عوضُ بعد إجحاف

الجـزء الثاني (البارت الثاني )

وُڪأنْ ڛفُيُنْتْيُ غٍرقٌتْ فُيُ بُحر قٌلُبُڪ عٌشُقٌا مْاعٌاڊ بُإمْڪانْﮩا أنْ تْنْجوُ.😍..

سمـا: صار المغرب والبيت بعدو مليان ناس والهوسة تموت واني اجيت تعبانه ومابية اصعد انام اخاف يحجون بس شنو هم ولا هامهم بالعكس يموتون على هيج اجواء والبنات بالمطبخ جاي يحضرون للعشى بس السلطة واللبن واشياء خفيفة البقية جايبين طباخ ماعرف هم يطبخون بالحوش واني حايرة ماعرف اروح للمطبخ او ابقى هنا بس اذا رحت للمطبخ هناك سارة وبنتها يموتوني كلامهم سم واخاف ماكدر الا اجاوبهم وتصير مشكله وهم اني تعبانه بس اريد اصعد لغرفتي تعبت مشى الوقت واني كاعدة بالنهاية قررت اكوم لان من صدك تعبت اريد اروح لغرفتي هستوني طالعة وصاحتني حنين كلتلها اريد اصعد للغرفة تعبانه

حنين: اعرفج تعبانه بس هسة الحجية تحجي وعمتي ام نور هم تحجي عليج شون تعوفين الخطار ابقي كاعدة لا يسولج مشكله

سما: الله اكبر هسة الحجية فهمتها ام نور شعليها وبعدين الخطار على اساس جاين عليه او حاجية وياهم اني اشو بس كاعدة واتصفن وكل شوية اسمع ثنين يحجون عليهم خليني ساكته يمعودة ترى والله متحملة الخاطر علي والا جان جاوبتهم وحده وحده عبالهم ما اسمعهم

حنين: هههههه اويلي فديت المعصبة يويلي شكلج يجنن وانتي دردمين وين ابوية يولو

سما: وجع خجلتيني راحت ام العصبية

حنين: منصدك يعمري معليج بيهم والله كلهم غايرين منج ومقهورين معليج بيهم ولتجاوبيهم وتنزلين لمستواهم وهم لخاطر ابوية بعدين عمة ام نور صح هي ساكنه بغداد بس نفس الحجية يعني على كلشي تحجي وعلي ميكدر يردها لان يحبها وهي اقرب وحده الو لهذا ديري بالج منها وابتعدي عنها اذا حجت وياج عبري  الكلام واحترميها واتجنبيها

سما: ايبا شدعوه هيج

حنين: يولي هي حتى سارة من تجي عمتي متحجي شي وتحاول تتقرب منها

سما: لا مدام سارة مبتعدة يعني الشغلة خطيرة

حنين:  هههههاي مو بس خطيرة بس والله عمتو كلبها طيب وبعدين هي فترة وتروح متبقى هواي وانوب سنة يلا تجي

سما: بعد احسن يعني هسة ماروح ارتاح

حنين:  لا

سما: لعد اروح وياج للمطبخ متت من الضوجه على اقل احجي وياج او مع جنان او بناتها او مع نور هم حبابة

حنين: ابقي هنا ابوية ميقبل تطلعين للمطبخ

سما: يا منو كلج

حنين: والله هو من نزل كالي ما كلتلها بس انتي لتخليها تطلع من الاستقبال لان الولد يجون للمطبخ وياخذون غراض وهو ميريد احد يشوفج

سما: اشو انتو كلكم طلعتو عود ليش بس اني

حنين: على اساس متعرفين الشيخ علي ميريد احد يشوف خيلاج يلا امشي كدامي للأستقبال