ان شاء الله ترجع كافي نفقد احباب تعبنه انت من ريحه المرحوم من اشوفك عبالك اشوف سراج
الله يرحمه خاله هاي هديه بسيطه واتمنى ماتردين ايدي اذا اني صدوك اشوفيني مثل سراج
مسحت دموعها جمايلك كثرت علينه حمودي ومااكدر اوفي
على بختج خاله انتو اهلي واعز بعد وامانه اي شي تحتاجين رقمي يمج دگي عليه واني اتصرف
تسلم ابني وماتقصر ريتك سالم والله يحفظك الاهلك ياطيب ياابن الاصول
سلمت عليهم وكلبي ايريد ايشوف فاطمه لكن ماتكدر تطلع اوووف اتمنيت لو بس المحها من بعيد وابرد نار گلبي ...
ودعت اهلي وامي انتهت من البجي وابويه ايسكت بيها بوستهم واجيت على ابويه بسته من ايده يابه سامحني
الله يسامحك ويسامحنه ابني دير بالك على نفسك
كلمات الفراق اشبه بتمزيق الاوراق بتمزيق اورده القلب
بكتمان نبضاتهُ وخنقهُ من الهوا ....
دخلت للمطار وحضرت الجنط وانداريت لوحت الاهلي باايدي ✋
ودخلت للقاعه الانتضار منتضر مصير جديد من حياتي امتحان جديد ياترى راح ايكون اصعب صعدت بطياره وكاعد ومغمض ومنتجي راسي والافكار ماخذتني مااحس الاصوت يااخ يااخ ...
فتحت عيوني وشفت بنيه
لو سمحت هذا المقعد مالتي
جاوبتها ماشي وگمت وكعدت بصفها باوعت عليها مرتبكه
وسألتها شنو اول مره اتسافرين ؟
اي وكلش خايفه من الطياره 😥
لاعادي ماتخوف بس احيانا ً الطياره تعطل بجو او تنفجر 😌🙄
شنوو 😳انت شتگول هسه انزل
لايمعوده كعدي اشاقه وياج هيه موته وحده ليش خايفه
لااله الا الله مصر انت اليوم اتخوفني😰 اكثر من مااني خايفه 😑
لااا انسي عندج احد بااوكرانيا
اي عمي وراح اروح ازوج ابن عمي
اهااا بيها الخير
وانت
اني رايح يم خالي بس ماازوج لان مااحب ارتبط
اهاا حريه بعد 😑
اي بالتوفيق اشكرك المضيفه كامت اتصيح اربطو الاحزمه وهاي جفلت من يمها ولزمت ايدي 🙄
أنت تقرأ
انتِ دافئه ك شمس الشتاء
Romanceشباب لهم قصص مختلفه يتعلمون من قسوه الحياة وينتهي بيهم المطاف الى ثوره تشرين ثوره الابطال قصه من الخيال &&
