من المؤسف أن يكون هذا العالم متسع لكل شيء إلا لأحلامك .
.......💔
,,,,,,,,,,,,,,,,,,,,,,,,,,,,,,,,,,,,,,,,
سما: ثاني يوم قررت افتتح موضوع الدراسة مع علي وكنت متأكدة حيوافق اجه الضهر تغدة وخلص صعد حتى ينام اني كنت جاي انظف المطبخ تقريبا اذن عصر اني خلصت ساويت شاي وصعدت حتى احجي ويا دخلت للغرفة هو جان متمدد وديباوع بالفون خليت الجالي على الميز ورحت كعدت يمه هو قفل التلفون وباوعلي كلي ليش مجيتي نمتي الشغل ميخلص كتلو اها يي عادي موانتو الخطار يمكم هواي اخاف يجي احد ويباوع للمطبخ وانو مانظيف
علي: هم صحيح يي اليوم جاي للغرفة وكوة تطلعين الكلمه اكو شي تردين تكولي لتخبين عليه
سما: يي موشسمة اها اريد احجي ويا بموضوع
علي: سما ياعيوني كولي شنو تريدين بس بدون لف ودوران والكلمة تضلين تلوكين بيها ساعة كولي شتردين
سما: اريد ادرس مو جتي المدرسة
علي: تدرسين
سما: يي علي اريد ادرس كلشي ولا دراستي حباب
علي: سدي الموضوع هسة بعدين نحجي والله راسي يوجعني
سما: اشنو اسد الموضوع هستوك كتلي احجي ولتخبين عليه ولمن احجيلك راسك يوجعك
علي: كتلج بعدين نحجي كافي
سما: لا ماكافي شون بعدين بله انتضرهم يعطلون الطلاب صار اسبوع من داومو
علي: اهوو
سما: علي لتخبلني ترى كلشي ولا مدرستي فهمت
علي: شوفي ولج اذا حجيتي هجي مره ثانية وياية اكسر راسج ومدرسة ماكو لشوف شتسوين
سما: علي صدك ما أضل يمك والله اروح لاهلي
علي: وين تروحين اهلج ميستقبلوج انسيها هاي السالفة طلعة منا ماكو
سما: والله انهزم ومااضل وياك متخلف شون ماكو مدرسة شنو السبب بله بنتك اشو تخليها تدرس لحد متعبت منها كد مارسبت وبطلتها برضاتها والله مااضل يمك شبيها المدرسة حتى متخليني ادرس هاااا
علي: منو المتخلف ها والنوب تصيح بنت الكلب
سما: لتحجي على بابا احسن منك يي انت متخلف واكبر متخلف( اني كلت هيج لو علي اجة ضربني كف حسيت بأذني صار صوت صفير كد ماقوي صدك انصدمت وابتعد عني ومخله كلمة تعبانة محجاها ويفشر ويغلط ويسب بيه وبأهلي ويغير ملابسو واني كعدت بالكاع ومخلية اديه على خدي وبس دموعي ينزلون كنت مصدومة حتى ماباوعتلو خلص لبس اخذ سويج السيارة ومفاتيح هواي والمحفظة والساعة مالتو واجه وكف فوك راسي كلي كومي لشوف اني من الخوف احس رجليه تخدرو مااكدر اكوم وهو يصرخ ويكلي كومي اني احاول مااعرف اني من اخاف هيج يصير بيه ما اكدر اتحرك وهو يصرخ يحسبني جاي اعانده مسكني من شعري ويكلي متسمعين الكلام يا كح..... جاي تجاهليني مو شوفي ولج اجي بالغرفة مااريد اشوف وجهج فهمتي كتلو بصوت يرجف روح لمرتك الثانية شعليك بغرفتي لوهم حتى تذبني بالمخزن وبعدين تجي تتوسل اني كلت تتوسل وصار يصيح اتوسل بمنو و مااعرف اشنو وصار يضربني ويكول صلفة ماتستحين كلت اكوللها هيج بلجي تخضع تكسر بكلبي شكوات عينج نذلة استمر علي بضربي لحد ممل لكن ضرباتو مكانت توجعني كد كلبي يلي انكسر ضليت مرميه بالكاع ودموعي تنزل وهو كاعد على التخت ويمسح بوجهه كان شعري على وجهي لهذا وراسي على الارض فميكدر يشوفني اشنو جتي اسوي وصوت ميطلع هو حسيته خاف كام وكف باوعلي وفرك وجهه صار يروح يمين يسار يريد يطمن عليه بس ميريد يحسسني انو مهتم اخر شي اجه بعد شعري عن وجهي اني خفت وخليت ادية على وجهي هو اتعوذ من الشيطان وبعدين كال استغفرالله وطلع من الغرفة بقيت اليوم كله كاعدة واجبي مااكدر استغني عن مدرستي ومااعرف اشنو تسوي هم مااكدر ابتعد عنو واذا خابرت اهلي ورحت يمهم حترجع نفس المشاكل خاصة احمد بس يريد حجه حتى يرجعني كل ميخابرني يسألني سولج شي احد حجه وياج بس مااكله لان اني اتحملت كلشي على مودهم ومن خوفي عليهم بس مدرستي مااتنازل عنها المهم ضليت لحد منشفو دموعي وراسي موتني دخلت للحمام غسلت وغيرت ملابسي بس عيوني وارمه طبعا علي كاعد معانا بالبيت حضرنالهم غرفتين غرف لجهاله وغرفه الو ولمرتو نزلت كلهم بالاستقبال فرحت لغرفت ام علي لكيتها جاي تصلي مغرب كعدت على السرير انتضرها تخلص حتى احجي وياها كملت وباوعتلي بأستغراب وحجت
أنت تقرأ
عوضُ بعد إجحاف
General Fiction_ لا يأخذ الله منك شيئًا ثم يَدعُك بلا عِوض.. وعِوض الله إذا حَّل أنساك ما فقدت .. يأتي بصورة عظيمة ،وفيرة وغامِرة بشكل لا يُتوقع..
