انتِ دافئه ك شمس الشتاء

بارت ١٢

احببتكِ بهدوئكِ بدفئكِ احببت نضراتكِ الخجوله وعشقتِ روحكِ الحنونه ...
وصلنه للمستشفى وحضروها للعمليه والعمليه گالو راح اطول ساعات ورا ماتطلع لازم تنحجر لان موزين عليها الاختلاط بااشخاص لحد ما جسدها يستقبل الكلى عدت الساعات بطيئه جداً وكلنه على اعصابنه خايفين واصبر باام سراج وبگلبي اگول اني اريد من يصبرني 😞
طلع الدكتور بعد انتضار طويل
هاا دكتور بشرنه شلونها
والله سوينه الي علينه والباقي بيد رب العالمين لحد الان وضعها الصحي تعبان لازم اتعدي مرحله الخطر عنها خلال ٢٤ساعه
ادعولها
يااارب اتشافيها 😞 امها گامت تبجي خطيه
يمه بنتي راح اتموت واتروح من ايدي
اذكري الله خاله مرحله واتعدي لاتخافين كل الدكاتره هذا جوابهم
بنتج محتاجه دعائج هسه اكثر من دموعج
ياااارب
تسريع لااحداث عمليه فاطمه نجحت وهسه حاليا راقده بالبيت بس محد يشوفها علمود العمليه مالتها وگلبي مشتاق الها وسراج حبيب گلبي اليوم يطلع بعد ماصدرت المحكمه بقرار افراجه بكفاله بعد ماقبضو على المجرمين واتحاكمو بفضل الدليل الي قدمنا اللهم خابرت خاله ام سراج وعزمتني على الغده كالتلي اجيب سراج وتجون محضرتلكم الغده ان شاء الله خاله راحت الغيمه السودا بدت الحياه تشرق من جديد اي والله وليدي الحمدلله دووم دير بالك على سراج وتعالو 
ان شاء الله خاله تدللين اجيبلج الغالي
رحت شفت سراج ديوقع اوراق الافراج والفرحه بعيونه ماتنوصف من شافني ركض عليه وحضني اووف انت اخويه مو بس صديقي وگفتك ويايه اوويه  اهلي عمري ماراح انساها
فديتك ياطيب يله حبيبي سراج خل نطلع منا
اي والله اطلع وبعد ماارجع ولو خطيه هذا الشايب كسر بخاطري عمي فلاح سلمت عليه وطلعت
حمودي اخبارك مشتاقلك والله حتى الطلعاتك العاويه اشتاقيت الها
هههههه لا حبيبي صرنه عقاااال
اهااا لاااا من يمته
من دخلت انت للسجن وحسيت بقيمه الحريه والاهل والاصحاب
اي والله كلامك درر خييي
دقيقه خل انزل اتسوك حمودي اريد اشتري حلويات اودي بيدي الاهلي خطيه
ماشي تدلل نزلنه وگفت يم السياره وانداااار عليه لك حمووودي خوييي انت احبك طووخ
مااحس الا وماطور بي ثنين ملثمين طلعوو سلاحهم ركضت و صحت سرااااااااج اندار عليه هااا حمودي اتريد حلويات
لك دير بالك ماحس الا سراج انفض من الطلقات الي اجتي بي
ورحت اركض عليه لزمته وحضنته لك سرررراج ليش هيجي خويه خليتني بلا اخ وصديق لك سراج گوم امك تنتضرتنه مسويه غده وحسوني مزين البيت وينتضرك يااااااالله
اخذته للمستشفى بس عرفت بي فارق الحياه بنفس الدقيقه بس حسيته جان يتمتم بشهاده 😞
شگول الامه شگول الاخته اگوللها جبت ابنج جنازه انغدر گدامي يااااربي صبرني وصبر اهله خطيه
واصل الخبر الامه وماشفت الاالمستشفى انرجت بالعياط وگلبي لجمني عليها ام وحقها تعب السنين ايروح بلحضات سندها الي ضمته للكبره ايروح منها تعبتينه يادنيا واخذتي الغالي
