عندما تفقد اوكسجين وتنتخنق وتغمض عينك وتستلم للنهايه مشوراك في الحياة وفجاة تدخل الى رئيتيك نسمات هواء عذبه وتشهق الهواء الجميل الذي يداعب روحك المنكسره وترسم على شفتيك الابتسامه وتبدا برؤيه الامل الذي فقدته ...
محمد/سديت التلفون منها واني حسيت روحي احتيت من جديد مااعرف احساسي وياها ماينوصف اشبه بضلمه من تدخل عليها النور
رجعت للبيت واني دااعيد بعقلي كل كلمه سمعتها منها ودخلت
هلو خال 😌
هلوات عيني ايبين فرحان وجهك ديضحك ياربي دووم فرحنه وياك
حجيت ويه شخص عزيز عليه انطاني اوكسجين لان جنت مخنوگ
واتنفست🥰
اهااا هنا الحجي يله تعال نتغده سويت تبسي ايخبل
خالي انت فنان واني اليوم مزاجي وردي راح اساعدك
اگولك شخبار ساندي شو سكته خطيه الابنيه بعد ماعرفنه عنها شي
يمعود شمدريني شو انت شنو قصتك وياها 🤔ليش شاغله فكرك
انجب ولك 😡الابنيه بگد بنتي
اي 🙄لاتعصب مايصير نتشاقه وياك
بعد لاتتشاقه هيج شقه
ماشي تدلل واليوم المواعين عليه بعد شتريد
خوش يله اكل وگلي رايك بطبخي
شيف بعد مايحتاج احجي 😌....
فاطمه /بعد مااتصلت بخالتي واني گلبي يرجف وخايفه يااارب
الوو
الوو وين انتي اخابر ومشغول
جنت احجي ويه صديقتي
المهم فطومه اليوم راح نبقى بالمستشفى
ليش 😳اشبيها امي
لاتخافين بس لازم تبقى تحت المراقبه لان ضغطها مادا ينزل راح ادزلج حسوني يبقى يمج
الله عليج امي مابيها شي لاتضمين عليه
لا شبيج ماكو شي ديري بالج على نفسج مع السلامه
مع السلامه ياارب امي تگوم بسلامه وترجع النه مابيه بعد حيل فراگ احد ....
ساندي /طبخت الغده واني فكري مشغول بعمي وباابنه لان خطيه كسر بگلبي مثل حالتي ماعنده احد يحن عليه😔
دخل عمي للبيت بدون ميحجي دخل للمكتب دخلت ورا عمي ماتتغده
شفت حاط اوراق تحاليل كدامه وضايج
لا مااريد بس خلي وسيم يتغده
عمي بيك شي باوع عليه وسكت
لا مابيه شي
ماشي 😑وصلت الباب وصاحلي ساندي انداريت عليه هاا عمي
مااعرف من وين ابدي بس لازم اگولج اشبيه وبعد انتي وضميرج
شكو عمي خوفتني 🤭
اني طلع بيه مرض خبيث وايامي معدوده اليوم بين بالفحوصات
انت 😳شتگول عمي
هذا بعد الي صار بعد تعرفين ماعندي بدنيا من ورايه غير وسيم اتمنى منج ماتتركينه لان تعرفينه راح يتبذهل
عمي الاعمار بيد رب العالمين لاتيأس من رحمه ربك
طلعت من يمه واني مسطوره بالخبر بعدني مامستوعبه يعني ويه جيتي اكتشف مرضه لو جان يدري وشاك بنفسه وماحجه وطلب ايزوجني ابنه اساله هوايه صارت براسي بس هذا مو المهم المهم لازم اقرر اتزوج وسيم لو لا 😔هو مسكين كسر بگلبي واني بعد وين ارجع على ابويه لو امي الي مافكرو بيه بيوم لازم ارضى بقدري كل اليجي من رب العالمين خير بي النه بس احنه البشر ماعنده صبر يااارب 😔رحمتك 😔
احزاني قد تكاثرتي ولم اعد قادره على حملكِ ومواصله مسيري تعبت من الضياع....
بعد ماغديت وسيم واني نفسي مارادت رغم ماعمي حاد ويايه لكن انقهرت عليه صعدت الغرفتي ولزمت تلفوني اتذكرت محمد كلت خطيه خابرتهم وبقى فكرهم مشغول عليه خلي اطمنهن انو قررت اعيش هنا واتزوج ابن عمي 😣...
