~لآ تفقِد صَبرگ مهمَآ تأخر عليگ ﺎلفرَج فمآ بينَ حُلمگ ۈ تحقيقہ ﺈلا صبر جَميل ..ودعوه مستجابة
......................................................
سما: كعدت الصبح مصدومه مااعرف شنو اسوي حتى مااكدر ابجي كمت غسلت بس احس نفسي مااكدر افكر بأي شي اخذت موبايلي صرت لكيته حاضرني من كل المواقع وحنين هم حاضرتني وحتى وسام هنا بديت استوعب بس والله شي مايتصدك شون يتخلى عني مستحييل بدت دموعي تنزل ومااعرف شنو اسوي صرت ابجي بصوت عالي المشكله مامسوتعبه الي جاي يصير كسرت موبايلي وخليت راسي بين رجليه وصرت ابجي بس المشكله احس بداخلي ناار وراسي يوجعني اجتي ماما
ماما: يمه سماوة شبيج ليش تبجين
سما: ماما تخلى عني موو ماما احجي الصراحة والله علي يحبني وما يتخلى عني
ماما: ياروح امج لاتبجين ياعمري مايستاهل دموعج تنزل علموده وبعدين خلي يتخلى ياروحي هو الخسران يمكن وعى على نفسه لادمريين نفسج ياروحي خلي يولي اهتمي بدارستج مايستاهل تقهرين نفسج علمودة
سما: ماما لاتخبليني ليش تحجين بهذا البرود والله احبه ماما حسي بيا جاي امووت ماما حبابه كولي كذب والله علي ميعوفني ماما يحبني وميتخلى عني شون هيج تحجين حموووت والله ياماما احس روحي جاي تطلع ماما يحبني ميعوفني
ماما: ياعمري والله احجي لمصلحتج كومي ياروح امج كافي بجي كافي اكلج ميستاهل دموعج الحلوة هسه كومي غسلي حتى اسويلج ريوك
سما: ماما لاتخبليني شنو هذا البرود انتي هم تعتبرين نفسج ام اكلج جاي اموت تكليلي كومي تريكي ماما رجاءا اطلعي وعوفيني
ماما: احجي ويايه زين ولتصيحين 👋غبيه
سما: ماما تضربيني والله مع الاسف بدل متوكفين ويايه ماما حبابه عوفيني ترى مليت من الصدمات حسي بيا يابشر حسي بيه 😭😭
ماما: كافي اني الي جاي اسوي لخاطر مصلحتج انطيني موبايلج ولا تطلعين كدام ابوج واخوج بهاي الحاله فهمتي ترى يموتوج والله خبلتيني سمحتلج تخابري وكم مرة طلعتي ويا لتحسبني مااعرف بس كنت اتغاظى وكم مرة حذرتج واكلج ميفيدج ويتسلى بيج بس انتي غبييية فهمتي لا تطلعين من هاي الغرفة بهاي الحالة فهمتي ترى تخبلت من وراج والله
سما: كافي كافي عوفيني مااريد منج شي بس خلي تلفوني مني حبابه مااريد شي
ماما: ماكو تلفون واذا تردين شي صيحيني
سما: ما اريد شي ماااااااريد 😭
ماما: وطبج طوووووب لتردين
سما: طلعت ماما وعافتني يعني اقرب انسانه الي وهي امي هيج تعاملني ياربي ليش هيج يصير بيه والله ممسوية شي ليش كلها تتخلى عني
........... بقييت بهاي حالتي 3 ايام مااعرف شنو اسوي حتى اهلي ميجون يشوفوني قضيته بفراشي انام ولمن اكعد ابجي تجي ماما توكلني غصبا عني بس اني لحد هسه ممصدكه تخلى عني تعبت واني افكر واعطي اعذار
أنت تقرأ
عوضُ بعد إجحاف
Fiction générale_ لا يأخذ الله منك شيئًا ثم يَدعُك بلا عِوض.. وعِوض الله إذا حَّل أنساك ما فقدت .. يأتي بصورة عظيمة ،وفيرة وغامِرة بشكل لا يُتوقع..
