عوضُ بعد إجحاف

الجزء الثانـي /البارت السابع عشر/

أسوأ ما قد يصيب الإنسان أن يفقد شهيته في القول، في الضحك، في إظهار ردات الفعل، أسوأ ما قد يصيبه أن يموت حيا،، 💔😔
#فصلية_مؤقتة
#للكاتبة_ملاك
_____________________________
سـما: كـ؏‌ـدت الصبح راسي يوجعني وشوي دايخه وريان نايم بس راما ماكو اكيد اخذتها ماما يي فرحت غسلت واستغفرت ودعيت لعلـي وصليت ركعتين وبعدها بديت ابجي بقيت ابجي لحد ما ارتاحيت شوي بعدها نزلت لكيت ماما كاعدة بالمطبخ وراما بحضنها ومصطفى يلعب برا وسحر جاي تنظف صبحت على ماما واخذت راما وكعدت يمها .

""""""""""""""""""""""""""""""""""
عبـد الرحمن:من يوم ما وصلت سما لبيت اهلها ورجعت اني بالي يمها مجاي تروح لحظه عن بالي اول يوم رجعت ما صار شي اتصلت على ابو سما كال بعدها منهارة وتبجي وسألني شنو رح يصير سما عرفت ويريد بنتو تبقى يمو هو مايدري اني مهدي الوضع بالكوة كلتلو ان شاءالله عمي يصير خير وماكو شي اهم شي صحت بنتكم خلصت الاتصال وكملت شغلي ورجعت للبيت لكيت سعد ووسام وسيف بالبيت دخلت عليهم السلام عليكم

سعد:وعليكم السلام عمي شلونك اخبارك

عبد الرحمن:والله الحمدالله بخير انتو اخباركم

وسام: والله احنا نسأل عنك يكولون البارحه جايب سما للمقبره ومرجعها يعني هسة ماضلت حجه وماضل شي يوكفنه حتى مناخذ اخوانه ترى احنا سكتنه هواي بس وصلت حدها

عبد الرحمن:يي جتي سما ودرت بأبوكم متوفي وزارت قبرو بس البنية منهارة وشتسون بجهالها كل عقلكم يا بعد عمكم تريدون اخوانكم يبقون يمكم تجي سما هي وامها تسكن بالبيت الي خلا ابوكم الها

سعد : يابيت عمي شنو جاي تحجي

عبد الرحمن:ابوك مخلي بيت لسما ومسجلو بأسمها وكال اذا صار بيه شي يبقى الها ولجهالها هيج ينحل الموضوع ولا تبعدون سما عن جهالها ولا تبعدونهم عنكم واذا مرادت تجي هنا لبيتها عود بذاك الوقت يحق الكم تاخذون اخوانكم وترى اذا اشتكت عليكم تكدر تاخذهم لان ولدها انتو بأي حق تاخذونهم

سعد:والله ياعمي مادري ما عبالي اكو بيت بأسمها بس هذا خوش حل لعد يلا وسام وسيف امشونا نروح والحل الي كالو عمي يصير

سيف:كل عقلك تحجي يعني

سعد: اش سيف لا تكمل كلامك الكلتو يصير

وسام: سعد شنو اش تعرف نفسك شنو تحجي لو لا

سعد:اعرف يبعد اخوك ماكو غير هالحل يلا عمي احنا نترخض وان شاءالله تنحل مثل ماتريد

عبد الرحمن: يبعد عمك والله انك كفو وتفتهم وماكو غير هالحل يناسب الكل وانتو ابقو متروحون جاي يصبون غدة

سعد:لا والله عمي متقصر بس اروح احجي للأهل عن الحل حتى محد يسوي مشاكل اني هم عندي شغل ومالي خلك للمشاكل