اصعب امتحان بدنيا هو الفراق الم بدون جروح اتحس مو بس عيونك تبجي لا روحك وگلبك وعقلك كلها تبجي على الذكريات على الساعات الحلوه
مر اسبوع على وفاه سراج رجليه اخذتني للجامع گعدت بجامع بغير وقت صلاه رحت اتوضيت واحس جسمي كله يرجف من الرهبه
اجيت وقفت بين يدين رب العالمين وگلبي مليان جروح دموعي سبقت التكبيره وبديت اصلي ويه كل ركعه وكل سجده احس جسمي يثقل حسيتها ذنوبي الي كثرتها بسبب طيشي بدنيا كملت الصلاه وكعدت ادعي وادعي لحد ماحسيت دموعي نشفن حسيت صوت ورايه
اتقبل الله ابني
انداريت شيخ جبير امبين عليه طيب
كتله منا ومنكم شيخنه
ايبين الدنيا متعبتك حيييل واخذتك من واجبات ربك
اي والله جنت اعمى بس مو اعمى البصيره اعمى الگلب هذا الگلب الي سودنا من كثر خطايانه
لاتنسى مادام بيك نفس ياابني باب التوبه مفتوح الك ولاتخاف مادام فكرت بغلطك يعني ربك ايحبك وحب ينطيك فرصه اتوب لان داخلك صالح ويحب الخير
الانسان العاصي مايحب الخير وحتى اذا اجا خير يمتنع عن فعله لان گلبه اقوى من الحجر
اوووف شيخنه صديقي جان طيب والدنيا تعبته هوايه وراح استراح
كل انسان يموت بيومه ياابني والدنيا مادامت الاحد بس نصيحتي الك والكل انسان واعي دائماً اگوله صلي قبل ان يصلى عليك
صدقت ياشيخ الدنيا فانيه اشكرك على كلامك الطيب وربي يكثر من امثالك
ان شاء الله ابني دائماً اشوفك هنا في بيوت الله
ان شاء الله في امان الله 🤚
رجعت للبيت طبيت لگيت اهلي گاعدين هله ابني تعال هسه جنت اريد اخابرك
ليش يوم
تعال ابوك ايريد يحجي وياك بسالفه اي يابه شلونك
بخير اسال عنك شلونك شلونهم اهل سراج
بخير يابه ادري بيك اتريد تحجي ويايه علمود موضوع السفر اني جاهز يابه اذا تريد اتسفرني
لااا ابني داافكرلك باالاحسن وراقبت سلوكك الفتره الفاتت بديت تتغير وقررنه اني وامك نخطبلك بنت خالتك
شنوو 😳منو كالكم اريد ازوج
ليش ياابني هيجي تحجي انت موصغير استقر وكون عائله كافي مابزعت من حياه العزوبيه
لاااا وحتى لو ناوي ازوج اني الي اختار
شوف ابني امك تعرف احسن منك وهيه اختارت الك بنت خالتك اخلاق وجمال وثقافه بعد شتريد
هو منو الي راح يزوج اني لو انتو گمت وعفتهم....
مرت الايام صعبه عليه حيل منا عمليتي ومنا وفاه اخويه اجتي خالتي ادارينه اني وامي لان امي بعد الحادثه وكعت طريحه فراش ضغطها مجاي ينزل تعبت من كلشي احلى شي بحياتنا راح واني محبوسه بالغرفه روحي طاگه ونفسيتي زفت الموت الي جنت اخاف منه كمت اتمنا لحضه بلحضه وارجع استغفر ربي الامتحان صعب حيل عليه مدااتحمل صافنه ودموعي تجري باوعت تلفون امي شلته ودگيت بدون وعي على حمودي اريد ابجي اريد اصرخ دگ التلفون الووو
الووو صوتي مدايطلع من حجم الالم الي بيه
الووو
شهگت وبجيت
فااااطمه حياتي شلونج اوووف اشگد مشتاگلج 😫