محمد/اتصلت باامي وگامت تبجي حمودي البيت بلايك فارغ ابني اخبارك مشتاقتلك كومه
يوم 😂صارلي يومين من اجيت شنو هل الفلم الهندي 😂
اي انت اضحك واني ميته قهر عليك 😭
الله يحفظج الي ياامي شسوي هذا قرار الوالد ولازم نحترمه 🙄
اي ارجع ماعليك منه
اي ارجع مو هسه بس ارجع ازوج
صدوووك وليدي يوم المنى
اي بس مو على مزاجكم اني اختار الابنيه
موافقين يابه بس ارجع واعقل ياابني
ليش يوم مخبل اني 🙄
لا ابني انت العقل كله
اي زين لعد 🤗
سلمت عليها وسديته ونزلت على خالي هاا خالي حياتي شدسوي
تعال لگيتلك شغل
صدوك وين
فيتر
شنووو واني منين اعرف 😳
تتعلم وليدي اتعلم تاكل من عرق جبينك علمود تعرف قيمه الفلس ادري بيك بحياتك ماتعبت بفلوس الي جنت تصرفها
خالي يمعود ماكو غير شغله الا هاي دهن وصخ وتعب
هذا الموجود 🙄اانت مو تگول مااريد منيه ابويه يصرف عليه
اي صح 😓مااريد شي منه اني اصرف على نفسي
لعد اتوكل على الله وباجر اگعد من وكت اول يوم دوام الك صدوگ نسيت اكولك ساندي خابرت واتگول قررت اعيش ويه بيت عمي وازوج ابنه
هاا اشعجب الصبح جانت تبجي وتريد تنهزم منهم 😑
مااعرف اضاهر غيرت قرارها
الله يوفقها 😏
خالي راح اطلع اجيب عشه
ماشي الله وياك
طلعت مخنوگ بس لازم اعتمد على نفسي وابدأ حياه جديده لازم اتعلم كل مافاتني بالعب والدياحه الي گضيت بيهن حياتي الفاتت بلا معنى صح طرد ابويه اليه جان قرار قاسي بس احسه امتحان اليه ولازم انجح بي واترك كل المساوئ الي مريت بيها ...
لولا تجاربنا القاسيه في حياه لما تعلمنا فعل الصواب ...
فاطمه /بقيت الليل كله الوب على امي ياربي وين اروح اخاف لايصير عليها شي وافقدها غير اموت وراها ماالنه غيرها بدنيا حسيت بااطرافي كامت اتنمل وراسي بدا ايوش وبعد مادريت ...
فتحت عيوني لكيت عمي المضمد فوك راسي بالغرفه كلي
الحمدلله على السلامه بنتي
الله يسلمك شنو السالفه واني شبيه
مابيج غير العافيه بس عندج هبوط حاد ايبين ماماكله بنتي موزين الج انتي مسويه عمليه جديد ولازم تهتمين بصحتج لحد ماتوكفين على حيلج وتستعيدين نشاطج وقوتج
تسلم عمي شسوي مدا اشوف الكوارث ملاحگتني انوب امي اتخربطت واخذوها للمستشفى
الله يعينكم بنتي اول مااجاني حسوني اجيتج ركض وعرفت صاير عندج هبوط طلبت من حسوني ايسويلج لبن شويه بي ملوحه اشربي وديري بالج بعد مو ماتاكلين موزين اتأذين نفسج وخطيه امج تنقهر من اتشوفج هيج كوني قويه وسانديها
ان شاء الله عمو مشكوره هوايه منك والله ينطيك الصحه والعافيه يارب
الله يسلمج بنتي مع السلامه ...
محمد/اتعشينه وصعدت انام واني افكاري مشغوله بكعده الصبح لازم اتحمل شما يكون الوضع ونمت كعدت الصبح على صوت المنبه بس كسل مو طبيعي لان مااحب كعده الصبح بس لازم اتعلم بعد بدلت ونزلت لگيت خالي مجهز الريوگ
يله عيني شو اتاخرت وكت مابقى كلت مااكعدك اشوفك اشوكت تگعد
لا خالي كعدت بس بعدني نعسان 😣كملنه ريوك واتوجهنه المكان العمل طبيت كراج جبير والي يشتغلون بي اجانب والاسطه مبين عليه حقنه وعصبي ياساتر حجى وياه عمي وكلي طب 🙄يله استلم العمل مالتك 😣
أنت تقرأ
انتِ دافئه ك شمس الشتاء
Romanceشباب لهم قصص مختلفه يتعلمون من قسوه الحياة وينتهي بيهم المطاف الى ثوره تشرين ثوره الابطال قصه من الخيال &&
