في بعض الاحيان نقرر تغير حياتنا دون معرفه ودون وعي متأملين بالمستقبل افضل ولانعلم ماتخبئه لنا الاقدار 😞
ساندي /بعد ماوصلوني البيت عمي مااعرف صابتني رهبه من تركوني يم الباب حسيت نفسي وحيده وخايفه ومااعرف اشينتضرني بلبيت يااارب ساعدني دخلت فتحت باب الحديقه ودخلت دكيت الباب محد طلع ودكيته مره ثانيه وانفتح بالباب طلعتلي مره اضاهر الشغاله مالتهم بس ماتعرف عربي فهمتها انو اني ضيفه ودخلتني شفت البيت عادي مو كلش جبير بس احسه كله غموض وهدوء كعدت وانتضر ورا شويه انداريت شفت واحد ورايه فزيت وجفلت كاعد على كرسي متحرك باوعت عليه كتله انت وسيم باوع عليه اضاهر السانه ثگيل ميعرف يحجي زين كتله اني ساندي بنت عمك عافني وراح شلون خبول راح اگابل اني🙄 تعبت من الانتضار واني نعسانه والجنطه ويايه ومااكدر اصرف بكيفي وادخل على الغرفه وارتاح ورا ساعه اجى عمي ودخل وسلم عليه ورحب بيه وكال اكو غرفه فوك للضيوف روحي ارتاحي بيها اتشكرت منه وصعدت همزين رحت بدلت ملابسي وطبيت سبحت وحطيت راسي ونمت من التعب .....
محمد /اخذني خالي وياه للبيت هو زوجته متوفيه وبعد مااتزوج بس موسوس مال نضافه دخلنه للبيت بدلت وسبحت ولكيته محضرلي العشا
ياهلا بحمودي نور البيت يله تعال اكل
اي خالو عاشت ايدك الاكل ايجنن فنان انت
يله عيني بعد ماتخلص الاكل اتشيل الصحون وتغسلها
شنووو 😳
اي لعد شعبالك ابوك وصاني عليك وكال اريدك ادير بالك عليه
اهااا اهنا الحجي 🤔🙄
اي واتخلص واتنام ومن تكوم اترتب سريرك وغرفتك مااريد فوضى ودير بالك اشوفك ادخن بلبيت اذا ردت ادخن بالحديقه تطلع فهمت لو لااا
فهمت خالو شنو انت اشگد ادقق
اي هنا ماكو ويانه مره اتنضف النه لازم احنه نسوي كل هاي الواجبات
صار بعد تأمر شي
لاااا هسه روح نام والصباح رباح 😒......
ساندي /صحيت الصبح نزلت البيت هدوء مابي احد دخلت للمطبخ لگيت عمي گاعد سلمت عليه صباح الخير عمو
صباح النور
شنو الضاهر بعد مامتريگ
لا انتضرج لان البارحه مشيت الشغاله كلت بعد مايحتاج مدام انتي اجيتي
هااا😳اي ماشي عمي تدلل 😓
اي وخلال هذا الاسبوع راح اعقدلج على وسيم اريدج تهتمين بي وتتحملينه شويه هو عصبي
عمي اريد احجي وياك بخصوص وسيم اني ابويه فهمني انو ديتعالج وراح يسوي عمليه يعني راح يكدر يوكف على حيله ويمشي
اضاهر ابوج جذب عليج وسيم حالته ميؤس منها
اني هنا جمدت بمكاني من الصدمه 😳عمي انت شتگول يعني ابويه ضحك عليه وسيم مايگدر يمشي بعد
لاااا شغلته كلش صعبه وهسه نقاش بهذا الموضوع انتهى واريد اگولج على قوانين البيت ممنوع الطلعه الا امر ضروري لان مااقبل اتعوفين وسيم وحده تنضيف للبيت وطبخ وهاي الشغلات كلها ومصروفج عادي اني انطيج ياا اذا احتاجيتي شي فهمتي
اني هنا دايخه ومصدومه كتله عمي من بعد اذنك اني راح ارجع مااريد ازوج
شنووو ليش بكيفج هوو دزيت مهرج الابوج واتفقنه وبعد هاي هيه ماكو رجعه ابوج بالخط العريض باااعج زيين ساندي
انت شتگول ليش اني شنو يمكم حيوانه ماعندي مشاعر بكيفكم اتبيعون وتشترون بيه حرام عليكم
شوفي ساندي بيتج هذا گبرج ماتعرفين احد هناا وتبقين ادارين وسيم فهمتي والااا
والاشنوو 😡
اتصرف وياج غير تصرف انتي ماتريدي يله سوي رويگ الوسيم اني طالع وارجع الكى الغده حاضر المسواگ بثلاجه
اووو كعدت بالكاع وابجي من القهر اني شسويت بروحي ليش وافقت وابويه اكول صار حنين عليه اثاري قابض فلوس بيعتي وهاي الحيه مرته اكيد هيه الوزته عليه علمود تنتقم مني يااربي شسوي اني هسه باوعت على تلفوني واتذكرت محمد يااربي شلوون خلي اخابره واكوله بلكي ايساعدني ارجع لو انهزم من عمي هذا مبين عليه ضالم اكثر من اهلي انوب ايگولي ابني عصبي فدمره كول مخبل واريدج تتورطين بي جربت ودگيت ...
