هلاو 💜😍
وأدركت بأن أول هزائمي كانت عند عتبة
عينيك بين رمشٍ في الأعلى ورمشٍ في
الأسفل🌀🌸
،،،،،،،،،،،،،،،،،،،،،،،،،،،،،،،،،،,,,,,,,,,,,,,,،،،،،،،،،
سما: اول موصلنا للبيت كانت سارة موجودة وكاعدة بالحديقة هي والحجيه هم وام علي ورحمة وسوسن اول منزلت من السيارة علي مسك ايدي وكلي
علي: حبيبي شنو يحجون وياج معليج اني اجاوبهم واذا سألوج بس جاوبيهم
سما: اوك
.... نزل علي الاكياس من السيارة ومشى بأتجاه الحديقة
علي: السلام عليكم
رحمة بوية ذولي العلاليك اخذيهم للمطبخ
رحمة: والعلاليك الثانية لمنو
علي: لسما يلا بنتي خفي ايدج
الحجية: يي يبعد امك زين جنت انخابرك متجاوب الا سألنا وسام وكالنا رحت انت وهالفصلية ياوليدي تقبلها امك تموت من الخوف وانت طالع تونس وحدة ماتستاهل شني السالفة يوليدي ومخلي مرتك وام ولدك بيت ابنها ومتقبل تفوت بيتها حرام عليك انت هيمت صرت تظلم ولو بنات الحرام مايخلن اخد بخير
علي: يمه خلصتي لو بعد عندج. حجي يلي بكلبج طلعي لتضلين ضامتة حتى اعرف اجاوبج وبعدين راح اكول كلمة وتخلونها حلقة بأذنكم سما موفصلية سما مرتي ويلي يتجاوز او يغلط عليها يعني تجاوز عليه واني كلت وحذرت بعد اذا سمعت احد كال فصلية ميشوف خير
الحجية: لا والله يوليدي غسلت ايدي منك اخذت عقلك الماتسمه لا والله فصلية ونص
علي: يمه والله جاي احاول احترمج لان امي ومايجوز اغلط او ارفع صوتي بوجهج بس والله ماتفاهمين ياله بوية سما امشي لغرفتج واني اطلع مالي خلك احجي وام سعد تحضري هسة يجي سعد ياخذج.
الحجية: لا يوليدي تطرد مرتك وانت فرحان اول يابة انت ابد موتربايتي عزة العزاني ولك مرتك ماتطلع من هين واذا مو وياية واني باقية هين لشوف هم راح تطردني لخاطر هالعجية
علي: استغفرالله يايمه مرتي وانجاز بيها رجاءا لا تدخلين اشو لمن زتيت سما بالمخزن ماحجيتي لو لان سارة بنت اخوج وهاي غريبة اني كلت سارة اجي مالكيها بالبيت
سارة: ابو سعد ترى البنية حجيت وياها وكالتلي مسامحتج واعتذرت منها وهي كد بنتي بعد والله مااكدر افارك بيتي خلني اكعد بغرفتي ومعليك بيه
سما... اني بس واكفة واباوعلهم ماحجيت شي بعد كلبي علي سكتهم فديته هستوني ديجاوب سارة اجانو اتصال راح يجاوب وحجت الحجية معطتني مجال اهرب 😂
الحجية: شوفي ولج تروحين تحجين مع علي اذا ماخله سارة تضل بالبيت اكسر راسج ام السحورة
سما: الحمدالله ممسوية سحورة ام السحور تعرف نفسها كلش زين وبعدين رح احجي مع علي لان كسرت بكلبي سارة خطية وهم اعتذرت بعد مااريد شي والقرار لعلي اني مالي دخل بس رح احجي ويا 😌
أنت تقرأ
عوضُ بعد إجحاف
Fiksi Umum_ لا يأخذ الله منك شيئًا ثم يَدعُك بلا عِوض.. وعِوض الله إذا حَّل أنساك ما فقدت .. يأتي بصورة عظيمة ،وفيرة وغامِرة بشكل لا يُتوقع..