گعدني خالي حمودي حمودي هاااا خالو يمعود بعد وكت اشبيك تعبان اني ارحمني اليوم جاي من السفر
لك گوم هاي صديقتك ام الطياره دتصل بيك
فتحت عيوني ياساتر شتريد
جاوبها لو اني اجاوبها
لااا جيب اني اجاوبها
الووو اخ محمد 📞
اي 📞
صباح الخير شلونك اسفه على ازعاج ابين گعدت من النوم
صباح النور لا عادي اتفضلي
والله مااعرف شگولك محرجه منك
لا انتي دكيتي وكعدتني من النوم بعد احجي احرجي نفسج عادي 😒ااامري
الصراحه انصدمت اجيت واتورطت ابويه طلع بايعني العمي
يعني شلوون مداافتهم شنو انتي بقره عذرا يعني بس ماافتهم
اي تكدر اتكول هيج ابويه فهمني ابن عمي مقعد وديتعالج وراح يمشي عن قريب علساس يسووله عمليه ويرجع يطيب
اي كملي
وهسه عمي ايكول ماكو هيجي حجي هو عاجز ماعنده امل وكتله ارجع مقبل ايكول انطيت مهرج الابوج وبعد اعتبري هذا البيت گبرج
اووف من ابوج هذا هم اب اني لو منح اتبره منه
شسوي هسه بس گلي
والله مااعرف شگولج خليني افكر هسه وبعدين نتفاهم مع سلامه
شكو ابني شبيها
مصايب ياخالو اهلها ضاحكين عليها وايريدون ايزوجونها الواحد شلل
خطيه وهيه شلون قبلت
مسوي ريوگ خالوو
اي سويت وددانتضرك
لعد تعال نتريگ واحجيلك قصتها وننضر بقضيتها اني وياك
يله ماشي
سممت افكاري بحجيك ياعمو هاي بدايتها مشيت الخدامه يعني اني الخدامه الجديده الكم بدون مقابل والمعامله الطيبه وين خوش استقبال عمي الطيب اضاهر انتو نفس الطينه 😓
كم ضاقت بي الدنيا ولم اعد ارغب بشي اصبحت بلا الوان
محبوسه بين اربع حيطان وافكاري الحزينه بس براسي مليت من كلشي وتعبت اريد اطلع اريد اريد اصرخ اريد اكسر اريد اطلع قهري بس ااااخ وين انطي وجهي اتمنيت لو ايام تمشي بسرعه واتحرر من قيود الي اسرتني واروح على حمودي واكعد اعاتبه ليش وليش علقتني بيك وهسه تركتني بنص الطريق لو ماشايفته وناقدني احسن لو مخليني اموت وارتاح من هاي الدنيا الي وجعتني واذتني اريد انام ووبعد مااگعد ....
هااا خالو هاي قصتها شتگول اخاف اگوللها تعالي وانجيب على راسنه مصيبه وهم يطلعلها اهل وسالفه اعراض ومااليه خلوگ اني مناك انهزمت من المشاكل لحگتني لهنا 😓
أنت تقرأ
انتِ دافئه ك شمس الشتاء
Romanceشباب لهم قصص مختلفه يتعلمون من قسوه الحياة وينتهي بيهم المطاف الى ثوره تشرين ثوره الابطال قصه من الخيال &&
